أخر سعر صرف الدولار

[أبو آسر]

الأستاذ جون حافظ مش فاهم ولما حد يناقشه بكلام علمي يقولك يعني انت هتفهم من الناس اللي ماسكة المشروع ؟ هههههههههه
مع ان مشروع قناة السويس كان أيام مرسي خيانة وبيع للبلد لكن دلوقتي بقى مشروع قومي وطني عظيم مع الفارق الرهيب طبعا بين تفاصيل المشروعين أصلا (ده لو كانوا يعرفوا الفرق بينهم أصلا)
ومستغرب من كلمة فنكوش مع إن الفناكيش كل يوم بتزيد وأولها فنكوش الكفتة بس طبعا هو مش فنكوش هو احنا هنفهم أكتر من اللواء عبعاطي ؟ هو أكيد مأجله بس علشان يعملنا مفاجأة وبيطوره علشان يعالج جميع الأمراض بدل الإيدز وفيروس سي بس
احنا هنفهم أكتر من اللوا عبعاطي برده ؟!
الناس ده صعبانين عليا فعلا ، البلد لو بقت زي سوريا والعراق فعليا هيطلعوا يقولولك مش أحسن ما نبقى زي الصومال ؟!
آسف لتغيير مجرى الموضوع بس الكلام استفزني كالعادة يعني فوجب الرد

الدولار ثابت دلوقتي عند 7.83 للبيع من البنوك

http://www.nbe.com.eg/ExchangeRate.aspx

[مُصْطٓفٓى]

الأستاذ جون حافظ مش فاهم ولما حد يناقشه بكلام علمي يقولك يعني انت هتفهم من الناس اللي ماسكة المشروع ؟ هههههههههه
ومستغرب من كلمة فنكوش مع إن الفناكيش كل يوم بتزيد وأولها فنكوش الكفتة بس طبعا هو مش فنكوش هو احنا هنفهم أكتر من اللواء عبعاطي ؟ هو أكيد مأجله بس علشان يعملنا مفاجأة وبيطوره علشان يعالج جميع الأمراض بدل الإيدز وفيروس سي بس
احنا هنفهم أكتر من اللوا عبعاطي برده ؟!
الناس ده صعبانين عليا فعلا ، البلد لو بقت زي سوريا والعراق فعليا هيطلعوا يقولولك مش أحسن ما نبقى زي الصومال ؟!

دعم جون دعم منطقي وقد يكون من منطلق ديني
نكاية في الإسلاميين لأنه في حالة فشل النظام الحالي
فالبديل دائما يكون الإسلاميين
وانا اتفهم ذلك الدعم ولا اتعجب له
الاهم ان لا يخرج عن حدود المنطق والعقل في استدلالاته
وفي هذه النقطة اراه يكسو جميع آراءه بلباس اللامنطق

[ALYSALIM]

بخصوص قناة السويس الجديدة
هل حد فكر يشوفها فعلا حتي ع الخريطة او يقارنها بالقناة القديمة
القناة الجديدة لاتعدو تفريعه جديدة تضاف للتفريعات القائمة
موضوع ددخل قناة السويس الجديدة وتاثيرة علي الدخل العام للقناة
فمقدر له
200 مليون دولار زيادة سنويه

[Anaslbda]

7.83 بيع

[ahmedwagdy03]

احنا يا باشا مبنهربش من الموضوع الاصلى.. متقولش كدة
خد بقة عندك دى الشركة اللى ماسكة محور القناة - دار الهندسة

https://ar.wikipedia.org/wiki/%d8%af...af%d8%b3%d8%a9

تفتكر شركة من افضل عشرين شركة على مستوى العالم هتشتغل فى مشروع فاشل.
بعد مايخلص الحفر و تشتغل القناة الجديدة هيبتدوا شغل ... تفتكر هيقبلوا العمل فى المشروع من غير مايتأكدوا من صحة عمل القناة

خلى بقة الناس اللى بتفتى و تقولك فنكوش يردوا
لكن هما بتوع كلام وبس
تحيا مصر
تحيا مصر
تحيا مصر

رغم إن الموضوع عن الدولار و قلب معاكم سياسة و كنت أفضل أنى معلقش على الجوانب السياسية إلا إن تفكيرك إستفزنى إنى أجاوب على سؤالك .ناس كتير زيك بتشوف المواضيع من برا زى مثلا إن الشركة عالمية تبقى مضمونة .

