مولد الكهرباء الجديد اتحرق .. طلب مساعدة من مهندسين الكهرباء

[WHATZUP]

لو سمحتم يا جماعة انا كنت شاري مولد كهربائي بيطلع صافي 2.5 ك. وات .. جديد والظاهر ان الدينامو بتاعة اتحرق لانة تقريبا كان المونيوم بعد حوالي اسبوعين من يوم ما اشتريتة
ماشتغلش حوالي 10 ساعات وطبعا كانوا متقطعين اكتر فترة متواصلة تقريبا ساعة
....هو صيني طبعا نوعه... استرا كوريا .
المهم وديتو لواحد عشان يلفو قالي ,,هنلف الموبينة والدينامو بسلوك نحاس و هاخد ٥٠٠ جنية تمن السلوك والمصنعية ..
يا تري السعر دة معقول ولا غالي وياتري ممكن اشتري دينامو و موبينة جداد يكون افضل ؟؟؟؟ لو السعر قريب ؟؟؟
وهل يا تري ممكن نعلي قدرة المولد طالما كدة كدة هانغير الدينامو والموبينة؟؟؟؟؟ يا
ريت الرد بسرعة عشان رايح للمهندس دة بكرة ومحتاج رايكم....

[MaZaGAngeE]

باشا
انا رديت عليك في الموضوع بتاع المولد

[MaZaGAngeE]

باشا
انا رديت عليك في الموضوع بتاع المولد

[MaZaGAngeE]

نقلتلك الرد :

ده سعر معقول و تلفه احسن ما تشتري جديد لان سلك اللف احسن من اللي هتجيبه جديد , انا بلف مواتير المصنع و كلها صيني و اللي بيتلف مرة مش بيبةظ تاني خالص لان السلك اللي جاي بيه بيكون ضعيف و من نوعية سيئة و السلك اللي بيتلف بيه هنا بيكون كويس ..
بس مهم جدا انك تكون مجرب الراجل ده قبل كده او حد معرفه موديك عنده و تتاكد انه هيضمنه 3 شهور و فيه ناس بتضمن 6 شهور و فيه ناس مبتديش ضمان .... كل مكان و ليه ظروفه

[mohamed_selim]

هو الاولى لو هيلف و ياخد ضمان ميرجع المولد اللى اتحرق ده و لسه جديد !

[WHATZUP]

نقلتلك الرد :

ده سعر معقول و تلفه احسن ما تشتري جديد لان سلك اللف احسن من اللي هتجيبه جديد , انا بلف مواتير المصنع و كلها صيني و اللي بيتلف مرة مش بيبةظ تاني خالص لان السلك اللي جاي بيه بيكون ضعيف و من نوعية سيئة و السلك اللي بيتلف بيه هنا بيكون كويس ..
بس مهم جدا انك تكون مجرب الراجل ده قبل كده او حد معرفه موديك عنده و تتاكد انه هيضمنه 3 شهور و فيه ناس بتضمن 6 شهور و فيه ناس مبتديش ضمان .... كل مكان و ليه ظروفه

باشا الف شكر للمعلومات القيمة دي ..خلاص اتوكل علي اللة والف الموتور زي مانت قلت
شكرا

[DreAmO]

هو الاولى لو هيلف و ياخد ضمان ميرجع المولد اللى اتحرق ده و لسه جديد !

مولدات الكهرباء الصيني مفيش لها ضمان .. ولا حتى بتتجرب قبل الشراء

يعني تشتريها زي البطيخه .. وهو كده

[mohamed_selim]

شكرا للتوضيح ... ربنا مع صاحب الموضوع و طمنا الاخبار ايه

[WHATZUP]

انا روحت لفيت الدينامو والموبينة.. وقالي انو هايركب حاجة اسمها مثبت تيار..
المهم جيت اجرب عندي لقيت الكهرباء اللي طالعة مش 220 تقريبا 210 او 205
اية الحل ؟؟؟؟ انا حاسس ان المروحة بتلف اضعف والاضاءة اقل... ياتري دة شيء مؤقت ولا مش هتتظبط....
وياتري دة ممكن يحرق اجهزة عندي؟؟؟؟

