عايز اوصل نت وايرلس للاب توب

[egyboy]

السلام عليكم

الموضوع انى مشترك انا وبعض الاصدقاء فى خدمة نت تى داتا وطبعا فيه راوتر وكل حاجة المهم
ان الرواتر فى شقة فى العمارة فى الدور الاخير وانا واخد كبل وموصله بجهاز الديسكتوب عادى

بس المشكلة ان النت وايرلس مبيوصلش عندى تحت لانى انا فى الدور التانى ويدوبك بيلقط اسم الشبكة بس مفيش نت

فانا عايز اظبط الشقة عندى ويكون فيها نت وايرلس علشان اللاب توب والموبايل

لقيت ان الاكسيس بوينت مش هتنفع لانها بورت واحد وكده السلك بتاع الايثرنت اللى جاييلى هدخله فى الاكسيس بوينت واستقبل وايرلس فى اللاب لكن الديسكتوب مفيش نت

انا بقى عايز حاجة استقبل بيها النت من الكبل اللى جاى من فوق واطلع منه كبل للديسكتوب و وايرلس للاب

يبقى كده بنتكل فى راوتر (مش عارف صح ولا فى حلول تانية )
خصوصا لان الراوتر 4 بورت وغالى ومالوش لازمة ال 4 بورت

انا لقيت راوتر tp - link n 150

ب 235 جنيه

وراوتر d link n150

ب 275 جنيه

والاكسيس بوينت 180 جنيه من tp link


انتوا رأيكم ايه اوصل الليلة دى ازاى :)والاسعار كده نظامها ايه
خصوصا انى لقيت راوتر تى ب لينك بس n300 ب 245 على سوق دوت كوم يعنى فرق 10 جنيه بس ازاى !!!

300Mbps Wireless N Router مصر | سوق

مستنى ردكم

[blazer]

هو الراوتر مفيش غيره

[egyboy]

طيب ايه احسن نوع اجيبه وميبقاش غالى او حتى ايه الافضل من اللى انا كتبته

وسؤال كمان الوايرلس هيبقى شغال فى الشقة كلها حتى لو باب الغرفة اللى فيها الرواتر مقفول وباب الغرفة اللى فيها اللاب مقفول برضه وال 150 متر دول كفاية فى الراوتر ولا ايه

[Ahmed_Ramadan]

كان عندى نفس مشكلتك و جبت Access Point ب 200 جنيه و جبت usb wi-fi Adapter ب 60 جنيه للDesktop و شغال تمام بقاله 3 شهور

[egyboy]

طيب ما كده حضرتك كلفت نفس ثمن الراوتر تقريبا !!
مجيبتش راوتر ليه ؟

[Ahmed_Ramadan]

طيب ما كده حضرتك كلفت نفس ثمن الراوتر تقريبا !!
مجيبتش راوتر ليه ؟

علشان عندنا عاملين شبكة 2 ميجا بدفع فيها 35 جنيه فى الشهر و معظم اللى معايا ملهمش فى الدوانلود ليهم بس فى facebook , skype ....هاتلى إشتراك شهرى فى أى شركة أنزل بسرعة 250 و مشاكل اخدمة العملا مريح دماغى منها

[DreAmO]

هتشتري سويتس و اكسيس بوينت

هتدخل الكبل اللي نازلك عالسويتش .. وهتطلع من السويتش على الاكسيس بوينت والديسك توب

يعني هتستخدم 3 بورتات في السويتش .. يعني سويتش 4 بورت يقوم بالواجب

[A_H_M_A_D]

اوعى تجيب راوتر ، لو جبت راوتر وركبته هايعمل كونفلكت مع الراوتر الاصلي والنتيجه ان النت هايفصل يا عندك يا عنده ، لازم تجيب اكسس بوينت وسويتش زي ما دريمو قال

الكلام ده عن تجربه

[alfath8]

هاقولك على الحل اللى انا عملته
اشتريت كارت وايرلس يواس بى ماركة tp.link
هوا يستقبل الاشارة عادة جدا مفيش مشكلة
وبواسطة برنامج يقدر يوزع وايرلس كان والبرنامج اسمه
Connectify - Turn your PC into a Wi-Fi Hotspot and Get Faster Internet
ثمن الكارت ب 100 جنيه بس
انا وواحد صاحبى عملنا نفس الفكرة ونجحت

[egyboy]

هتشتري سويتس و اكسيس بوينت

هتدخل الكبل اللي نازلك عالسويتش .. وهتطلع من السويتش على الاكسيس بوينت والديسك توب

يعني هتستخدم 3 بورتات في السويتش .. يعني سويتش 4 بورت يقوم بالواجب

حلو الحل ده عجبنى :)
تسلم ايدك

اوعى تجيب راوتر ، لو جبت راوتر وركبته هايعمل كونفلكت مع الراوتر الاصلي والنتيجه ان النت هايفصل يا عندك يا عنده ، لازم تجيب اكسس بوينت وسويتش زي ما دريمو قال

