أخر سعر صرف الدولار

[مُصْطٓفٓى]

السلام عليكم
نقلا عن اليوم السابع
إرتفع الدولار الأمريكى أمام الجنيه المصرى بنحو 7 قروش دفعة واحدة فى تعاملات السوق السوداء أمس الثلاثاء، ليسجل 8 جنيهات لأول مرة منذ نحو عام ونصف، بسبب اشتعال المضاربات وضعف المعروض من العملة الأمريكية، فى حين استقر الدولار الأمريكى أمام الجنيه المصرى، فى تعاملات البنوك حيث بلغ متوسط سعر صرف الدولار أمام الجنيه المصرى، 7.63 جنيه للشراء و7.6301 جنيه للبيع.

السعر بيزيد بطريقه مش طبيعيه و المعروض بيقل كتير عن الطلب لأن الناس بدأت تسقع الدولار لحين وضوح الرؤيه....

مش قادر أفهم قرارات البنك المركزي وتأثيراتها علي المدي القصير و البعيد!!!

ربنا يستر وجزاكم الله خيرا

تقريبا ده طريقة تعامل النظام مع موضوع الدولار
زيادة سعر الدولار في البنوك
إقبال على بيع الدولار لدي البنوك بدلا من السوق السوداء
بدأ توفر الدولار في البنوك الرسمية
اقبال التجار على شراء الدولار من البنوك بدلا من السوق السوداء
اظهار العين الحمراء للسوق السوداء ومطالبتهم بعدم رفع سعر الدولار عن البنوك
ده الخطة باختصار
السوق السوداء اكبر من ان يتم التعامل معهم بالقبضة الامنية
بالاضافة لطول فترات عمل مكاتب الصرافة عن البنوك
ولذلك سيظل الفرق بين البنوك وشركات الصرافة ولكن بشكل غير كبير
في ظل سياسة تعويم الجنيه
سيظل الدولار يتجه شيئا فشيئا للارتفاع مقابل الجنيه
حتى ينتبه النظام ويوقف سياسة التعويم
ويقوم بتحديد سعر الجنيه بالشكل الذي يراه مناسبا

[hossam_elwani]

سياسه فاشله

[أبو_يوسف]

البنك المركزى يقرر وضع سقف للإيداع بـ10 آلاف دولار يوميًا

http://klmty.net/315741-%D8%A7%D9%84%D8%A8%D9%86%D9%83_%D8%A7%D9%84%D9%85%D8%B1%D9%83%D8%B2%D9%89_%D9%8A%D9%82%D8%B1%D8%B1_%D9%88%D8%B6%D8%B9_%D8%B3%D9%82%D9%81_%D9%84%D9%84%D8%A5%D9%8A%D8%AF%D8%A7%D8%B9_%D8%A8%D9%8010_%D8%A2%D9%84%D8%A7%D9%81_%D8%AF%D9%88%D9%84%D8%A7%D8%B1_%D9%8A%D9%88%D9%85%D9%8A%D9%8B%D8%A7_.html

[wawamoha]

سقف للسحب و للا الايداع ؟؟

[مُصْطٓفٓى]

سقف للسحب و للا الايداع ؟؟

ههههههههه سقف للايداع
عشان مكاتب الصرافة متلاقيش مكان تحط فيه الدولارات اللي بتشتريها من الناس فتبطل تشتري

انا بتكلم جد على فكرة
هي ده الفكرة من وجود حد للايداع في الحسابات البنكية
وطبعا القرار مينفعش يتعمل الا في ظل انعدام امنى على كامل الجمهورية
لان مكاتب الصرافة ممكن تقول مش مشكلة وتحط فلوسها في خزنة

الأمر الآخر عشان التجار يوقفوا التعامل مع السوق السوداء
يعني لو اراد يشتري دولارات ويسافر ويسحبهم من بره عشان يتاجر بيهم ميعرفش
وميفضلش قدامه غير البنوك عشان يحول منها من الجنيه للدولار

[أبو_يوسف]

تقريبا كمان هايهدي حركة الاستيراد .. يعني التجار والمستوردين اللي بيعملوا ايداع علشان يطلعوا خطاب اعتماد مش هايعرفوا وبالتالي الطلب على الدولار يهدأ.. ونفس الحال بالنسبة لشركات السياحة
قرار حكيم جدا وبكرة تشوفوا..