[MaZaGAngeE]

انا روحت لفيت الدينامو والموبينة.. وقالي انو هايركب حاجة اسمها مثبت تيار..
المهم جيت اجرب عندي لقيت الكهرباء اللي طالعة مش 220 تقريبا 210 او 205
اية الحل ؟؟؟؟ انا حاسس ان المروحة بتلف اضعف والاضاءة اقل... ياتري دة شيء مؤقت ولا مش هتتظبط....
وياتري دة ممكن يحرق اجهزة عندي؟؟؟؟

الاجهزة الكهربائية بتشتغل على مدى من 180 الى 240 فولت ,,, متقلقش مش هتتحرق لكن هتلاحظ فعلا ان الاجهزة بقت اضعف او اقوى على حسب خرج المولد .
المفروض ان في المولد بكرة او يد للتحكم في الفولت الخارج منه , لو مفيش كلم الكهربائي اللي لف الدينامو و خليه يرفعلك الفولت الى 210 ..
اساله لانه هوه اللي شاف المولد و اشتغل فيه فهيكون عارف امكانياته بالتفصيل..

[windofchange]

طيب سؤال قبل ماندور المولد فيه زرار اسمه circuit breaker نقفلها امتي ونشغلها امتي

[WHATZUP]

الاجهزة الكهربائية بتشتغل على مدى من 180 الى 240 فولت ,,, متقلقش مش هتتحرق لكن هتلاحظ فعلا ان الاجهزة بقت اضعف او اقوى على حسب خرج المولد .
المفروض ان في المولد بكرة او يد للتحكم في الفولت الخارج منه , لو مفيش كلم الكهربائي اللي لف الدينامو و خليه يرفعلك الفولت الى 210 ..
اساله لانه هوه اللي شاف المولد و اشتغل فيه فهيكون عارف امكانياته بالتفصيل..

شكرا يا باشا علي الرد.......وكنت عايز اعرف اية اطول فترة ممكن اشغل فيها الدينامو؟؟؟ واية افضل نوع زيت ممكن نستخدمة ؟؟؟؟

[MaZaGAngeE]

طيب سؤال قبل ماندور المولد فيه زرار اسمه circuit breaker نقفلها امتي ونشغلها امتي

بتقفل الزرار ده ( يعني تمنع الكهربا من الخروج من المولد ) لحد ما المولد يشتغل و صوته يهدى تروح فاتح الكهربا ..
الفكرة من الزرار ده منع وجود تحميل على المولد وقت بداية التشغيل عشان المولد يشتغل بسلاسة ... بعد كده تقدر تستخدم الكهربا براحتك ,, بس لازم تراعي انك متعديش 75% من القدرة الكلية للمولد ..
يعني لو المولد بيخرج 5 كيلو حاول انك متزودش الحمل عن 3.75 كيلو ,, عشان تحافظ على كفاءة المولد .

[MaZaGAngeE]

شكرا يا باشا علي الرد.......وكنت عايز اعرف اية اطول فترة ممكن اشغل فيها الدينامو؟؟؟ واية افضل نوع زيت ممكن نستخدمة ؟؟؟؟

المفروض ان فيه مؤشر للحرارة و طول ما الجهاز حرارته كويسة شغله زي ما انت عايز بس حاول انك تحطه في مكان فيه تيار هواء زي رف على سور البلكونة مثلا او جنينة البيت ..
نوعية الزيت هتلاقيها مكتوبة على الجهاز , و في الغالب يستخدم زيت عربيات عادي و اسال برضه محل الزيت اللي هتشتري منه , انا كنت بجيب زيت موتور موبيل دلفاك بتاع العربيات الربع نقل بس ده كام مولد 60 كيلو .
كمان خلي بالك ان الزيت بيتغير كل عدد ساعات معين موجود في الكتالوج او مكتوب على الجهاز ..