الكلام ده عن تجربه

طالما عن تجربة يبقى ماشى
اعتقد هيكون محتاج اعدادت خاصة وتظبيط ال ip s بحيث يكون الراوتر اللى هيستقبل مجرد مستقبل وميعملش راوتنج ..بس محتاج تجربة علشان نشوف :)

شكرا لنصيحة بدل ما كنت هجيبه واركنه :)

هاقولك على الحل اللى انا عملته
اشتريت كارت وايرلس يواس بى ماركة tp.link
هوا يستقبل الاشارة عادة جدا مفيش مشكلة
وبواسطة برنامج يقدر يوزع وايرلس كان والبرنامج اسمه
Connectify - Turn your PC into a Wi-Fi Hotspot and Get Faster Internet
ثمن الكارت ب 100 جنيه بس
انا وواحد صاحبى عملنا نفس الفكرة ونجحت

فكرة جامدة
بس اعتقد لازم الجهاز اللى عليه البرنامج يكون مفتوح طوال الوقت
وده حل نوعا ما مش عملى بس موفر
شكرا ليك


شكرا ليكم كلكم يا شباب
جزاكم الله خيرا:)

[islamnabil]

عندي ليك حل جامد
نزل البرنامج ده
Compare Hotspot Lite vs PRO
وهات كارت وايرلس و شغل البرنامج من الكمبيوتر حيشغلك وايرلس في الشقة

[د.محمود صلاح]

Wifi range extender
بيمدد ويقوي اشارة الوايرلس .. وهو شبه الفيشة ويركب في الكهربا على طول في الحيطة في المكان اللي لاقط اشارة ضعيفة ويمددها ويقويها بنفس اعدادات الراوتر الاساسي

TRENDnet Launches Nano Wireless Extender

دي احد الحلول المطروحة

[egyboy]

عندي ليك حل جامد
نزل البرنامج ده
compare hotspot lite vs pro
وهات كارت وايرلس و شغل البرنامج من الكمبيوتر حيشغلك وايرلس في الشقة

كلام جميل بس لازم الجهاز يكون مفتوح على طول
ودى المشكلة :)

wifi range extender
بيمدد ويقوي اشارة الوايرلس .. وهو شبه الفيشة ويركب في الكهربا على طول في الحيطة في المكان اللي لاقط اشارة ضعيفة ويمددها ويقويها بنفس اعدادات الراوتر الاساسي

trendnet launches nano wireless extender

دي احد الحلول المطروحة

جامد الجهاز ده يا دكتور طيب حضرتك بيتباع فين ولا بكام
والاكسيس بوينت مش نفس الفكرة ولا ايه ؟؟

[egyboy]

يا رجالة انا اشتريت اكسيس بوينت وسويتش الاتنين tp link

وظبطت اعدادت الاكسيس بوينت يكون repeater (range extender) mode

,وربطته ب ال ssid بتاع الراوتر بس عملت باسورد مختلفة عن وايرلس الراوتر

ولما جيت بقى عملت سيرش على الشبكة انا لقيتها وعملت كونكت بس مدخلتش الا بباسورد وايرلس الراوتر وليس الباسورد بتاع الاكسيس اللى انا حطيته

والنتيجة اشارة بطيئة جدا وبيحمل بصعوبة

عايز رايكم اعمل ايه علشان لو مش هينفع ارجع الاجهزة دى وهى لسه جديدة كده للراجل

[A_H_M_A_D]

يا رجالة انا اشتريت اكسيس بوينت وسويتش الاتنين tp link

وظبطت اعدادت الاكسيس بوينت يكون repeater (range extender) mode

,وربطته ب ال ssid بتاع الراوتر بس عملت باسورد مختلفة عن وايرلس الراوتر

ولما جيت بقى عملت سيرش على الشبكة انا لقيتها وعملت كونكت بس مدخلتش الا بباسورد وايرلس الراوتر وليس الباسورد بتاع الاكسيس اللى انا حطيته

والنتيجة اشارة بطيئة جدا وبيحمل بصعوبة

عايز رايكم اعمل ايه علشان لو مش هينفع ارجع الاجهزة دى وهى لسه جديدة كده للراجل

أعتقد معني الكلام ده انك لاقط من الراوتر مش من الاكسس بوينت

انت وصلته بكابل من السويتش زي ماقلنا ؟ هو محتاج تظبيط و هايشتغل معاك تمام متقلقش , وبعدين ماركة Tp link اشارتها قويه جدا , دانت هاتلاقي كل البيوت اللي حواليك شايفينها كويس