دار الهندسة من أفضل 20 مكتب إستشارات فى العالم ( صحيح بناء على حجم المشاريع التى تشرف عليها )
دار الهندسة تقبل تشتغل فى مشروع من غير ما تتأكد ( أيوة لإنهم مكتب إستشارات و تنفيذ و ليس دورهم دراسة الجدوى ) دول بيعملوا شغل بمقابل مادى . طالما العميل حيدفع يبقى أعمله اللى عايزه حتى لو عايز يبنى أكبر بطيخة فى العالم .

من واقع تعاملى مع دار الهندسة فى مشروعين عملاقين على مستوى العالم منذ 2009 حتى الآن أقولك أيوة يدخل فى أى باذنجان طالما يضمن مكسبة و أى مقاول عالمى زى بيكتل و هوختيف يعمل كدة حتى لو المشروع مالوش لازمة


نرجع لسؤال الأخ اللى عايز يعرف يحط فلوسه دولارات و لا مصرى : هو أكتر واحد يعرف يجاوب على سؤاله حسب إحتياجاته مثلا

1-لو عليه ديون و أقساط جارية يبقى أفضل ليه يخلى كل حسابه بالمصرى و يستفيد أيضا من عائد المصرى فى تقليل الدين
2-لو بيدور على دخل ثابت يحسن بيه وضعه و يخفف من مصاريفه يبقى برضه يخليه فى المصرى
3-لو مش فارقة معاه و عايز بس يحافظ على قيمة الفلوس يبقى يشيل فلوسه دولارات و يحاول يحطهم فى بنك خاص محترم مش حكومى علشان موضوع الفكة أو لو يقدر يشيلهم بمعرفته بحيث يأمن عليهم يبقى أفضل الحلول

[JOHN YOUSSEF]

دعم جون دعم منطقي وقد يكون من منطلق ديني
نكاية في الإسلاميين لأنه في حالة فشل النظام الحالي
فالبديل دائما يكون الإسلاميين
وانا اتفهم ذلك الدعم ولا اتعجب له
الاهم ان لا يخرج عن حدود المنطق والعقل في استدلالاته
وفي هذه النقطة اراه يكسو جميع آراءه بلباس اللامنطق

هو انا ايه اللى هيقلقنى يعنى من الاسلاميين... مش فاهم!!!!!!!!
اما اللى بيخرجوا عن حدود المنطق هما اللى بيقعدوا يقولوا فنكوش و تريقة بدون اى دليل
المشروع خلص و هيجيب فلوس... يبقى حاجة كويسة لبلدنا ولا فنكوش
الاجابة الصحيحة: انه حاجة كويسة
احسن بقة ولا اوحش من مشروع مرسى ... المهم انه اتعمل فعلا مش كلام على ورق
و عشان تبقى فاهم انا انتخبت الاخوان فى البرلمان يعنى كنت مقتنع بيهم و حتى الان بعضهم فى نظرى محترمين.... اما داعمى الارهاب فانا بابغضهم لانهم قتلوا ناس عزيزة عليا شخصياً
الموضوع مالوش دعوة باسلاميين خالص
انما انا ارفض رمى الكلام المستفز زى " البلد بتخرب.. الاقتصاد منهار ... انا مش عاوز اموت... المشروع فنكوش"
لأن بالنسبة لى دى نفسنة
و ياريت اللى يتكلم يبتعد عن اى لون من الوان السخرية على كلامى
لان دا بيبين ضعف حجتهم فضلا عن انى هرد عليه بسخرية اضعاف.

[JOHN YOUSSEF]

الأستاذ جون حافظ مش فاهم ولما حد يناقشه بكلام علمي يقولك يعني انت هتفهم من الناس اللي ماسكة المشروع ؟ هههههههههه
مع ان مشروع قناة السويس كان أيام مرسي خيانة وبيع للبلد لكن دلوقتي بقى مشروع قومي وطني عظيم مع الفارق الرهيب طبعا بين تفاصيل المشروعين أصلا (ده لو كانوا يعرفوا الفرق بينهم أصلا)
ومستغرب من كلمة فنكوش مع إن الفناكيش كل يوم بتزيد وأولها فنكوش الكفتة بس طبعا هو مش فنكوش هو احنا هنفهم أكتر من اللواء عبعاطي ؟ هو أكيد مأجله بس علشان يعملنا مفاجأة وبيطوره علشان يعالج جميع الأمراض بدل الإيدز وفيروس سي بس
احنا هنفهم أكتر من اللوا عبعاطي برده ؟!
الناس ده صعبانين عليا فعلا ، البلد لو بقت زي سوريا والعراق فعليا هيطلعوا يقولولك مش أحسن ما نبقى زي الصومال ؟!
آسف لتغيير مجرى الموضوع بس الكلام استفزني كالعادة يعني فوجب الرد