[ahmedwagdy03]

أنا غيرت امبارح على 7.94 الاسكندرية

[مُصْطٓفٓى]

تقريبا كمان هايهدي حركة الاستيراد .. يعني التجار والمستوردين اللي بيعملوا ايداع علشان يطلعوا خطاب اعتماد مش هايعرفوا وبالتالي الطلب على الدولار يهدأ.. ونفس الحال بالنسبة لشركات السياحة
قرار حكيم جدا وبكرة تشوفوا..

إن الله لا يصلح عمل المفسدين

[أبو_يوسف]

يا أستاذي القرار دا بيعالج المرض وليس العرض يعني الناس بتحتاج الدولار للاستيراد والسياحة يبقى بدل مانوفر دولار .. نوقف حال الناس والاستيراد والسياحة ..وخصوصا اننا مقبلين على مؤتمر اقتصادي ولازم نشجع المستثمرين..
حضرتك مش شايف ان القرار دا بيضع البلد على المسار التنموي بقوة!

[مُصْطٓفٓى]

يا أستاذي القرار دا بيعالج المرض وليس العرض يعني الناس بتحتاج الدولار للاستيراد والسياحة يبقى بدل مانوفر دولار .. نوقف حال الناس والاستيراد والسياحة ..وخصوصا اننا مقبلين على مؤتمر اقتصادي ولازم نشجع المستثمرين..
حضرتك مش شايف ان القرار دا بيضع البلد على المسار التنموي بقوة!

ادي الجمل وادي الجمال
والمياه تكدب الغطاس
بعد عام من الآن إن شاء الله سأذكرك بتعليقك هذا أو تذكرني أنت بتعليقي هذا
البلد تسير نحو الهاوية وفي سيرها تدوس على رقاب المصريين
كل هذه الخطوات التي يفعلها النظام لمعالجة الاعراض
فلا يعالج العرض ولا يعالج المرض ولكن تزداد الاعراض سوء يوما بعد يوم
يعني لما الحكومة تعوم الجنيه ثم تأمر مكاتب الصرافة بعدم رفع سعر الدولار
فترضخ لهم لبضعة أيام ثم يبدأ الفرق بين البنوك والسوق السوداء في الازدياد
فتبدأ الحكومة بعلاج العرض الجديد بوضع حد للايداع في البنوك
هو كل ما الحكومة تبوظ الدنيا نقول انها بتعالج اصل الامراض والاعراض ستعالج لوحدها بعد كده
الشعب عايز حاجة يحس بيها

[أبو_يوسف]

السعر انخفض فعلا النهاردة في الصرافة وبقى رسمي زيادة عن البنك ب 15 قرش فقط..
بس طبعا محدش من الصرافة بيبيع بيشتروا فقط .. وبسعر البنك او فرق بسيط..
خلي عندك ثقة في كفاءة الحكومة والقيادات..

[مُصْطٓفٓى]

السعر انخفض فعلا النهاردة في الصرافة وبقى رسمي زيادة عن البنك ب 15 قرش فقط..
بس طبعا محدش من الصرافة بيبيع بيشتروا فقط .. وبسعر البنك او فرق بسيط..
خلي عندك ثقة في كفاءة الحكومة والقيادات..

اثق في الحكومة
ده بمناسبة ايه حضرتك
انت نسيت عبد العاطي كفتة ولا ايه

[wawamoha]

طب ماتخلونا في الموضوع من غير تعليقات عل القرارات :
يعني بكام النهارده ؟؟

[أبو آسر]

تقريبا كمان هايهدي حركة الاستيراد .. يعني التجار والمستوردين اللي بيعملوا ايداع علشان يطلعوا خطاب اعتماد مش هايعرفوا وبالتالي الطلب على الدولار يهدأ.. ونفس الحال بالنسبة لشركات السياحة
قرار حكيم جدا وبكرة تشوفوا..

أنا مش فاهم فين الحكمة في تقييد الاستيراد واحنا بلد 99% من استهلاكنا سلع مستوردة من البوتجاز لعود الكبريت ؟!
دول بيخربوا البلد وهيقعدوا على تلها وبكرة نشوف !!

[أبو_يوسف]

انا مغيرتش بس ناس على الفيس بيقولوا الصرافات مش بتبيع وبتشتري بسعر قريب من سعر البنك..