أخر سعر صرف الدولار

[Sherifmt]

كان الصبح 7.80 وبايع في وسط البلد من ساعه واحده ب7.77

[عبدالحكيم]

يا شباب.. البنك المركزي رفع سعر صرف الدولار رسمياً في البنوك اليوم الخميس مرة أخرى وأصبح 7.56 (اضغط هنا للاطلاع على الأسعار من موقع البنك الأهلي)

ومع نزول السعر في مكاتب الصرافة إلى 7.77 اليوم صباحاً واضح إن السوق يتجه إلى التصحيح والاستقرار على سعر موحد قريباً

كويس إني حولت أول إمبارح على 7.84!!

[أبو آسر]

يا شباب.. البنك المركزي رفع سعر صرف الدولار رسمياً في البنوك اليوم الخميس مرة أخرى وأصبح 7.56 (اضغط هنا للاطلاع على الأسعار من موقع البنك الأهلي)

ومع نزول السعر في مكاتب الصرافة إلى 7.77 اليوم صباحاً واضح إن السوق يتجه إلى التصحيح والاستقرار على سعر موحد قريباً

كويس إني حولت أول إمبارح على 7.84!!

كل دي مهدئات مفعولها مؤقت زي كل مرة وهيرجع يرفع تاني في السوق السوداء للأسف لما مفعول المهدئات يزول
مع العلم إن السعر الرسمي وصل ٧٫٥٩ بيع وشراء

[م. حاتم السباعي]

الدولار اصبح رسميا يعادل 7.59

و بدلا من ان يعترف المشاركون بالتعليقات ان هذه كارثة حقيقية و ان هذا ان دل فأنما يدل علي انخفاض حاد في قيمة ( العملة الرسمية للبلد و هو الجنيه ) نجدهم بكل اسف يتحدثون عن موضوع جانبي و هو السوق السوداء للدولار

و بنفس المنطق هب ان الدولة حاولت ان تقضي علي السوق السوداء للعيش البلدي اللي بيتباع رسمي في الفرن ب خمسة قروش و بيتباع متهرب من الفرن علي الرصيف ب 25 قرش فهل بنفس المنطق علي الدولة ان ترفع سعره في الفرن الي 20 قرش

الدولار يقترب من ال 8 جنيهات رسميا يا سادة و لا عزاء للاسعار التي سترتفع بجنون خلال الفترة القادمة

[mk3]

الدولار اصبح رسميا يعادل 7.59

و بدلا من ان يعترف المشاركون بالتعليقات ان هذه كارثة حقيقية و ان هذا ان دل فأنما يدل علي انخفاض حاد في قيمة ( العملة الرسمية للبلد و هو الجنيه ) نجدهم بكل اسف يتحدثون عن موضوع جانبي و هو السوق السوداء للدولار

و بنفس المنطق هب ان الدولة حاولت ان تقضي علي السوق السوداء للعيش البلدي اللي بيتباع رسمي في الفرن ب خمسة قروش و بيتباع متهرب من الفرن علي الرصيف ب 25 قرش فهل بنفس المنطق علي الدولة ان ترفع سعره في الفرن الي 20 قرش

الدولار يقترب من ال 8 جنيهات رسميا يا سادة و لا عزاء للاسعار التي سترتفع بجنون خلال الفترة القادمة

كل بلاد العالم اللى عايزه تنهض وتستحوذ بتنزل سعر عملتها رسمى واقرب مثال الصين ومشاكل امريكا معاها بسبب انخفاض العملة الصينيه مما يشجع الصين على التجارة والتصنيع والتصدير وغزو جميع البلاد تجاريا...على الجانب الاخر بلدك لا فيها صناعه ولا تصدير وحتى شوية الموبليا الدمياطى اللى كنا فىحانيين بهم جميع مستلزمات انتاجهم من قماش ومسامير وغراء وووو مستورده ومن مين من الصين !!

[dr_click]

اولا اتمني كل خير لبلدي مصر علشان الغلابة فيها كتير و هما اللي بيتبهدلوا
ثانيا اي تحليل منطقي مبني علي معطيات اقتصاديه مش هينفع الايام دي علشان المحرك الرئسي هو سياسي
فالتوقع المعقول هو الاستقرار علي المستوي الحالي علي المدي القصير يعني سنه لسنتين
علي المدي المتوسط هيبقي هبوط تدريجي
علي المدي البعيد هبوط عنيف مالم يتم السيطرة علي الزيائة الزهيبة في السكان اللي هتبلع اي جهود تنمية هتحصل.

10/6/2014

[ahmed1981]

كل بلاد العالم اللى عايزه تنهض وتستحوذ بتنزل سعر عملتها رسمى واقرب مثال الصين ومشاكل امريكا معاها بسبب انخفاض العملة الصينيه مما يشجع الصين على التجارة والتصنيع والتصدير وغزو جميع البلاد تجاريا...على الجانب الاخر بلدك لا فيها صناعه ولا تصدير وحتى شوية الموبليا الدمياطى اللى كنا فىحانيين بهم جميع مستلزمات انتاجهم من قماش ومسامير وغراء وووو مستورده ومن مين من الصين !!