الدولار ثابت دلوقتي عند 7.83 للبيع من البنوك
البنك الأهلي المصري

بالتأكيد كلامك الساخر دا انا هرد عليه
اما موضوع مرسى دا معرفش ازاى بتتكلم عن واحد مش عارف راسه من رجليه
انا مش عاوز افضل اتريق عليه بس هقولك ان انت اللى صعبان عليا فعلا و هو كمان لأنه شخص غير طبيعى
لما يقولك الخاطفين و المخطوفين
او المرأة بجميع انواعها
دا غير اتهامه بالجاسوسية والقضايا اللى اتحكم عليه فيها و القضاء هيحكم عليه اعدام تانى
كونك بقة مش مقتنع بالقضاء اللى فى بلدك زى ما انا متأكد
فدا دليل تانى على عقول مغيبة بتطعن فى مؤسسة كاملة لمجرد ان احكامها مش على هواها
بالظبط زى الحرامى و المسجل خطر اللى بيكره الشرطة و القضاء لانهم هما اللى بيحكموا عليه و يلموه..
ماتزعلش اوى من كلامى
انا بس حبيت افهمك انك انت اللى حافظ مش فاهم و بتردد و بس
و ان انت اللى صعبان عليا فعلاً
ارجو ان يكون ردك محترماً على الاخرين
حتى لا يقابلوك بالمثل

اما موضوع جهاز الايدز فأنت ليه افترضت ان انا مقتنع بيه ... انا كمان و من اول ما ظهر مش مقتنع بيه لأنى مهندس و عارف ان دا مش منطقى ...الله اعلم.. لكن مش عاوز اخرب البلد عشان واحد غلط ... مش عاوز اسخر من مؤسسة كاملة فيها ناس من اهلنا و قرايبنا لمجرد غيظى على نظام فات

كل دا بره الموضوع
اسف لصاحبه

تحيا مصر بلدى
تحيا مصر
تحيا مصر

[ahmedwagdy03]

بخصوص قناة السويس الجديدة
هل حد فكر يشوفها فعلا حتي ع الخريطة او يقارنها بالقناة القديمة
القناة الجديدة لاتعدو تفريعه جديدة تضاف للتفريعات القائمة
موضوع ددخل قناة السويس الجديدة وتاثيرة علي الدخل العام للقناة
فمقدر له
200 مليون دولار زيادة سنويه

أخيرا لقيت حد بيشغل مخه و يسأل قبل ما يعلق سواء بيهاجم أو بيؤيد

أنا قلت فى تعليق سابق إن المشروع ليس خرافى و لا جبار و لا عملاق و كذلك ليس فنكوش أو هبل .

المشروع ليس له أى تأثير إقتصادى إلا زيادة معدل السفن المارة فى القناة بنسبة لا تتعدى 5% يوميا لإنه حيقلل زمن الإنتظار للقافلة من 12 ساعة إلى 7 ساعات .

القيمة الحقيقية للمشروع هو اللى بيتقال إنه حيتعمل على الجانبين من مشاريع و دى حاجة تاخدلها مش أقل من 10 سنين علشان تبتدى تظهر نتائجها . وفى العشر سنين دول بتقوم حروب و أزمات إقليمية و دولية محدش يعلم بيها إلا ربنا .لإن الإقتصاد العالمى عمره ماكان بيس و مستقر لمدد تزيد على 10-15 سنة و دائما يشبه منحنى التردد للتيار الكهربى ( لو حد ليه فى الهندسة حيفهمها ) .

طبعا دى حاجات مش مضمونة و لو ندقق نلاقى إن النظام الحالى بيروج برضه للمشاريع دى و دار الهندسة بتعمل مخططات التطوير و خلافه و كذلك النظام البائد المنقشع كان يروج لهذا أيضا فى صورة طائر نهضة سوف ينافس لموانى دبى و الإمارات لا تريد لنا الخير حتى لا ننافسها . الإتنين فى البلالة و بيرددوا نفس الكلام بدون دراسة المخاطر المتوقعة على السوق العالمى خلال مدد طويلة ( بيبصوا تحت رجليهم )

فى النهاية أدينا عايشين بننتظر و نرى إلى أن يتغمدنا الله برحمته أيا كانت نوع الرحمة ( إزدهار إقتصادى - شبرقة و خير و فلوس متلتلة و مافيش بطالة - الموت فى حد ذاته رحمة )

[JOHN YOUSSEF]

رغم إن الموضوع عن الدولار و قلب معاكم سياسة و كنت أفضل أنى معلقش على الجوانب السياسية إلا إن تفكيرك إستفزنى إنى أجاوب على سؤالك .ناس كتير زيك بتشوف المواضيع من برا زى مثلا إن الشركة عالمية تبقى مضمونة .

