بخصوص lenovo z580

[smsm2015]

السلام عليكم

الحمد لله اشتريت اللينوفو z580 ببروسيسور i5 3210 وكارت فيجا gt 630m وهارد 1 تبرا وللافاده من شركة ابلاينس فرع سيتى ستارز ب 4.400 جنيه ناس محترمين جدا ومعاه ماوس مايكروسوفت واير لس هدية + نسخة ويندوز 7 ولونه رصاصى جميل اوى وعلى فكره هما الوحيدين اللى عندهم اللون ده اما باقى المحلات المتوافر ابيض / احمر وفى رائى اشيك لون فيهم هو الرصاصى ده ........ لى استفسار ازاى افعل خاصية turbo boost ؟؟ وبالنسبه للبطاريه لو انا هاوصله بفيشة الكهرباء ايه الصح اخلع البطارية ولا اخليها راكبه ولو خلعتها اشحنها ولالا ..

[Ahmed_Adham]

مبروك مقدما. معنديش معلومات وافيه عن السوق عشان احكم على السعر بس انصحك تشغل البطاريه على الاقل في الايام السوده دي لحد ما الكهربا تتظبط ولو خزنت البطاريه بعد كده ابقى طلعها على الاقل كل شهر اشحنها وفرغها مرتين تلاته.

[ابو لؤى]

متابع

[S O P H O S]

الف مبروك يا باشا
اتمني يكون عجبك اللاب ..

[|Mostafa|]

البطارية لازم تتشحن وكل ما تشحنها اكتر كل ماعمرها يطول عكس الاعتقاد بتاع انك كل ما تشحنها هتبوظ...لكن المهم تشحنها وهي عند 20% لحد13%

مش اقل ومش اكتر...

والبطارية متخزنهاش فترة طويلة بدون استخدام


اللابات الجديدة كلها طبعا مش محتاج تشيل البطارية عنها ولاحاجة، هي لوحدها بتفصل البطارية على جنب لو البطارية مشحونة وتشتغل من الكهرباء بدون ما تحتاج لانك تشيل البطارية...

[smsm2015]

شكرا جزيلا يا جماعة ربنا يبارك فيكم .... معلش عندى سؤال ازاى اعمل كليك يمين من التاتش باد لانى بصراحة اول مرة استعمل لاب توب ...

[blazer]

انا اشتريت نفس الاب بس من غير نسخة ويندوز وحاطط عليه win 8
اول حاجه املا البطاريه لحد 100% بعيدين استخدمها لحد ما تفضى على الاخر
بعد كدا البطارية لو هتشحنها متشحنهاش اكتر من 60% و متفضيهاش لاكتر من 10 % و كل اسبوع استخدمها مره على الاقل " ممكن تتعمل اوتو من برناج ال power management اختار الاختيار اللى تحت بتاع البطارية الى هو optimized battery life
الاب بتاعك هتلاقى فى الفيشة فيوز عشان لو الكهربا عليت الفيوز يفرقع وميحصلش حاجه بإذن الله للشاحن او الاب
لما تنزل كل ال drivers هتلاقى كل الخواص شغاله اوتو " كارت الشاشه هتلاقيه بيعمل switch اوتوماتيك لو البرنامج محتاج كارت شاشه قوى