اقضى على النمل فورا

[Y a r i s]

انا بصراحة مشفتش سنة من السنين زي السنه دي
تصوروا يبقى رغيف العيش لسه في ايدي وابص الاقي النمل ناطط وعاوز يخطف اللقمة من ايدي .... حتى بطرمان السكر وهو مقفول تبص تلاقي داخل وواكل السكر. ولبن النيدو كزالك وبقت حاجة صعبه اخر حاجة .... لدرجة بقينا اي حاجة نخبيها في التلاجه. سواء. عيش سكر لبن فاكهة. كلو كلو نشيلو جوا التلاجه علشان نخبيه من النمل. .... وحالياً النمل عمال يحوم حوليين التلاجه عاوز يفتحها ومش عارف ازاي

[dr.hazem]

لو عايز تقضي عالنمل فعلاً ..

اي رش هترشه عالنمل نفسه وهو ماشي .. هيموت الكام نمله اللي ماشيين .. ويقفل الطريق بتاعهم يوم ولا يومين
لحد ما اثر الرش يختفي ويرجع طابور النمل تاني

الحل اللي جاب مالاخر معايا

اني لما اشوف نمله .. افضل متابعها لحد ما اشوف هتدخل في اني فتحه .. لازم نهاية مشاورها يكون فتحه في البلاط او السيراميك او الخشب او الحيطه

وبعدين اشوف الطريق العكسي واراقب نمله واشوف الفتحه التانيه اللي بيرجعولها فين

وكدة ابقى عرفت مخرجه ومدخله .. واي مبيد ولو حتى بيرسول بتاع الناموس

وارش على الفتحه واركز على ان الرش يدخل جواها .. واعمل نفس الحكايه عالفتحه التانيه

وبعدين ارش عالنمل اللي في السكه بينهم

كدة انا قضيت على المستعمره بتاعتهم تماماً

ممكن يظهر تاني بقى مستعمره تانيه في فتحات تانيه ومكان تاني .. واعمل نفس الحوار .. والحكايه دي بتحصل مرتين بالكتير في الصيف

بالنسبالي اول مبلاقي الفتحات بعبي جواها بودرة مبيد واسيبها يوم وبجيب معجون واسد بيه الفتحه وبالتالي بتخلص منه....
تحياتي

Sent from my Xperia Arc S using Forum Runner

[احمد المصرى]

عندنا فى اكتوبر النمل صعب بطريقه غريبه جدا والاغرب انى بلاقيه فى حدد غريبه جدا


فى الحمام مثلا بيجى منين معرفش

[Abo-Yousef]

اقولكو انا بقى على احسن طريقة تقضى بيها عالنمل نهائى خالص وعلى ضمانتى مش هتلاقى ولا نمول صغير حتى بيتمشى فى الشقة

دوا اسمه ملاثيون وده هتلاقية عند بتوع المنظفات وسعره 10 جنيه وده من اقوى المبيدات الحشرية اللى بتقضى على جميع انواع الحشرات ومنها النمل وده بتنقط منه بسيط جدا فى جردل المسح على المياه هتلاقى لونها بقى ابيض ويفضل تحط معاه شوية فنيك او صابون رابسو يدى ريحة حلوة شوية بس عشان ريحته صعبه اوى وتمسح بيه الشقة او اي مكان فيه نمل او حشرات وانسى انك تشوف حشرات تانى فى شقتك ودى صورته

[Abo-Yousef]

مش عارف ارفع الصوره [url=http://www.google.com.eg/imgres?imgurl=http://www.egyptianswift.com/arabic/uploads/newbb/15800_5115a0cfd6e55.jpg&imgrefurl=http://www.egyptianswift.com/arabic/modules/newbb/viewtopic.php?topic_id%3D32544&h=515&w=250&sz=19&t bnid=Mn5XIXckY_FwiM:&tbnh=101&tbnw=49&prev=/search%3Fq%3D%25D8%25A7%25D9%2583%25D8%25AA%25D9%2 588%25D9%2585%25D8%25AB%25D8%25B1%25D9%258A%25D9%2 586%26tbm%3Disch%26tbo%3Du&zoom=1&q=%D8%A7%D9%83%D 8%AA%D9%88%D9%85%D8%AB%D8%B1%D9%8A%D9%86&usg=__X4S llluDco527E-sBeRBwBzi-5Q=&docid=oT_2CGuUYvJfUM&sa=X&ei=eVPMUZ75HYnOtQayq oH4DQ&ved=0CD8Q9QEwAw&dur=1196]

