ادخل قسم ايه فى هندسة ؟؟

[galilioglal]

يا جماعة انا انشاء الله نوييت ادخل كلية الهندسة و انا طول عمرى كان نفسى اطلع مهندس ميكانيكا automotiv و عندى حلم انى افتح مركز صيانة و اشتغل فى العربيات و طبعا دة بسبب حبى للعربيات من صغرى و انا مقتنع ان البيحب حاجةبينجح فيها ...... بس العائلة و الناس نصحونى بلاش عربيات عشان المجال مش منتشر فى مصر و كدة .... فا فكرت فى كهربا بيئولو مجالاتها اوسع و ممكن اتخصص فى العربيات بعد كدة بس انا مش مقتنع الصراحةبكلامهم بسبب حبى للعربيات ...انتوا اة رايكم ؟؟؟؟؟؟؟ و شكرا

[sayed911]

لما تخلص اعدادي ان شاء الله وها تدرس من كل قسم مادة ها تعرف تحدد بناءا على دراستك للمواد انتا ميال لأنهي قسم اكثر :) + في الأول وفي الأخر سيبك من له مجال او ملوش اعمل ما تحب حتى تحب ما تعمل :)

[A3SAR]

لو فكرت في مصدر المكسب في الهندسه غالبا بيكون تعدين وبترول او اتصالات ..
بس كل ده مش مهم المهم انك تعمل ما تحب وتحب ما تعمل فعلا لان هي دي السعاده الحقيقه وهو النجاح في عينه
اعمل اللى انت عايزة ومحدش يضغط عليك ومبررررروك علي دخولك للهندسه عموما كليه جميله وانا بحترم المهندسيين جدا
:)

[amr011111]

لو انت بتحب حاجه ادخلها وانت هتبقى متميز فيها ان شاء الله
وان كنت افضل قسم مدنى

[shadygalal669]

بلاش هندسه من اساسه
انا لسه متخرج السنه دي بقولك بلاش
البلد مقفوله و مفيش اي فرص للعمل و نص المهندسين اللي معاهم خبره قاعدين في البيت ما بالك بالخريج بقي

[amr011111]

بلاش هندسه من اساسه
انا لسه متخرج السنه دي بقولك بلاش
البلد مقفوله و مفيش اي فرص للعمل و نص المهندسين اللي معاهم خبره قاعدين في البيت ما بالك بالخريج بقي

ليه كده بتثبط عزيمته
الشغل ده فى الاول والاخر نصيب

[eng_7amed]

بص يا هندسة انا الحمد لله مهندس ميكانيكا باور و اتخصصت سيارات بعد كده في مجال العمل
انا اسف بس الكلام ده فعلا غلط
مجال السيارات مش منتشر ازاي
احسب كام توكيل في مصر ليه كام مركز خدمه و كل مركز خدمه مشغل كام مهندس ما بين استقبال و صيانة و قطع غيار :d
دا غير الورش الخاصة
فالمجال منتشر جدا في مصر و ميزته انك ممكن تكسب منه بسرعه باذن الله لو عندك الخبرة سواء انك تشتغل في توكيل او انك تفتح شغل خاص بيك
صلي صلاة استخاره و توكل على الله
بالنسبه لموضوع كهربا و تتخصص بعد كده في السيارات الكلام ده غلط لان حتى صيانة الكهربا بالسيارات بيشتغل فيها مهندسين ميكانيكا سيارات او مهندسين ميكاترونكس

[RIDER 2050]

انا خريج ميكانيكا السنه دى الحمد لله ولم اندم ع اختيارى لان كان ادامى كل الاقسام
عايز اقلك ان ميزه ميكانيكا باور ان مجال شغلها واسع ماشاء الله ع امل ان حال البلد بس يتعدل شويه باذن الله
وانت نفسك بعد اعدادى ان شاء الله هتلاقيك ميال لحاجة معينه ولازم طبعا تسمع الناس الاكبر ف الكليه هتستفاد منهم كتير
ف جزئيه بس مهمه جدا عايز الف نظرك ليها لو ناوى تتخص ف حاجة معينه زى سيارات مثلا حاول تدخل كليه يكون فيها قسم خاص بالسيارات زى المطريه والقاهرة
وربنا يوفقك ان شاء الله

[RIDER 2050]

