أخر سعر صرف الدولار

[mk3]

ما بين 730-735

سعر جديد
يارب ينزل كمان وكمان

[salodas]

غيرت النهاردة من صرافة الأميرة في شارع السنترال متفرع من الاسيلكى على 35
وللأسف ده أعلى سعر حاليا

[abdelaziz-waleed]

للاسف مافيش اي سبب لانهاء السوق السوداء.
قبل الثورة كان فيه 36 مليار دولار احتياطي نقدي وليس ودائع اجنبية بجانب ان السياحة كانت شغالة والدولار متوفر
حاليا الاحتياطي النقدي تقريبا صفر وكل اللي موجود ودائع اجنبية بجانب ان مافيش سياحة كافية تغطي. يعني حاليا مافيش مصدر للدولار غير قناة السويس وتحويلات المصريين في الخارج واعتقد ده غير كافي للقضاء على السوق السوداء على الاقل حاليا او على مدار سنتين جايين

[hnh_75]

ومدام الاستيراد بيزيد وسياحة مفيش والمصريين بالخارج من وقت بصو ليهم في لقمة عيشهم والرواتب زفت واذا كان عجبك الناس المسافرة حاليا اغلبيته رايحة تاكل وتشرب

[ahmedwagdy03]

طالما لا يوجد إنتاج و لا توجد سلعة واحدة مصرية 100% و طالما الدين العام فى إزدياد و الدين الأجنبى أعلى من الإحتياطى فمن المستحيل نزول سعر الدولار أو إختفاء السوق الموازية.

بعد عشرات السنين و ربما مئات عندما يقف الرئيس المصرى و يعلن على الشعب أن مصر ليس عليها ديون .عندئذ نتوقع إنخفاض سعر الدولار

[amr011111]

مساعدات دول الخليج لمصر على الاقل فى الست شهور الجايين هيخلى الدولار يقل سعره
وخاصة ان الموضوع فى السوق السودا مرتبط بالتصريحات
يعنى لما بنسمع تصريحات ان فيه فلوس هيضخها البنك المركزى بالدولار بتلاقى سعر الدولار يقل شويه وبعدين يرجع يعلى تانى رغم ان كده كده الفلوس اللى بيتم ضخها مش بتكون كافيه
بس هى السوق السودا بتاخد بالتصريحات ديه

[walidzakzok]

الموضوع بيتاثر بالتصريحات لكن مش بنسبة كبيرة الموضوع فى النهاية عرض وطلب....عندك دولارات كتير السعر هاينزل ولو فيه عجز فى الدولارات السعر هايعلى

[Anaslbda]

عن نفسي مش مقتنع خالص بالكلام اللي بيتقال فوق ده,
سعر الدولار هينزل في الفترة الجاية جامد ده مش وارد ده أكيد, و ايّام ال 45 وال 50 هتولّي لفترة معتبرة.
انا معايا مبلغ دولارات كبير الى حد ما وهنزل ادوّر على اعلى سعر حالياً وهاغيّرهم دفعه واحده ان شاء الله.

[walidzakzok]

ال 20 مليار دولار او حتى الودايع القديمة دي ليها ميعاد هاتترد فيه دة غير نسبة الفايدة اللي عليهم

حاليا يعتبر الاحتياطي صفر عمليا

ال 20 مليار دولار دول يتفرموا فى الميزانية خلال 3 شهور بس

ايه اللي هايخلي الدولار ينخفض وانت معندكش سياحة والا استثمارات اجنبية وعايش على الاستيراد

لو نفتكر ان الدولار وصل 7 ونص من كام يوم ونزل بسبب احداث سياسية يعني فعليا مفيش تحرك فعلي بضخ دولارات هايخلي سعر الدولار ينزل

[ahmedwagdy03]

عن نفسي مش مقتنع خالص بالكلام اللي بيتقال فوق ده,
سعر الدولار هينزل في الفترة الجاية جامد ده مش وارد ده أكيد, و ايّام ال 45 وال 50 هتولّي لفترة معتبرة.
انا معايا مبلغ دولارات كبير الى حد ما وهنزل ادوّر على اعلى سعر حالياً وهاغيّرهم دفعه واحده ان شاء الله.