بص يابو حميد هقولك على اسهل طريقة ترفع بيها صورك عالمنتدى هنا وده ليك بس يا معلم
خد الموقع ده وسجله عندك فى اى ملف تكست او احفظة فى الفيفوريت
http://www.up9or.com/

الموقع ده تحفة اكتشفته من كام يوم وتقدر ترفع بيه 10 صور مرة واحدة هتدوس بس على كلمه choose وتختار الصور بتاعتك وبعدها تعلم علامة صح على ( أوافق على شروط المركز ) وتضغط على رفع الملفات
بعد اما يترفعوا هتنزل بالسهم لتحت خالص هتلاقى ( رابط للمنتديات ) اوله [IMG] وأخره [/IMG]
خده كوبى وحطه فى الموضوع على طول واعتمد المشاركة وعيش يامان وكل سنة وانت طيب يا كبيييييير

[Karim_Monir]

بص يابو حميد هقولك على اسهل طريقة ترفع بيها صورك عالمنتدى هنا وده ليك بس يا معلم
خد الموقع ده وسجله عندك فى اى ملف تكست او احفظة فى الفيفوريت
مركز إرفع صور لرفع الصور , رفع 10 صور برابط واحد , تحميل صور

الموقع ده تحفة اكتشفته من كام يوم وتقدر ترفع بيه 10 صور مرة واحدة هتدوس بس على كلمه choose وتختار الصور بتاعتك وبعدها تعلم علامة صح على ( أوافق على شروط المركز ) وتضغط على رفع الملفات
بعد اما يترفعوا هتنزل بالسهم لتحت خالص هتلاقى ( رابط للمنتديات ) اوله [IMG] وأخره [/IMG]
خده كوبى وحطه فى الموضوع على طول واعتمد المشاركة وعيش يامان وكل سنة وانت طيب يا كبيييييير

يا راجل ما احنا عندنا موقع الرفع بتاعنا ودي بتتحفظ على سرفر المنتدي مباشرة وليها باكب كمان
nileup.com
وليه ايقونه فوق اعلي المنتدي اسمها مركز رفع الصور

[Abo-Yousef]

يا راجل ما احنا عندنا موقع الرفع بتاعنا ودي بتتحفظ على سرفر المنتدي مباشرة وليها باكب كمان
nileup.com
وليه ايقونه فوق اعلي المنتدي اسمها مركز رفع الصور

هوا تمام الموقع ده ياباشا وفعلا انا مخدش بالى منه قبل كده خالص بأمانه بس برضو عاوز اقول معلومة انا جربت رفعت عليه صور بس عشان انزلها فى الموضوع لازم اخد رابط الصورة مباشر كوبى وبعدين اجى عالموضوع واضغط على ايقونه بتاعت رجاء ادخل عنوان الرابط بتاع الصورة واحد اللينك بتاع الصورة بست فيه لكن الموقع التانى فى تحت خانه مكتوب فيها اللينك بتاع الصورة جاهز على طول من غير ماضغط على ايقونات والفكرة دى لسبب لو هعمل موضوع وانزل فيه مثلا 20 صورة بدل ماقعد احط صورة صورة باخدهم كلهم كوبى وانزلهم على طول

[Abo-Yousef]

لا تصدق برضه اصلى هوا كمان بتاعت رابط المنتديات دى بتسهل اوى بدل ماخد كوبى وبست وادوس على ايقونات واقعد ادور .... شكرا يا كبيييير عالموقع http://nileup.com/up
وكل سنة وانت طيب ورمضان كرييم

[خالد فتحى]

تحذير و عن تجربة من شركات ابادة الحشرات و يقولك منتج المانى و يابانى و ممكن يرشلك الشقة ب 1000 جنيه و ان فيه ضمان ضد الحشرات 3 سنين . انا راييى الافضل هو استخدام المبيدات العادية المتوفرة فى السوق باستمرار لمحاربة النمل فى المكان اللى بيظهر فيه .