بص يا هندسة انا الحمد لله مهندس ميكانيكا باور و اتخصصت سيارات بعد كده في مجال العمل
انا اسف بس الكلام ده فعلا غلط
مجال السيارات مش منتشر ازاي
احسب كام توكيل في مصر ليه كام مركز خدمه و كل مركز خدمه مشغل كام مهندس ما بين استقبال و صيانة و قطع غيار :d
دا غير الورش الخاصة
فالمجال منتشر جدا في مصر و ميزته انك ممكن تكسب منه بسرعه باذن الله لو عندك الخبرة سواء انك تشتغل في توكيل او انك تفتح شغل خاص بيك
صلي صلاة استخاره و توكل على الله
بالنسبه لموضوع كهربا و تتخصص بعد كده في السيارات الكلام ده غلط لان حتى صيانة الكهربا بالسيارات بيشتغل فيها مهندسين ميكانيكا سيارات او مهندسين ميكاترونكس

سؤال يا بشمهندس بعد اذنك خريج ميكانيكا باور بيفرق ايه عن خريج ميكانيكا سيارات؟
ولو انا عايز اتخخص ف المجال ده ابدا ازاى مع العلم ان خبرتى ف المجال ده لا تتعدى الدراسه الاكاديميه ولكن نسبيا فاهم الحمد لله

[hazemhany]

بص يا هندسة ...من الأخر سيبك من بتحب ايه وبتكره ايه ونفسك ف ايه والكلام الأنشائي ده ...انت داخل كلية عايز تطلع مهندس محترم تلاقي شغل محترم بمرتب محترم وتلاقي مجال موجود وسهل تشتغل فيه وتنمي نفسك وتكبر فيه ...علشان تحقق ده قدامك 3 اقسام لا رابع لهم ...مدني ميكانيكا عمارة ...علي ترتيبهم ده ..دول اللي فيهم المواصفات اللي انا ذكرتهالك ...لكن باقي الأقسام بختك يا ابو بخيت زي ما بيقولوا ...بترول واتصالات اكبر كدبتين في تاريخ الهندسة في مصر .. بترول خريجين من سنة 2000 لحد دلوقتي مش عارفين يشتغلوا في المجال وحضرتك تقدر تبحث عن الجروبات بتاعتهم وتشوف بعينك لأنك عارف دخول شركات البترول عامل ازاي في مصر...اتصالات كانت في وقت معين قسم الأحلام لحد ما شركات الأتصالات تشبعت وبقوا دلوقتي يا مش لاقيين شغل يا شغالين في مجال تاني غالبا ليه علاقة بالبرمجة وده مش صلب تخصصهم ...يبقي مقدمكش غير ال 3 اقسام دول اللي شغلهم منتشر بنسبة كبيرة ..انا هكلمك عن ميكانيكا باور بحكم ان هوا تخصصي ..ميكانيك بتديك الفرصة انك تشتغل في مجالات كتيرة اوي زي ...محطات كهربا - مصانع (تصميم - انتاج - جودة- صيانة) - مكاتب استشارية - شركات مقاولات - شركات بترول - مبيعات - سيارات ...كل دي مجالات مفتوحة قدامك ومنتشرة في السوق المصري والعربي فمتقلقش هتلاقي شغل بسهولة عن اقسام تانية كتير وده طبعا متوقف ع شطارتك ورزقك اللي مكتوبلك.

نصيحة اخيرة متزنقش نفسك في سيارات علشان يبقي قدامك مجالات كتير

[galilioglal]

لما تخلص اعدادي ان شاء الله وها تدرس من كل قسم مادة ها تعرف تحدد بناءا على دراستك للمواد انتا ميال لأنهي قسم اكثر :) + في الأول وفي الأخر سيبك من له مجال او ملوش اعمل ما تحب حتى تحب ما تعمل :)

ان شاء الله و شكرا على رضك :]

[galilioglal]

لو فكرت في مصدر المكسب في الهندسه غالبا بيكون تعدين وبترول او اتصالات ..
بس كل ده مش مهم المهم انك تعمل ما تحب وتحب ما تعمل فعلا لان هي دي السعاده الحقيقه وهو النجاح في عينه
اعمل اللى انت عايزة ومحدش يضغط عليك ومبررررروك علي دخولك للهندسه عموما كليه جميله وانا بحترم المهندسيين جدا
:)

شكرا على نصيحتك :]

[galilioglal]

