جهاز قياس سكر

[noureldenadel4]

لو سمحت كنت عايز اجيب جهاز قياس سكر للحجه ربنا يعافيكم جميعا فلقيت وان تاتش و اكوا تشيك و مش عندى خبره خالص فيهم فهل من مساعدة

[mero100]

افضل جهاز جبته لوالدي موجود عند صيدليات العزبي .

بحوالي 350 تقريبا .. و لقيت معظم المستشفيات و الدكاتره بتستخدمه .. معاه 100 شريط مجانا .. و علبه الشرايط فيها 50 شريط ب 165 جنيه .. و علبه الشكاكات فيها 200 ب 100 جنيه .. و هيه ماركه payer .

و الف سلامه للحاجه .

[mero100]

صوره لقلم الوخز و علبه الشكاكات

صوره لشرائط التحليل

[noureldenadel4]

شكرا جزيلا يا ميرو و فى ميزان حسناتك أن شاء الله

[ramymechanics]

أنا جايب للمدام جهاز اسمه أكو تشيك Accu Check دة فى حدود ال 400 جنيه بردو وشرايطه متوفرة فى كل الصيدليات والعلبة الخمسين شريط ب 170 جنيه ومرتاحة بيه جدا من حوالى 3 سنين حتى الآن .. ممكن تروح وتشوفه فى اى صيدلية وهو يوريهولك وقارن بينه وبين الجهاز اللى الأستاذ الفاضل قال لك عليه وربنا يشفيها ويعافيها انشاء الله

[noureldenadel4]

شكرا يا رامى فعلا انا سمعت عن الجهاز ده كتير هنزل هاشوفه

[Dr_Mido]

جهغز ممتاز بس هات الاكتف مش GO

Sent from my Xperia Arc S using Forum Runner

[م/مصطفى محمود]

انا بتعامل بجهاز bionime وكويس جدا معايا

الجهاز فى رينج 100 جنية وعلبة الشرايط ال50 ب 85 جنية ، وعلبة الشكاكات ال 100 ب 10 جنية

والشرائط متوافرة عند كل الصيدليات بس يُفضل تجيبها من شارع القصر العيني أرخص (الصيدليات بيبيعوها ب 125)

[noureldenadel4]

شكرا لجميع الاعضاء على الاهتمام انا هنزل القصر العينى بعد الاحداث الجاريه و هشوف الانسب ان شاء الله

[dr_radioooooo]

bioneme ممتاز و مش غالى و عن تجربة اربع سنين