قواعد كرة قدم الشوارع ...

[abogogo]

زمان لما كنا بنلعب كورة في الشارع كانت هناك قواعد تقريباً كانت كل شوارع مصر متفقه عليها تذكرتها لما لعبنا كورة في الشارع امس لما كان فاضي

قواعد كرة قدم الشوارع
1- مفيش حكام في المتش ولا تسلل ..!!!


2- ضربة الجزاء " البنلتي " بتتحسب بعدد كمية الحلفانات اللى بتتحلف انها بلنتي ..!!


3- صاحب الكورة لازم يلعب ولوملعبش بياخد الكورة ويمشي وكدة المتش خلص ..!!


4- اتخن واحد هو اللي بيقف جون ...!!!


5- المتش بيخلص لما اللعيبة تتعب او حد من الجيران يرش ميه وأحياناً لما حاجة تتكسر ...!!!



6- النتيجة المعتادة لما المتش بيخلص ...!!!

[Amo0o0oRa]

ههههههههههههههههههههههههههه والله كانت ايام جميله وفكرتنا باحلى ايام

[marsguy]

-لو العدد قليل ممكن نلعب جون مشترك
-لو العدد كبير أوي ممكن نلعب على نظام خروج المغلوب والفائز يكمل لعب لحد أما يتغلب
-قبل الماتش بنتفق الفوره من كام
-من أحد أسباب إنتهاء الماتش إن الكوره تتشاط فوق السور وتقع في الفيلا اللي فيها كلب شرس ما بيرحمش
-غالباً بيكون في راجل رخم عاوز ينام 24 ساعه وكل شويه يقول: الكوره دي لو جات هنا هاقطعها
-الراجل ده بيكون محتفظ بجثث كور في البلكونه للعبره وللتذكره
-لو في بنات بتتفرج من البلكونه يبقى كتر من الألعاب البهلوانيه والدبل كيك
-من أحد أسباب إنتهاء اللعب إن بابا أحرف واحد بيجي ياخده من الملعب ويهزأه ويقوله: تعالى قابلني لو فلحت
غالباً بيكون في 2إخوات حريفه أوي وبيتنافسوا مع بعض

[#MAAM#]

ههههههه كانت ايام جميلة فعلا ولما بيكون فيه اكتر من فريق بيلعبوا الغالب مستمر

[Gabrforever]

هههههههههههههههههههههههه احلي ايام

[Mostafa.Mahran]

ههههههههههههههههههههههههههههههههههههه

[aser_007]

احلى ايام ذكريــــــــــــــــــــــــــــــــات جميلة ,,, لولا الذكريات لمتنا من الملل

[waleed alsudy]

اياااااااااااااااااام والله
ذكريات بنت ....

[alfath8]

ههههههههههههههه فكرتنى بابام جميلة قبل ما اعجز وبطلع السلم بالعافية الوقتى

لما كانت الكروة تدخل فى الشقة اللى فى العمارة اللى جنبنا فى الدور الاول كنا كلنا بنجرى خوفا من العلقة اللى لو حد اتمسك هايكلوها

[S O P H O S]

هههههههههه
جميل ..

[Medicalist]

ومين فينا ركبته وكوعه ما اتسلخش من كتر الوقوع وقطع بناطيل اخرام اخرام

[mr_vampire]

ههههههههههههههه. فكرتني بالماساه اللي عشتها. كنت جايب كورة جديدة بس كنت بحافظ عليها اووووووووووووي ومش بنزلها ولا بحطها عالارض . العيال كل شوية ماتجيب كورتك بقي اشمعنا احنا بنجيب كوارنا. قفشو عليا ولااااااااااااااازم تجيبها.

نزلت المحروسة ولاول مرة تلمس الارض. مع اوووووووووووووول شوطة عربية داست عليها وفرقعت. هههههههههههههههههههههههههههههههههههههههههههههه مش متخيل كمية الضحك اللي حصل من وقتها ( شماتة طبعا ) وانا عمال اه ياولاد ................

ومن ساعتها بطلت اجيب كور خااااااااااااااااااالص.

بس لسة جايب كورة امبارح علي فكرة mikasa شكلها عجبني مش عشان العب بيها هههههههههههههههههههه

[Ahmed Nasser]

ايام كانت زى الفل كنت مش ببطل لعب غيرلما اموت واجيب النفس بالعافية
ويا اتكسرنا واتجرحنا وضربنا بعض عشن الكورة
ايام كانت لوة ربنا يوعدها علينا

حاليا عندى 19 سنة ومقدرش العب 5 دقائق على بعض
نظرى ضعيف وعندى املاح جامدة جدااا

[besso]

ياااااااااااااااااه الواحد لما بيقعد يفتكر المواقف دى دلقوتى بيقعد يضحك على اللى كنا بنعمله

الا بقى لما كنا ننزل كلنا الشارع ومانلاقيش كوره نلعب بيها كنا بنبقى عاملين زى الكلاب الضاله بنشمشم على اى حاجه ههههههههههه ولو عيل صغير معاه كوره كنا بنتزلله علشان يرضى يخلينا نلعب بيها وده يترسم علينا من هنا وكلامه اوامر ههههههههههههه لو عايز يكسب فريق بالعافيه بيكسب المهم نمكل لعب هههههههههههههههههههههههههههههههههههههههههههههههههه هههه

[amr.elsayed]

كان فيه الكورة البروتكس ودى كانت بتتعمل يدوى ويتلف عليها خييييييط كتيييييييير وبعد كدة اضرب عليها 10 بكرات شيكرتون
كانوا بيعملوها علشان معمرة والكور الميكاسا كانت تقيلة وقوية اما الكور الكبس ببتفرقع مع اول عربية تدوس عليها
اه و احرف واحد كان لازم يلعب حافى مش عارف ليه هههههههههه كانت ايام جميلة لن تعوض