واقعة نصب و طلب مشورة

[wahba87]

السلام عليكم

فى شخص ما , دخل على فيسبوك زميلتنا فى الشغل و بعت لواحد صاحبنا انها محتاجة 2200 جنيه يحولها على رقم معين لسداد فاتورة usb modem

صاحبنا بحسن نية حول المبلغ , و اكتشفنا بعد كده انها نصباية

رقم الموبايل فى truecaller جاب اسم , بس محدش مننا يعرف حد بالاسم ده

حد عنده اقتراح ازاى نعرف مين الشخص ده ؟


انا فكرت انى أكلمه بطريقة ما بحيث يظهر له Private Number (بس لسة مش عارف ازاى) و اقوله انا من خدمة عملاء اتصالات و عايزين نعمل تحديث بيانات و اطلب منه اسم و عنوان و رقم بطاقة و اسم والد الوالدة و الكلام ده يمكن نوصل لحاجة

حد عنده افكار تانية ؟ , حد يعرف ازاى اخلى رقمى يظهر Private Number

[hossam_chixo]

تقريبا برنامج nimbuzz بس لما تشترى فية رصيد
لما بتتصل بحد عن طريقة بيظهر برايفت نمبر
بس اتأكد برضو

[mr_vampire]

طب ماتبلغو عنه اصلا واحكو الحوار كله وهما يتصرفو.

[bassemhoho]

طب ما تجيب اي شريحه اعمل منها مكالمه وارميها

[aboamina]

المفترض انك لو بلغت النصاب ده يتجاب عن طريق مباحث الانترنت

لكن بصراحة اشك انهم هياخدوا البلاغ بجدية وهيعملوا حاجة

لكن اعملوا اللي عليكوا لعل وعسى يهتموا

[ehab]

اعتقد سكاي بي لما تشحن بفلوس بتتصل بيه يطلع private

[new_man]

سكاى بى فعلا بيعمل كده
وكان منزل رصيد مجانى تتكلم بيه 15 دقيقة للتجربه وانا اتكلمت بيه