أخر سعر صرف الدولار

[Karim Alaa]

هو فى قرض ب 21 مليار دولار ؟؟ عمرى مسمعتها دى

[ahmedwagdy03]

هو فى قرض ب 21 مليار دولار ؟؟ عمرى مسمعتها دى

إسمع و طنش مش لازم تقف كتير عند الكلام ده . طبعا ده بيدينا فكرة إزاى اللى بيحكموا فى الوزارة بيتعاملوا مع عقول المصريين من منطلق إنهم بهايم بتتساق و بس و لازم تصدق أى تخاريف و أكاذيب تتقال و اللى يحاول يفكر يبقى زميل علاء عبد الفتاح على طول.

معروف طبعا طبقا للوائح صندوق النقد الدولى إن أى دولة من المشاركين يحق لها الحصول على قرض بحد أقصى مقدار مشاركتها فى رأس مال الصندوق ( يعنى أقصى قيمة قرض هو 5 مليار دولار ) و ده اللى كان حيريل عليه الرئيس السابق خيرت الشاطر و معرفش .

بس طبعا لما الحكومة اللى بتحمينا و بتأكلنا و بتعالجنا تقول إن القرض 21 مليار يبقى كلامها صٌح ( و بالذات أن أول من نشر الخبر هو الجريدة الرسمية للنظام الحاكم حاليا - اليوم الساقع برئاسة الصحفى كاذب صلاح ) يعنى إحنا حنفهم أكتر من الحكومة .



طبعا بيني و بينك : تعرف على طول إن مافيش قرض و لا حاجة و إن الدولار حيزيد بعد موجة الغضب الأمنية القادمة

[dede_dodo88]

ال21 مليار دول يمثلوا مجموع التمويل المتوقع الحصول عليه من مصادر مختلفة بما فيهم قرض صندوق النقد المتمثل في 4 مليارات سنوياً لمدة 3 سنوات و في احسن الاحوال موضوع القرض مش هيخلص قبل 2017..

[Karim Alaa]

خلاص انا قريت الخبر 21 مليار على 4 سنين من 5 مؤسسات مختلفه مش قرض البنك الدولى بس هما بس بيطمنو الناس ان فى اخضر كتير جى هههههههههههه

[dongol123]

اليوم السابع بيقول ان الدولار بقي ب 10.5 بعد اجتماع السيسي

انا عارف انها افتكاسة من خالد صلاح بس يا ريت حد يأكد المعلومة دي او ينفيها

[melouk1]

خالد صلاح مش بيفتكس
خالد بيكتب اللي بيتقاله منهم

[ahmedwagdy03]

أحدث خبر وصلنى هذه اللحظة إنه تم إغلاق جميع فروع الأطباء للصرافة و الصرافات المفتوحة تشتري على 8.78 بس لا تبيع ( يقولك معندوش ) .

الخبر وصلني من واحد قريبي نازل يغير دلوقتي و للأسف كان حيغير إمبارح على 12.50 بس مرضاش و قال يستنى .

زى ما قلت إن الحل الأمنى مش حيحل المشكلة بالعكس حيعطي فرصة للصرافات و السماسرة تجمع أكبر كمية بسعر منخفض و بعد شهر ترجع تبيعه بأسعار خيالية . للأسف كل تصرف تعمله الحكومة الذكية يصب فى مصلحة الفاسدين و يدفع ثمنه الفقراء .

[Karim Alaa]

لا مش هيديهوم فرصه يلمو بسعر متدنى لان حضرتك و انا و كلنا لو لقينا نفس السعر فى البنك و الصرافه مش هبيعو للصرافه اصلا اامن و اسرع هبيعو فى البنك و عليه السعر هيقل امال احنا بنقولو عومو ليه عشان يزود الاحطياتى و الناس تبعت مدخراتها او تبيع دولارها فى البنك زى مكانت بتعمل ايام مبارك

و الحل الامنى زباله مش محتاجه كلام الا لو رقابه 100% و هما مبيعرفوش عملوها قبل كده و مكملتش اسيوعين و رجعو يستغلو عادى و ده الى هيحصل لان فى طلب جامد من ناس عاديه جدا الاشاعات مخوفاها على مدخراتها

[drmsadek1979]

سعر التغيير الفعلي اليوم 11 جنيه

[melouk1]

سعر التغيير الفعلي اليوم 11 جنيه

اضحك عليك
ب١٢,٤٠

[drmsadek1979]

اضحك عليك
ب١٢,٤٠

انت غيرت ب كدا

[melouk1]

انت غيرت ب كدا

باشا الجنيه هيتعوم ان شاء الله على تقدير هيتباع ب ١٠ في البنوك
اللي يبيع اي عمله دلوقتي يبقى مش بيفهم ابدا
المفاوضات مع البنك الدولي بدأت
الشاطر اللي يصبر شهر
شهر مش وقت اصلاًً
الس عاوز يضارب و يتاجر ده وقته
و دليل كلامي ان الصرافات وقفت بيع من ٣ ساعات
بيلمو دولار و عملات بس
ليه ؟؟
اكيد مش مجانين الناس دي فاهمه مش زي اللي بيجري بيبيع خايف ينزل من كلام احمد كوسه و اليوم الساقع !!!

[Karim Alaa]

طب انت عارف انى نفسى يتعوم صح بس اقسم بالله البنك الدولى عمره مطلب تعويم البنك عايزك تشيل دعم بس بالعكس ايه رايك ان فى حزمه المساعدات جزء جاى عشان دعم الاحطياتى و سعر الصرف و اقرا الخبر من مواقع اجنبيه مش من حته تانيه

و بعدين يا برنس هو لو اتعوم هيبقى ب 10 فى البنك :) و فى ناس بتبيع عشان عايزه تصرف و ناس بتبيع خوف مش كل الناس فاهمين ولا عندهم القدره و اه السعر نزل زى متعمل قبل كده بالظبط قفل صرافات كتير و تهديد و بيهدى الشغل شويه

[melouk1]

باشا لو اتعوم مش هيوصل ١٠
ده بداية السعر و هيزيد اكيد لرقم مش معلوم
بس يكون مصلحة للبلد و الناس
كل الناس هتحط الدولار في البنك
و التعامل في البنك
و هيكون فيه سيولة دولارية و عملة اجنبيه رهيييييبة
زي ايام الالفينات ايام بابا حسني و ماما سوزان و عاطف عبيد و الناس دي و صل ٧ لما اتعوم و نزل لحد ٥ ونص

[hazemhany]

لو سمحتم يا شباب انا معايا 3000 درهم وفيه احد الاعضاء قال انه بيتباع ع 3.30 ممكن اعرف فين يشتري بالسعر ده ...شكرا