مظبوط
الصين كانت بتضرب غيرها بتخفيض عملتها عشان إقتصادها مبني على التصدير

مصر بتستورد كل حاجه من الألف إلى الياء
حتى الفول
فكل نزول في عملتها هو ضرب لإقتصادها

ـ

[م. حاتم السباعي]

كل بلاد العالم اللى عايزه تنهض وتستحوذ بتنزل سعر عملتها رسمى واقرب مثال الصين ومشاكل امريكا معاها بسبب انخفاض العملة الصينيه مما يشجع الصين على التجارة والتصنيع والتصدير وغزو جميع البلاد تجاريا...على الجانب الاخر بلدك لا فيها صناعه ولا تصدير وحتى شوية الموبليا الدمياطى اللى كنا فىحانيين بهم جميع مستلزمات انتاجهم من قماش ومسامير وغراء وووو مستورده ومن مين من الصين !!

كل الاحترام و التقدير لمشاركة حضرتك

ولكني اختلف تماما مع حضرتك في المقارنة

و طبعا لن اخرج عن السياق العام للموضوع

تحياتي لحضرتك و تمنياتي لاقتصاد بلدي بالنهوض و التعافي

[M.Elwan]

[url=http://www.elwatannews.com/news/details/649218]الوطن | إجراءات

[dongol123]

في اعتقادي ان الأسعار مش هتزيد لارتفاع سعر الدولار في البنك لان البنك أساسا ما كانش بيوفر دولار للمستوردين (الا للسلع الاساسية) ودي حجمها ضئيل جدا بحجم الاستيراد في البلد.
اي مستورد أساسا كان بيتجه للسوق السودا لتدبير احتياجة من الدولار وبالتالي الأسعار كانت بتعتمد علي سعر السوق السودا اللي هي كانت اعلي من سعر البنك حاليا بعد الزيادة.
يعني المنطق بيقول ان الأسعار اما هتثبت او هتقل نتيجة لان سعر البنك حاليا اقل من سعر السوق السودا قبل إجراءات البنك المركزي (وده طبعا بافتراض الامانه في التجار وانهم مش هيستغلوا الفرصة لتحقيق مكسب اكبر).

[hossam_elwani]

حيرفع وحتفضل فجوه كبيره بين البنك والسوق السودا طبقا لسياسة العرض والطلب .... السؤال هو البنك بيوفر الدولار لا طبعا ولو وفر بحدود وضوابط واحنا ماشاء الله ناقص نستورد الهوا يبقى كل المعروض من السوق السودا وطبقا لسياسة العرض والطلب والاستغلال من اجل الربح السوق ده فيه حيتان



امتى يقضى على السودا لما يوفر كل الدولارات لكل المجالات وده طبعا مش حيحصل


ودمتم

[أبو آسر]

حيرفع وحتفضل فجوه كبيره بين البنك والسوق السودا طبقا لسياسة العرض والطلب .... السؤال هو البنك بيوفر الدولار لا طبعا ولو وفر بحدود وضوابط واحنا ماشاء الله ناقص نستورد الهوا يبقى كل المعروض من السوق السودا وطبقا لسياسة العرض والطلب والاستغلال من اجل الربح السوق ده فيه حيتان



امتى يقضى على السودا لما يوفر كل الدولارات لكل المجالات وده طبعا مش حيحصل


ودمتم

بالضبط كده
الموضوع ملوش علاقة بزيادة سعر الدولار في البنك أو تقليله الموضوع مرتبط بتوفر الدولار في البنوك من عدمه تعملي بقى الدولار ب١ جنيه ولا ب١٠ جنيه طول ما مفيش دولارات في البنك تكفي الناس اللي بتستورد القشاية من برة يبقى كل دي أفلام بتتعمل علينا كالعادة والسوق السودا هيفضل شغال

[mastr_n]

ياجماعة ياريت بلاش نقاش اقتصادى الموضوع مخصص لسعر الدولار فقط

فى ناس كتير متابعة السعر يوم بيوم

[dongol123]

بالضبط كده
الموضوع ملوش علاقة بزيادة سعر الدولار في البنك أو تقليله الموضوع مرتبط بتوفر الدولار في البنوك من عدمه تعملي بقى الدولار ب١ جنيه ولا ب١٠ جنيه طول ما مفيش دولارات في البنك تكفي الناس اللي بتستورد القشاية من برة يبقى كل دي أفلام بتتعمل علينا كالعادة والسوق السودا هيفضل شغال

البنك المركزي هيوفر دولارات لكل المستوردين
إنتوا مش متابعين القرارات ولا ايه

[mk3]

البنك المركزي هيوفر دولارات لكل المستوردين
إنتوا مش متابعين القرارات ولا ايه

كلامك صح
لكن ده اكيد للتحويل عبر البنوك لبره مصر وده مش مناسب لكل المستوردين لانه هيعلى عليهم نفقات تانية