حد هنا مركب باب شقه مصفح ؟

[Ahmed_Adham]

ألف مبروك بس فيه سؤال. الباب بييجي بالحلق بتاعه طب كان فيه خساير في الحيطه في فك الحلق القديم ولا الاستبدال كان سهل؟

[محمد يوسف]

هو مهم جداً
بس لا قدر الله حصل امر طارئ في البيت وحبينا نفتح الباب المصفح من خارج الشقه هل هنقدر ... يعني مثلاً ست كبيرة في الشقه واغمى عليها ونسيت المفتاح في الباب من جوه ازاي. هنكسر الباب علشان ننقذها ... او حتى لو لاقدر الله. حصل حريق في الشقه فهل تستطيع المطافي انها تكسر الباب وتدخل

أسئلة فى محلها جدا

[sayed911]

حضرتك جبته من المعرض فعلا ؟ الأسعار كانت كام طيب ؟ التركيب كان بكام والسعر شامل كل حاجة ؟

[ahmed_h_g]

الف الف مبرووك ... ياباشا

الله يبارك فيك

ألف مبروك بس فيه سؤال. الباب بييجي بالحلق بتاعه طب كان فيه خساير في الحيطه في فك الحلق القديم ولا الاستبدال كان سهل؟

طبعا" لازم يتشال الحلق القديم والباب بيركب بالحلق الحديد الخاص بيه

حضرتك جبته من المعرض فعلا ؟ الأسعار كانت كام طيب ؟ التركيب كان بكام والسعر شامل كل حاجة ؟

لا اللى كان فى المعرض كان ميتال وود باب حديد وعليه طبقة خشب
واللى أنا أشتريته ميتال فقط عليه طبقة دوكو نفس لون الخشب أرخص 1000 جنيه من الميتال وود
السعر 2500ج شامل التركيب + 50ج نقل و50 تكسير الحلق القديم وتوسيع مكان الحلق الجديد
الأنواع كتير من 2200ج صينى لغاية 8000 ج ايطالي و8000 جنيه برضه المصرى و الماكينه تركي
مش عارف ليه مقلق من الكالون اللى راكب عندى فى الباب
ياريت اللى يشترى ياريت يجيب باب صينى مش مشكله أهم حاجه الكالون يبقى تركى أو ايطالى مش صينى