بص يا هندسة انا الحمد لله مهندس ميكانيكا باور و اتخصصت سيارات بعد كده في مجال العمل
انا اسف بس الكلام ده فعلا غلط
مجال السيارات مش منتشر ازاي
احسب كام توكيل في مصر ليه كام مركز خدمه و كل مركز خدمه مشغل كام مهندس ما بين استقبال و صيانة و قطع غيار :d
دا غير الورش الخاصة
فالمجال منتشر جدا في مصر و ميزته انك ممكن تكسب منه بسرعه باذن الله لو عندك الخبرة سواء انك تشتغل في توكيل او انك تفتح شغل خاص بيك
صلي صلاة استخاره و توكل على الله
بالنسبه لموضوع كهربا و تتخصص بعد كده في السيارات الكلام ده غلط لان حتى صيانة الكهربا بالسيارات بيشتغل فيها مهندسين ميكانيكا سيارات او مهندسين ميكاترونكس

شكرا جدا على اهتمامك بس انا عندى سؤال ليك معلش ... اة الفرق بين مهندس الميكانيكا الباور و مهندس سيارات ..... يعنى لما ادخل باور و اتخصص فى السيارت هبئى بنفس كفائة مهندس العربيات ؟؟؟ :]

[galilioglal]

انا خريج ميكانيكا السنه دى الحمد لله ولم اندم ع اختيارى لان كان ادامى كل الاقسام
عايز اقلك ان ميزه ميكانيكا باور ان مجال شغلها واسع ماشاء الله ع امل ان حال البلد بس يتعدل شويه باذن الله
وانت نفسك بعد اعدادى ان شاء الله هتلاقيك ميال لحاجة معينه ولازم طبعا تسمع الناس الاكبر ف الكليه هتستفاد منهم كتير
ف جزئيه بس مهمه جدا عايز الف نظرك ليها لو ناوى تتخص ف حاجة معينه زى سيارات مثلا حاول تدخل كليه يكون فيها قسم خاص بالسيارات زى المطريه والقاهرة
وربنا يوفقك ان شاء الله

هو القسم مش موجود فى جامعة الاسكندرية.... :o انا سمعت ان فيها كل الاقسام ؟؟؟

[galilioglal]

بص يا هندسة ...من الأخر سيبك من بتحب ايه وبتكره ايه ونفسك ف ايه والكلام الأنشائي ده ...انت داخل كلية عايز تطلع مهندس محترم تلاقي شغل محترم بمرتب محترم وتلاقي مجال موجود وسهل تشتغل فيه وتنمي نفسك وتكبر فيه ...علشان تحقق ده قدامك 3 اقسام لا رابع لهم ...مدني ميكانيكا عمارة ...علي ترتيبهم ده ..دول اللي فيهم المواصفات اللي انا ذكرتهالك ...لكن باقي الأقسام بختك يا ابو بخيت زي ما بيقولوا ...بترول واتصالات اكبر كدبتين في تاريخ الهندسة في مصر .. بترول خريجين من سنة 2000 لحد دلوقتي مش عارفين يشتغلوا في المجال وحضرتك تقدر تبحث عن الجروبات بتاعتهم وتشوف بعينك لأنك عارف دخول شركات البترول عامل ازاي في مصر...اتصالات كانت في وقت معين قسم الأحلام لحد ما شركات الأتصالات تشبعت وبقوا دلوقتي يا مش لاقيين شغل يا شغالين في مجال تاني غالبا ليه علاقة بالبرمجة وده مش صلب تخصصهم ...يبقي مقدمكش غير ال 3 اقسام دول اللي شغلهم منتشر بنسبة كبيرة ..انا هكلمك عن ميكانيكا باور بحكم ان هوا تخصصي ..ميكانيك بتديك الفرصة انك تشتغل في مجالات كتيرة اوي زي ...محطات كهربا - مصانع (تصميم - انتاج - جودة- صيانة) - مكاتب استشارية - شركات مقاولات - شركات بترول - مبيعات - سيارات ...كل دي مجالات مفتوحة قدامك ومنتشرة في السوق المصري والعربي فمتقلقش هتلاقي شغل بسهولة عن اقسام تانية كتير وده طبعا متوقف ع شطارتك ورزقك اللي مكتوبلك.

نصيحة اخيرة متزنقش نفسك في سيارات علشان يبقي قدامك مجالات كتير

شكرا على النصيحة و كدة كدة ان شاء الله ناوى على ميكانيكا