أخر سعر صرف الدولار

[ahmad--ezzat]

باشا انا متابع الجروب سيبك منه نصه هري

المهم التنفيذ الفعلي في الصرافه

ياباشااااااا مش هري ولا حاجه
مهو اللي بكلمك عليه ده تنفيذ فعلي

اعرض المبلغ اللي معاك واعرض سعرك وهتلاقي اللي هياخد منك علي 13.10 13.20

اصلها مش قضيه...اخر الاسبوع هتلاقيه ب 13.50

كل يوم بيزيد ....ولو علي الصرافات...في صرفات بتبيع ب ١٣ هتلاقي في ميدان الاوبرا صرافه بتبيع ب ١٣....وفي صرفات تانيه تقلك انا ببيع بسعر البنك...وفي صرافات استهبال تقول ١٠ ونص و ١١.....مصر فيها كل حاجه ههههه
البلد خربت ياخونا

[abohalmos]

لو معاك دولار دلوقتى ؟

لو معاك مبلغ دولار يعنى ٥ الاف او ١٠ الاف دولار .. فى البنك بتاعك فى حساب دولار ايه احسن حاجة تعملها دلوقتى : تسحبه و تخليه معاك فى البيت و لا زى ماهو البنك ( انا خايف يعملوا اى حركة غباوة و ميرضاش يصرف الدولار بتاع الناس او يقولك خد بالجنيه بالسعر الرسمى و لو ده حصل هاتفشخ حرفيا ) .. ايه رايكم ؟ انا يس حاططهم بحافظ بيهم على قيمة الفلوس بدل ما تنزل .. بس لو وصل ١٥ جنيه ممكن ابيع .. ايه رايكم فى البيت و مخاطرة السرقة و لا فى البنك و مخاطرة سرقة الحكومة ههههه

[drmsadek1979]

لو معاك مبلغ دولار يعنى ٥ الاف او ١٠ الاف دولار .. فى البنك بتاعك فى حساب دولار ايه احسن حاجة تعملها دلوقتى : تسحبه و تخليه معاك فى البيت و لا زى ماهو البنك ( انا خايف يعملوا اى حركة غباوة و ميرضاش يصرف الدولار بتاع الناس او يقولك خد بالجنيه بالسعر الرسمى و لو ده حصل هاتفشخ حرفيا ) .. ايه رايكم ؟ انا يس حاططهم بحافظ بيهم على قيمة الفلوس بدل ما تنزل .. بس لو وصل ١٥ جنيه ممكن ابيع .. ايه رايكم فى البيت و مخاطرة السرقة و لا فى البنك و مخاطرة سرقة الحكومة ههههه

والله الحلين اخطر من بعض هههههه

[Karim Alaa]

اولا اه تاخدهم البيت عشان انا متوقع جدا لو وصل 15 20 حنيه هيقفل اى استلام بالدولار من بنك او ويسترن ينيون او مونى جرام زى الجزاير و المغرب و ده قريب جدا و لو مكش محتاج تفكهم متفكش ختى لو صل 15 و دى مش حركه غباوه دى جركه مش هيبقى قدامه غيرها

[Karim Alaa]

معايا 2000 دولار و اعلى سعر لقيته 12.7 الى عايز ياخد ب 13 و 13.2 يكلمنى النهارده ضرورى عشان بكره هتصرف فيهم بالسعر الى الاقيه و اه الموضوع بتاع الجروب مش كله صح و فى هرى من زمان حتى الموضوع هنا بيتقال فى ارقام عمرى مبلاقيها ساعات عادى يعنى محدش خسران حاجه لما يقول 15 بيع فى الدقهليه الشرقيه المنوفيه

[رحالة]

تسرقك الحكومة احسن مايسرقك حد غريب

[Egymagic]

زيادة الدولار اليومين دول فقاعة لانها زيادة غير طبيعية وملهاش اي علاقة باخبار اقتصادية
احذروا انكم تخسروا فلوسكم في شراء الدولار وتخذينه

[Karim Alaa]

فقاعه اه ملهاش اساس اه بس الدولار عمره مهينزل لما هينزل عشان يثبت هيكون فى فرق على الاقل 10 15 فى الميه عن قبل الفقاعه احنا فى بلد لا يتعامل بالقواعد الاقصتاديه لو كنا كده كان زمان فقاعه العقارات انفجرت من 5 سنين

[عبدالحكيم]

أنا حولت امبارح بالليل على 12.70 من ميدان العتبة...
لما وصلت لقيت زحمة عند الصراف/تاجر العملة من مصريين وسودانيين وعرب بيحولوا بأرقام مخيفة وعملات متنوعة والموظفين مش ملاحقين عليهم. كانوا خايفين من انخفاض السعر... انتظرت ربع ساعة حتى جاء دوري!!
الدولار كان ب 12.70، ودرهم الإمارات ب 3.35، وريال السعودية ب 3.30 حسب ما أتذكر

[ahmed.awaad]

