شنط رمضان2013- يا باغي الخير اقبل ولو ب 10 جنيه

[Karim_Monir]

السلام عليكم ورحمه الله
كل عام وانتم بخير
رمضان عالابواب وان شاء الله محدش يقطعلكم عادة
متعودين كل سنة على شنط رمضان وبطاطين الشتاء
دلوقتى عايزين نجمع شنط رمضان عشان باقى اقل من اسبوعين
ان شاء الله مطلوب مننا 500 شنطة
اخر موعد لتلقى التحويلات والمشاهمات يوم 2013/7/4 باذن الله
علشان نلحق نوصلها للأسر قبل رمضان بيومين ان شاء الله
الشنطة اتكلفت السنة اللى فاتت حوال 70 جنيه وكانت تحتوى على 2 سكر و2 ارز و2 مكرونة وربع شاى و1 لوبيا وفاصوليا و1 عدس لونين و1 فول وعلبة سمنة
ان شاء الله هنعملها بنفس المحتويات السنة دى والسعر هيزيد حسب اسعار السوق حاليا
وان شاء الله هنعلم 3 احجام من الشنط حسب عدد افراد الاسرة اللى هنقدملها الشنطة
اللي عايز يساعد مباشرة
تليفوني 01001263030
او هنا واقوله نقدر ناخد الفلوس ازاي
لازم تساهم ولو بملغ قليل جدا ان شالله 10 جنيه ومش بهزر
الجنيه بيفرق كتير

اخوكم كريم


====================================

طريقة الدفع هاتكون بحوالة بريدية وده مش بفضلة كتير لانه بيخليك تدفع مبلغ اضافي واحنا اولي بكل مليم
والطريقة الاسهل ايداع بنكي مباشر وتبلغني بالمبلغ عالميل او مسج تليفون عشان افصلة عن فلوسي الشخصية فورا
الايداع هايكون في البنك الاهلي سوتيه جنرال وده فروعه كتير جدا جدا
NSGB
حساب
736-10029904283-96
Karim Serag Mounier
NSGB Bank

وهنا شبكة فروع البنك
دوس عالمدينة يطلعلك عالشمال كل الفروع والتليفونات
الميزة انك ممكن تعمل ايداع باي مبلغ بسيط بدون اي رسوم
NSGB Network

ولاي تحويل من برة مصر
بالويسترن يونيون او تحويل بنكي
ويسترن هايبقي باسمي
كريم سراج منير حسن
ويديني في ميل بيانات الشخص اللي حول والمبلغ عشان اعرف اسحبه
لو في اي تفاصل مش واضحة ممكن تبلغوني
وماتحقروش من المعروف شيئ
وخليك ايجابي ولم من اللي حواليك زمايلك او احبابك ولو 10 جنيه هاتفرق مع الناس دي
بارك الله في اعماركم وصحتكم ووقتكم واولادكم

[Ahmed_selmy]

بارك الله فيك.....وجعله فى ميزان حساناتك.

[YahiaAshraf]

طب تمام ...............طب مفيش البنك الاهلى ( من غير سوسيتيه جينرال ) اصل البنك الاهلى تحت بيتى

[Samah AbdAllah]

بطل كسل يا يحيي
وعدي عليا عشان تعملي ايداع معاك :-d
بارك الله فيكم جميعا

[YahiaAshraf]

بطل كسل يا يحيي
وعدي عليا عشان تعملي ايداع معاك :-d
بارك الله فيكم جميعا

هههههه

المهم انا عندى فى منطقة محرم بك فرع للبنك ده بس مفتحش لسه فى برج جديد بيتشطب

[|Mostafa|]

بارك الله فيك يا كريم

دايما انت بتشجعنا لان والله سكك الخير بقت قليلة والثقة معدومة بسبب ال الدين والسياسة

الله يباركلك ياكريم

[احمد المصرى]

بارك الله فيك استاذ كريم


وخلى بالك فى عروض حاليا فى كارفور جميله ممكن المحتويات ال انت كاتبها فى الموضوع تعمل تقريبا 60 جنيه وكدا يبق هتكتر من عدد الشنط تقبل الله منى ومنك رمضان

[hilal]

وفي ذلك فليتنافس المتنافسون
الحمد لله الذي رزقكم فعل الخيرات

[elhelwany188]

السلام عليكم ورحمة الله وبركاته ...
جزاك الله خيرا ...

[romieh]

اللهم اجعله فى ميزان حسناتك

اللهم ارزقنا فعل الخيرات

[marsguy]

السلام عليكم ورحمة الله وبركاته،،،

أقترح عليك يا أستاذ كريم إنك توفر طرق دفع أكتر من كده شويه:

مثلاً حضرتك ممكن تشوف حد من صحابك اللي بتشوفهم كتير عنده حساب في hsbc وممكن تشوف حد تاني عنده حساب في cib مثلاً ويكون هو متطوع إنه يلم الفلوس دية ويديها لحضرتك.

هاتفرق كتير أوي

شكراً

[Karim_Monir]

والله يا جماعه صعب قوي الا موضوع الفلوس دي
مقدرش اعمل كدة عشان لو جرالي حاجة الاقي اللي عارف ان دي ايداعات ناس ومانزلش القبر عليا ديون ودي مش اي ديون
فكدة احسن عملا بمبدأ دفع الضرر اولي من جلب المنفعه
في طريقة تانية بس اللي هايستخدمها لازم يديني مكالمة بعدها مباضشرة
اللي هي تحويل رصيد فودافون عالطاير لرقم شحن لو موافقين احط الرقم وده سهل ابيعه

[Nashaat Rady]

بارك الله فيك يا برنس

[Karim_Monir]

وصل 100+300+500

ووصل 1300 سابقا

فين يا جماعه ده احنا كتير قوي ما شاء الله

وحدثنا قتيبة بن سعيد حدثنا ليث عن سعيد بن أبي سعيد عن سعيد بن يسار أنه سمع أبا هريرة يقول قال رسول الله صلى الله عليه وسلم ما تصدق أحد بصدقة من طيب ولا يقبل الله إلا الطيب إلا أخذها الرحمن بيمينه وإن كانت تمرة فتربو في كف الرحمن حتى تكون أعظم من الجبل كما يربي أحدكم فلوه أو فصيله


يعني باذن الله صدقتكم دي الطيبة باذن الله تكون كالجبال وتستظلو بها يوم القيامة

[Samah AbdAllah]

كريم بعد اذنك
اعتقد فودافون كاش ممكن تكون طريقة سهلة لناس كتير
ومفيش اكتر من فروع فودافون ومش مرتبطين بوقت الصبح اللى معظمنا بيكون في شغله فيه
او بيكسل ينزل في الحر