دار الهندسة من أفضل 20 مكتب إستشارات فى العالم ( صحيح بناء على حجم المشاريع التى تشرف عليها )
دار الهندسة تقبل تشتغل فى مشروع من غير ما تتأكد ( أيوة لإنهم مكتب إستشارات و تنفيذ و ليس دورهم دراسة الجدوى ) دول بيعملوا شغل بمقابل مادى . طالما العميل حيدفع يبقى أعمله اللى عايزه حتى لو عايز يبنى أكبر بطيخة فى العالم .

من واقع تعاملى مع دار الهندسة فى مشروعين عملاقين على مستوى العالم منذ 2009 حتى الآن أقولك أيوة يدخل فى أى باذنجان طالما يضمن مكسبة و أى مقاول عالمى زى بيكتل و هوختيف يعمل كدة حتى لو المشروع مالوش لازمة


نرجع لسؤال الأخ اللى عايز يعرف يحط فلوسه دولارات و لا مصرى : هو أكتر واحد يعرف يجاوب على سؤاله حسب إحتياجاته مثلا

1-لو عليه ديون و أقساط جارية يبقى أفضل ليه يخلى كل حسابه بالمصرى و يستفيد أيضا من عائد المصرى فى تقليل الدين
2-لو بيدور على دخل ثابت يحسن بيه وضعه و يخفف من مصاريفه يبقى برضه يخليه فى المصرى
3-لو مش فارقة معاه و عايز بس يحافظ على قيمة الفلوس يبقى يشيل فلوسه دولارات و يحاول يحطهم فى بنك خاص محترم مش حكومى علشان موضوع الفكة أو لو يقدر يشيلهم بمعرفته بحيث يأمن عليهم يبقى أفضل الحلول

انا مش هرد على دار الهندسة و بكتل ولا هسألك انت شغال فين و ايه مهنتك لأنك بترمى كلام على شركات كبيرة ليها اسمها زى بكتل و اشك انك مهندس. اما لو كنت مهندس و اشتغلت فى شركات زى دى فأنت عرف يعنى ايه مستوى الشغل بتاعهم و مستوى المراجعات و الاوديت
انا شغال فى المجال دا
اسمع كمان:
دار الهندسة فازت بالمشروع عن طريق مناقصة و المناقصة دى زى ما انت عارف طبعا بيبقى يها 5 او 6 شركات كبرى ... هل كلهم اللى تسابقوا فى المشروع فاشلين و يدخلوا فى بطيخ... مش فاهم!!
برده مش هجادلك انما هقولك حاجة واحدة: هو يوم 6 اغسطس دا مش هيفتتحوا فيه القناة .. ما تصبر لغاية لما تشوف السفن ماشية و القناة بتدخل فلوس و عملة صعبة... ساعتها اشكر ربك على الانجاز و بلاش مقاوحة..
و بعدين ايه ناس كتير زيك دى
عامة الشعب يعنى
ياعم قلنا انت شغال ايه بس عشان اللى مايعرفك يجهلك

[swimmer25]

تحيا مصر بلدى
تحيا مصر
تحيا مصر

القافية حكمت بس

https://www.youtube.com/watch?v=5odPNsDLc9g

[JOHN YOUSSEF]

القافية حكمت بس

https://www.youtube.com/watch?v=5odpnsdlc9g

هههههههههههه
معلهش فلتت منى
هاصلحها
تحيا مصر بلدى
تحيا مصر وطنى
تحيا مصر اهلى

[ahmedwagdy03]

