الكارت الذكى اول يوليو -طبقا لموقع اليوم السابع

[ashraf122]

نزل خبر النهاردة على اليوم السابع ان الكارت الذكى للبنزين اول يوليو ولازم نسجل البيانات على موقع على النت

السؤال الان
1-هل لازم العربية تكون مسجلة يعنى لو شاريها بتوكيل اعمل اية
2-لو الواحد غلى اسمة عربيتين حياخذ كارت لكل عربية ولا واحدة من العربيات حتكون برة الدعم

[M I D O]

لازم تكون مسجلة باسمك في المرور و لو عربيتين ماعرفش بصراحة

[MaZaGAngeE]

ايه الوضع لو الرخصة خلصانة ؟

[mxz911]

متابع وياريت لينك التسجيل

[Ahmed_selmy]

طيب هل البنزين حيبقى تراكمى ولا شهر بشهر..... يعنى لو انا مستهلكتش البنزين فى شهر بيترحل على اللى بعده ولا بيروح عليا.

[Sh_sunsea]

نزل خبر النهاردة على اليوم السابع ان الكارت الذكى للبنزين اول يوليو ولازم نسجل البيانات على موقع على النت

السؤال الان
1-هل لازم العربية تكون مسجلة يعنى لو شاريها بتوكيل اعمل اية
2-لو الواحد غلى اسمة عربيتين حياخذ كارت لكل عربية ولا واحدة من العربيات حتكون برة الدعم

1- لازم تبقى مسجلة وباسم الي هايستلم الكارت الخاص بالعربية (التوكيلات لا أعتقد انها هاتمشي)

لازم تكون مسجلة باسمك في المرور و لو عربيتين ماعرفش بصراحة

2- هياخد كارت لكل عربية مافيش مشكلة

ايه الوضع لو الرخصة خلصانة ؟

هاتبقى مشكلة ولا أعتقد ان هايطلع كروت لآي حد رخصة عربيته او رخصة القيادة بتاعة منتهية

متابع وياريت لينك التسجيل

خطوات تسجيل المركبات للحصول على بطاقة الدعم الحكومى

طيب هل البنزين حيبقى تراكمى ولا شهر بشهر..... يعنى لو انا مستهلكتش البنزين فى شهر بيترحل على اللى بعده ولا بيروح عليا.

مافيش حدود للبنزين - كل عربية تقدر تسحب أي كمية هي عايزاها - سواء بالكارت بالسعر الحالي - او بدون الكارت بسعر العالي

حتى اذا تم تحديد حد لكل كارت - فالكلام ده مش دلوقتي خالص - الهدف حاليا انهم يتأكدوا ان البنزين الي بيدخل المحطة بيخرج على عربيات مش بيتهرب - وطبعا لما يلاقي عربية بتسحب كل يوم 1000 لتر مثلا هايقفل الكارت

[w-m-a]

http://www.esp.gov.eg
خطوات تسجيل المركبات للحصول على بطاقة الدعم الحكومى/

[Dr.M_baz]

وهل كده الأزمه هتتحل ....احنا بقالنا 3 أسابيع بنتعذب في المنصوره.

[S O P H O S]

المهم البنزين يبقي موجود قبل الكروت !

[hobiko]

الكارت الذكى .......... من النظام الغبى