لأ اللي بيحصل ده مش فقاعة ولا حاجة
لأن الصادرات بتاعتنا مزادتش
والسياحة لم تنشط بعد
وقناة السويس لم تربح بعد
ومصادر الدولار كلها مفيش أي زيادة فيها بل بالعكس فيها عجز
فكل اللي حصل إن خبر تخفيض الجنيه للمرة الثانية على التوالي عمل حالة من الذعر عند الناس والكل بدأ يحول الفلوس اللي معاه لدولار
فحصل نقص في المعروض من الدولار لأن اللي بيشتري دولار مبيبيعش تاني عشان دول مش مضاربين لأ دول الناس العادية اللي كانوا بيدوروا على أي استثمار في البلد ومش لاقيين حاجة يستثمروا فيها لأن الجيش سيطر على البلد
عشان كده النهاردة لما طلعت إشاعات إن السعر هبط هبوط حاد برضه مفيش حد باع الدولار اللي معاه
لأن الناس بتتعامل مع أرقام مش إشاعات يعني لسة السعر هيزيد تاني شئنا أم أبينا

[melouk1]

الناس اللي متوقعة الدولار ينزل
ده بأمارة ايه
احنا دولة تتجه للإفلاس !!!
الحكومة معندهاش جنيهات مش دولارت
الوضع الاقتصادي مأساوي
انا مش فرحان انا حزين لاني عارف ان مصر مش هتقوم بالناس دي ، عمرها ما هتقف على رجليها خلاص و ادارتها كذابين مخادعين كل الكلام غش

[Karim Alaa]

برضه معلش الدوله لا تتجه الافلاس الافلاس انك متقدرش تسدد الديون الى عليك برا بالدولار و ده مش موجوده خالص امال هو متبت فى القرشين ال فى المركزى ليه :) و معهاش جنيه ايه يا جدع ده المطابع مبترحمش شغاله الله ينور جنيه معدن تلاقى جنيه ورق تلاقى ميات ميتينات شغال امال التضخم ده كله من ايه

يوم متلاقيهم بياجلو قسط قرض او وديعه ابقى قول افلاس هما ممكن يبطلو يجيبو اى حاجه بالدولار من الاساس و يجوعونا و لا انهم ياخرو قرش على المقرضين

بس برضه الدولار مش هينزل فى انتظار محافظ البنك الخايب اما يوصلو 10 جنيه

و بصراحه رامز كان برقبه ابن الفاشله ده و لو عايزين دولارات فى البنك يعومو الجنيه و الناس كلها هتحط و تفك من البنك

[Karim Alaa]

اه رد جوا الموضوع بقى انا بعت الضهر على 12.83 فى المهندسين و الناس هنا بتقول وصل 12.7 تتفتكرو هيهدى عند 12.5 شهر ولا شهرين تانى و لا ايه ؟

[Mohamed_Hamid]

رأى شخصى:
الدولار هينزل حاجة بسيطة الفترة الجاية نتيجة توقعات "كاذبة" بتحسن اقتصادى نتيجة القرض السعودى ومفاوضات القرض مع البنك الدولى. وبعدين هيرتفع تانى بشكل أكبر.
الناس المتعشمة فى عودة الدولار الى سابق عهده... صعب حدا لأن حنفيات الدولار شبه مقفولة قصدى على السياحة وقناة السويس وتراجع الصادرات وانخفاض سعر برميل النفط وارتفاع الدين الخارجى.
ده غير انى قرأت ان البنك الدولى مشترط لاتمام القرض هو ايصال الجنيه الى سعره الحقيقى امام الدولار بدلا من السعر الزائف الموجود فى البنوك. فى رأيى ان الموضوع ده برضه أحد أسباب امتناع الاستثمارات الخارجية عن مصر بجانب تخوفهم من التعامل مع اقتصاد تسيطر عليه مؤسسات وهيئات تابعة لحكم عسكرى او موالية لحكم عسكرى.

[ahmedwagdy03]

معلومة وصلتنى حالا رغم إنى لست فى مصر الآن إن مباحث الأموال تجتاح صرافات وسط البلد ( و أكيد فى باقى المناطق و الحافظات ) و تقوم بعمليات إغلاق و مصادرات .

رأيى لو كان الخبر صحيح إن الحل الأمنى دائما يفشل و يأتى بنتائج عكسية . أعتقد أزمة الدولار ستتفاقم أكثر لأن المسكنات و الأخبار التى تدور حول قرض ال 21 مليار من النقد الدولى لابد معها من تنفيذ الشروط ( الموجودة من أيام مبارك ) و هى إلغاء الدعم نهائيا عن أى شيىء ( و تعويضه بدعم نقدي لفئات معينة ) و تحرير سعر الصرف كاملا و تقليص الجهاز الإدارى و التوسع فى برامج الخصخصة ( مافيش حاجة إسمها قطاع عام ) و قوانين إستثمار حقيقية ( يعنى القضاء على الفساد و هذا غير ممكن لأنه يضر بفئات كثيرة تعيش من الفساد أولها من يقوم على التصدى للفساد )

المشكلة أكبر بكتير من شوية حيتان بتتلاعب بسعر الصرف . المشكلة فى نظام دولة بالكامل محتاج أن ينقض و يقوم نظام بدل منه و هذا لن يتحقق إلا بتغير التسعين مليون الموجودين . يبقى الوضع سيظل على ما هو عليه و الدولار فى إزدياد