صيف شرم الشيخ

[YahiaAshraf]

السلام عليكم

مساء الخير يا جماعه

لو سمحتم لو انا عايز اروح شرم الشيخ اليومين دول

أيه اسعار الفنادق هناك فى الايام دى


وبالنسبة لاسعار السوبر جيت من الاسكندريه عامل فى حدود كام اسكندريه - شرم ؟

[Samah AbdAllah]

جو باص يبدا من 105
شرم جميلة اليومين دول و هادية
والاسعار حسب هتنزل في فندق كام نجمة وعلى نعمة ولا نبق
بس في المتوسط الفرد 900 3 ليالى شامل كل حاجة
في المتوسط يعنى يزيد او يقل حسب الفندق

[YahiaAshraf]

تمام الف شكر

[aboamina]

ناس كتير بتيجي شرم اليومين دول عن طريق شركات سواء حكومية أو قطاع خاص باسعار رخيصة بطريقة مش طبيعية وطبعا ده عشان الفنادق عاملة تخفيضات هلامية للمجموعات الكبيرة علشان الفنادق تحرك نفسها...يعني لو ليك حد شغال في اي شركة عاملة عرض رحلة لشرم هتلاقي فرص حلوة وممكن تحجز من خلاله.
ولو قدامك عرضين او اكتر وعايز تقارن بينهم انا ممكن اساعدك في اختيار الافضل لان الفنادق هنا فيها اختلافات كتير عن بعض.

[authority973]

انا لسه راجع من هناك من اسبوعين, فعلا حكاية العروض والتخفيضات الكبيرة للأعداد الكبيرة احنا كنا واخدين غرفة مزدوجة لفردين فى فندق 4 نجوم هاف بورد(فطار وعشاء) ب 200 جنيه فى اليوم للفردين! بس علشان وسط مجموعة كبيرة, تقريبا 45 فرد, علشان الحال واقف شوية, ولو طلعت من غير مجموعة وعدد غالبا الاسعار بتاعة الفنادق ديه هتتضرب فى 2 انما بشكل عام الملاحظ ان نسبة المصريين زادت جدا علشان طبعا السياحة مش ولا بد والناس خايفة من 30 يونية, خليج نعمة بقى مشوه لأقصى درجه وناس كل شوية توقفك وتقولك تعالى هنا او احجزلك كذا, والملاحظ ان الخلجيين هناك بقو كتير لدرجة انهم بقى يجيبو مغنيين يغنو خليجى لايف فى كافيهات نعمة باى, كل النشاطات رخصت الرحلة البحرية تتراوح ما بين 100 الى 140 جنيه للفرد بتختلف على حسب المركب والرحلة لراس محمد ولا جزيرة تيران, راس محمد اغلى ب 10 او 15 جنيه, السفارى والبيتش باججى ما بين 60 الى 120, الغواصة ما بين 100 و120, الجلاس بوت ماعرفش كام بالظبط مطلعتوش بس هو ارخص, , ف حاول تدور على عروض وفنادق كويس قبل ما تحجز علشان تلاقى حاجة كويسة مناسبة, انا كنت مسافر بالعربية ف معرفش اسعار السوبر جيت, بس جو بص حلو, وليه موقع على الانترنت ممكن تعرف كل اسعارة ومواعيدة, وتروح وترجع بالسلامة

[S O P H O S]

في عروض هناك حاليا وسمعت فالشهر الجاي اقوي
علشان طبعا هتكون الاعداد قليلة
لكن الجو هل يسمح مش عارف بصراحة ..