حلوة منك الكلمتين دول . طيب ما تعرضهم على الصفحة و حد من اللى عايزين دولارات يشترى منك

[salodas]

عن نفسي مش مقتنع خالص بالكلام اللي بيتقال فوق ده,
سعر الدولار هينزل في الفترة الجاية جامد ده مش وارد ده أكيد, و ايّام ال 45 وال 50 هتولّي لفترة معتبرة.
انا معايا مبلغ دولارات كبير الى حد ما وهنزل ادوّر على اعلى سعر حالياً وهاغيّرهم دفعه واحده ان شاء الله.

عن نفسى مش مقتنع.
وكمان مش قادر اصدقك.

[Anaslbda]

عن نفسى مش مقتنع.
وكمان مش قادر اصدقك.

بغض النظر عن اسلوبك الغبي في الكلام, انا رجعت وقريت الردّ الي كتبته وحسيت ان الصيغة غلط, بتوحي كانّي واحد سيساوي وبيقول البلد هتتصلح الفترة اللي جاية وبيشمت في نزول الدولار.

يا باشا مصائب قوم عند قوم فوائد, انا بغيّر دولارات من 2011 لان بتجيني حوالات من بره بالدولار بصفة دورية, ارتفاع الدولار ده في مصلحتي.
انا اتكلمت عن قناعة شخصية وخبرة ممتدة, ما احنا قعدنا 4 شهور الدولار بالعافية كان جايب 7.10.

[casperinoo]

المهم بقي شكل ضخ الفلوس الفتره اللي جايه هيبقي عامل ازاي خاصة علشان يثبتوا ان الخير جي والجو ده بعد الانتخابات
خايف يحصل زي ما حصل في 30 يونيو والسعر قل من 770 قبليها ل 720 بعد عزل مرسي..
وهبقي خسرت قيمة الفلوس اللي معايا ..
فهل اغير دلوقتي قبل الانتخابات

الحمد لله خدت القرار و غيرت ساعتها علي 750 وتوقعي كان في محله

[waleed0]

طبعا مع كامل احترامي للجميع
لكن انتم مش واخدين بالكم من حاجة مهمة
الناس اللي بتبيع او بتشتري بالدولار
حتي لو الدولار نزل مقابل الجنية
فانت عندك تضخم وزيادة فى الاسعار ,فحتي لو غيرت الدولارات اللي معاك دلوقت بالجنية ,فالجنية بعد فترة قمتة حتنزل نتيجة التضخم اللي موجود وزيادة الاسعار واللي طبيعي حتحصل كمان بعد رفع الدعم وفرض الضرائب الجديدة وغيرها من القوانين الجديدة ,فلو حتي الدولار نزل مقابل الجنية فالتضخم حيدمر الجنية ومش حيبقي ليه قيمة , فالافضل هو الاحتفاظ بالدولار لحين استقرار البلد اقتصاديا .

[salodas]

بغض النظر عن اسلوبك الغبي في الكلام, انا رجعت وقريت الردّ الي كتبته وحسيت ان الصيغة غلط, بتوحي كانّي واحد سيساوي وبيقول البلد هتتصلح الفترة اللي جاية وبيشمت في نزول الدولار.

يا باشا مصائب قوم عند قوم فوائد, انا بغيّر دولارات من 2011 لان بتجيني حوالات من بره بالدولار بصفة دورية, ارتفاع الدولار ده في مصلحتي.
انا اتكلمت عن قناعة شخصية وخبرة ممتدة, ما احنا قعدنا 4 شهور الدولار بالعافية كان جايب 7.10.

((بغض النظر عن اسلوبك الغبي في الكلام))
ايه ده ؟؟ انت شخص الحوار مينفعش معاه.