شوارع مصر......... صباحها غير العصر

[حسام ابو كرمة]

[frame="7 80"] شارعنا المصرى غريب الاطوار
صحيت بدرى و نزلت رايح على شغلى كالعادة الساعة كده بتاع 7 صباحا




ركبت الاسانسير دعاء الركوب بسم الله و الحمد لله سبحان الذى سخر لنا هذا و ما كنا له مقرنين و انا الى ربنا لمنقلبون



خدت توك توك لأول الشارع كان مشغل قرءان بصوت المنشاوى و الولد اللى سايق جميل و هادى و وشه حاجة كده ملائكية








ركبت ميكروباص لاول فيصل الناس هادية و السواق مشغل قرءان بصوت عبد الصمد و الزنقة بتاعة الميكروباص تنساها فى دقيقة و لا يعرفها الا رواد فيصل و الهرم الفولكس ابو باب مفتوح



نزلت منه عشان اركب ميكروباص السيدة نفس الهدوء و برده السواق مشغل قرءان (مش فاكر كان مين )
فى السيدة ميكروباص رايح مكرم عبيد بس الناس كانت ابتدت تزنجر بقى و العربيات الميكروباص بدأت تقبقى قليلة شويتين بس الناس ركبت و هيديت و السواق راح طاير على زرار الكاسيت و الله الله على جمال القرءان تانى و اوائل سورة البقرة و حاجة كده زى الفل ووصلت شغلى الحمد لله








المشهد الهادى المصحوب بترتيل احلى المشايخ بيتحول بعد الظهر لابشع المشاهد فى التاريخ





الميكروباصات بيسبوا و يلعنوا لبعض و الناس مش طايقة بعض و الكاسيت بيبقى اغانى افلام عبده موته
و التوك توك نفس التوك توك فاكرينه ايوة بتاع صوت الشيخ المنشاوى بيبقى مشغل اوكا واورتيجا باعلى درجة صوت فى البتاع اللى مركبينه فى كائنهم الحى المسمى توك توك حتى الاسانسير ممكن اروح الاقيه يا عطلان يا النور قاطع






الموضوع ده فكرنى بعقيدتنا فى ميلاد الطفل على فطرته و بيكون كالقماشة البيضاء و كل ما يعدى عليه يوم تزداد القماشة غمقان الا من رحم ربى
هكذا يومنا نصحى من النوم كبياض المولود فطرتنا سليمة طيبة هادية و جميله و كل ما يعدى ساعة نفضل نكذب و نشتم و نغتاب و نفوت فرائض و نضرب اسافين فى بعض و. و. و. و. و. و. و. و. و. الا من رحم ربى لغاية ما يجى اخر اليوم و بقينا من اسوأ المخلوقات




[/frame]

[elhelwany188]

السلام عليكم ورحمة الله وبركاته ...
للاسف فعلا ده حال الشارع المصرى الصبح بحال والعصر بحال ...

[mohamed_selim]

ماهو الصبح بتاع الناس اللى صحيت بدرى و رايقه ... بعد الضهر اللى بيصحو متاخر وصلو و الحر بيعمل عمايله :)

[reda elgohary]

موضوعك رائع أحييك عليه .

[حسام ابو كرمة]

[frame="7 80"]

السلام عليكم ورحمة الله وبركاته ...
للاسف فعلا ده حال الشارع المصرى الصبح بحال والعصر بحال ...

يا اخ حلوانى ليتها حالين ده ساعات بتبقى 10 12 حال و كل دقة ساعة بحال

ماهو الصبح بتاع الناس اللى صحيت بدرى و رايقه ... بعد الضهر اللى بيصحو متاخر وصلو و الحر بيعمل عمايله :)

يا اخ محمد صدقنى بيبقى نفس الرايق الصبح هو اللى بيتحول بعد الظهر و كأنه من فريق المتحولون

موضوعك رائع أحييك عليه .

ده من ذوقك يا اخ رضا المجتمع المصرى هو اللى مبدع و مفجر افكار

[/frame]

[ehabpopo]

موضوع رائع ... وملاحظة جديرة بالاحترام ... تصدق يا اخى الموضوع ده موجود تقريبا فى كل محافظات مصر المحروسة ...
على قد ما ملاحظتك ممتازة فى هذا الموضوع على قد ماهو موضوع مرعب ومخيف ... فى بلد اسلامى ... شعبها كان بينضرب بية المثل فى الشهامة والجدعنة والرجولة ... ربنا يسترها
الناس بقت اخلاقها صعبة جدا ومابقوش يستحملو بعض .. وتحس انهم عايزين يتخانقو على اتفه الاسباب ...