انا مش هرد على دار الهندسة و بكتل ولا هسألك انت شغال فين و ايه مهنتك لأنك بترمى كلام على شركات كبيرة ليها اسمها زى بكتل و اشك انك مهندس إنت تشك إنى مهندس !!!! هاهاها برضه ميهمنيش إنك تعرف حاجة زى كدة أو لا . اما لو كنت مهندس و اشتغلت فى شركات زى دى فأنت عرف يعنى ايه مستوى الشغل بتاعهم و مستوى المراجعات و الاوديت
انا شغال فى المجال دا
اسمع كمان:
دار الهندسة فازت بالمشروع عن طريق مناقصة و المناقصة دى زى ما انت عارف طبعا بيبقى يها 5 او 6 شركات كبرى ... هل كلهم اللى تسابقوا فى المشروع فاشلين و يدخلوا فى بطيخ... مش فاهم!!
برده مش هجادلك انما هقولك حاجة واحدة: هو يوم 6 اغسطس دا مش هيفتتحوا فيه القناة .. ما تصبر لغاية لما تشوف السفن ماشية و القناة بتدخل فلوس و عملة صعبة لا أشكك إن فيه تفريعة قناة إتحفرت و حيحصل إفتتاح و السفن حتعدى و حتدفع بالدولار .أنا مش زى الباقيين اللى بيقولوا فنكوش و الفكرة مسروقة من البالامنيتالمي اللى كان قبل كدة . راجع تعليقاتى و إنت تفهم... ساعتها اشكر ربك على الانجاز و بلاش مقاوحة..
و بعدين ايه ناس كتير زيك دى
عامة الشعب يعنى
ياعم قلنا انت شغال ايه بس عشان اللى مايعرفك يجهلك

مش لازم تعرف أنا شغال إيه و فين

تعرف المثل اللى بيقول تعرف فلان : آه أعرفه : عاشرته : لا ما عاشرتوش : يبقى متعرفوش .طبق المثل على تعليقى على دار الهندسة

شكلك فاضى و رايق و عامل دماغ نسكافيه ع الصبح . إسمحلى مش فاضى أجادل معاك على شيىء لا يستحق .خلينا زمايل منتدى أحسن

My contribution in this debate is stopped

[JOHN YOUSSEF]

مش لازم تعرف أنا شغال إيه و فين

تعرف المثل اللى بيقول تعرف فلان : آه أعرفه : عاشرته : لا ما عاشرتوش : يبقى متعرفوش .طبق المثل على تعليقى على دار الهندسة

شكلك فاضى و رايق و عامل دماغ نسكافيه ع الصبح . إسمحلى مش فاضى أجادل معاك على شيىء لا يستحق .خلينا زمايل منتدى أحسن

my contribution in this debate is stopped

هو دا اللى بناخده منكم تريقة و كلام مش كويس " شكلى فاضى و رايق" ... دلوقتى بقيت انا الفاضى
اه عجبى منكم
و لما هو شىء لا يستحق ليه ابتديته.. دلوقتى بقة لا يستحق
و انا مايهمنيش اعرف انت شغال فين
بس انا حبيت اعرفك ان معلوماتك محدودة (فى المجال دا) و انك بتتكلم بدون ما تكون على علاقة بالشركات دى
لأن مفيش حد يشتغل فى شركة محترمة زى دى و يقول عليها بطيخ


اسف مرة اخرى لصاحب الموضوع
و ان كنت تجاوزت فى حق اى عضو
فالمعذرة لان النقاش احيانا يحتد
و اؤكد احترامى للجميع

[Bassem Youssef]

مش عارف موضوع قناه السويس ده شكله هيجنن الناس قريب

المشروع لا هو قناه سويس 2 و لا هو فنكوش

هو تفريعه اتحفر زيها قبل كده ايام مبارك

اه هتزود دخل قناه السويس بس مش هتجيب 100 مليار زي الكاذب اللي قال كده و كلنا عارفين مين هو :)))

كده كده الدخل الزياده هيخش في جيوب بعض القاده او علي الاقل هيحاولوا يسدوا بيه عجز الموازنه شويه

يعني مفيش تأثير ملحوظ علي ارض الواقع بالنسبه لعامه الشعب المصري

ارحموا روستر ابونا احنا صايمين :)))

[مُصْطٓفٓى]

مش لازم تعرف أنا شغال إيه و فين

تعرف المثل اللى بيقول تعرف فلان : آه أعرفه : عاشرته : لا ما عاشرتوش : يبقى متعرفوش .طبق المثل على تعليقى على دار الهندسة

شكلك فاضى و رايق و عامل دماغ نسكافيه ع الصبح . إسمحلى مش فاضى أجادل معاك على شيىء لا يستحق .خلينا زمايل منتدى أحسن

my contribution in this debate is stopped

كلنا واخدين عنه هذا الانطباع :)