[حسام ابو كرمة]

[frame="7 80"]

موضوع رائع ... وملاحظة جديرة بالاحترام ... تصدق يا اخى الموضوع ده موجود تقريبا فى كل محافظات مصر المحروسة ...
على قد ما ملاحظتك ممتازة فى هذا الموضوع على قد ماهو موضوع مرعب ومخيف ... فى بلد اسلامى ... شعبها كان بينضرب بية المثل فى الشهامة والجدعنة والرجولة ... ربنا يسترها
الناس بقت اخلاقها صعبة جدا ومابقوش يستحملو بعض .. وتحس انهم عايزين يتخانقو على اتفه الاسباب ...

بداية اشكرك على اطرائك الطيب
اخى ايهاب انها كما قلت المحروسة بإذن الله
متخافش كنت فى مرة وسط الهوجة السنتين اللى فاتوا واقف مع اصدقائى امام شارع ابو طالب ببولاق ابو العلا و هى لمن لا يعرف هذه المنطقة هى خلف مبنى ماسبيرو مباشرة
و كان وقتها فتنة المجلس العسكرى مع شركائنا فى وطننا جميعا الاقباط و كان ضرب و دم و مظاهرات
*اول مظاهرة معدية من قدامنا كانت ترفع كتاب الله و تهتف لا اله الا الله محمد رسول الله و اشكالهم لا تعرف عدد ركعات صلاة الظهر الا من رحم ربى
* المظاهرة الثانية ترفع الصليب و تهتف للمسيح و تسب فى الجيش و اشكالهم قريبة من اللى قبلهم و لا اعتقد انهم دخلوا كنيسة يوما (ظن شخصى مع من حولى )
* المظاهرة الثالثة كانت خليط بين المجموعتين والهتاف المميز لتلك الايام مسلم مسيحى ايد واحدة
فى اقل من ربع ساعة فى نفس النقطة و نفس الشارع و نحن لم نتحرك
هذه هى مصر يا عزيزى بلد كل شىء
[/frame]

[monamize4]

فعلا ,,,

[حسام ابو كرمة]

[frame="7 80"]

فعلا ,,,

واضح ان الكل عايش فى نفس البلد



[/frame]

[حسام ابو كرمة]

[frame="7 80"] شارعنا المصرى غريب الاطوار
صحيت بدرى و نزلت رايح على شغلى كالعادة الساعة كده بتاع 7 صباحا




ركبت الاسانسير دعاء الركوب بسم الله و الحمد لله سبحان الذى سخر لنا هذا و ما كنا له مقرنين و انا الى ربنا لمنقلبون



خدت توك توك لأول الشارع كان مشغل قرءان بصوت المنشاوى و الولد اللى سايق جميل و هادى و وشه حاجة كده ملائكية








ركبت ميكروباص لاول فيصل الناس هادية و السواق مشغل قرءان بصوت عبد الصمد و الزنقة بتاعة الميكروباص تنساها فى دقيقة و لا يعرفها الا رواد فيصل و الهرم الفولكس ابو باب مفتوح



نزلت منه عشان اركب ميكروباص السيدة نفس الهدوء و برده السواق مشغل قرءان (مش فاكر كان مين )
فى السيدة ميكروباص رايح مكرم عبيد بس الناس كانت ابتدت تزنجر بقى و العربيات الميكروباص بدأت تبقى قليلة شويتين بس الناس ركبت و هيديت و السواق راح طاير على زرار الكاسيت و الله الله على جمال القرءان تانى و اوائل سورة البقرة و حاجة كده زى الفل ووصلت شغلى الحمد لله








المشهد الهادى المصحوب بترتيل احلى المشايخ بيتحول بعد الظهر لابشع المشاهد فى التاريخ





الميكروباصات بيسبوا و يلعنوا لبعض و الناس مش طايقة بعض و الكاسيت بيبقى اغانى افلام عبده موته
و التوك توك نفس التوك توك فاكرينه ايوة بتاع صوت الشيخ المنشاوى بيبقى مشغل اوكا واورتيجا باعلى درجة صوت فى البتاع اللى مركبينه فى كائنهم الحى المسمى توك توك حتى الاسانسير ممكن اروح الاقيه يا عطلان يا النور قاطع






الموضوع ده فكرنى بعقيدتنا فى ميلاد الطفل على فطرته و بيكون كالقماشة البيضاء و كل ما يعدى عليه يوم تزداد القماشة غمقان الا من رحم ربى
هكذا يومنا نصحى من النوم كبياض المولود فطرتنا سليمة طيبة هادية و جميله و كل ما يعدى ساعة نفضل نكذب و نشتم و نغتاب و نفوت فرائض و نضرب اسافين فى بعض و. و. و. و. و. و. و. و. و. الا من رحم ربى لغاية ما يجى اخر اليوم و بقينا من اسوأ المخلوقات




[/frame]

[S O P H O S]

ده حقيقي

[حسام ابو كرمة]

ده حقيقي

و بيحصل فى كل حتة