ما هو افضل بنك اجنبى فى مصر؟

[tutankhamoun]

أفضل بنك أتعاملت معاه
هو المصرف المتحد البنك المصري المتحد سابقا و هو بنك مصري و ليس أجنبي
أفضل البنوك الأجنبية أتعاملت معاهم و بأعشق ماكينات الصراف الآلي تبعهم هم ناشيونال سوسيته جنرال و أتش أس بي سي
و فيه برضه بنوك مصرية أتعاملت معاهم و كويسين
البنك العربي الأفريقي الدولي


أسوء بنوك يمكن التعامل معها
البنك الأهلي المصري فروع مصر و لندن
بنك مصر
بنك القاهرة
بنوك ............ تخليك تشد في شعرك
المشكلة في الموظفين
موظفين حكومة صرف ........... لم يتدربوا على شئ غير تطليع عين العملاء

بنك أتش أس بي سي ........ في مصر رائع
في انجلترا كان سئ جدا



بنك سوسيته جنرال كويس في مصر ........... و في فرنسا برضه



بس و دي خبرتي مع شوية بنوك

و آسف على الإطالة

[Ramy.Gamal]

أفضل بنك أتعاملت معاه
هو المصرف المتحد البنك المصري المتحد سابقا و هو بنك مصري و ليس أجنبي
أفضل البنوك الأجنبية أتعاملت معاهم و بأعشق ماكينات الصراف الآلي تبعهم هم ناشيونال سوسيته جنرال و أتش أس بي سي
و فيه برضه بنوك مصرية أتعاملت معاهم و كويسين
البنك العربي الأفريقي الدولي


أسوء بنوك يمكن التعامل معها
البنك الأهلي المصري فروع مصر و لندن
بنك مصر
بنك القاهرة
بنوك ............ تخليك تشد في شعرك
المشكلة في الموظفين
موظفين حكومة صرف ........... لم يتدربوا على شئ غير تطليع عين العملاء

بنك أتش أس بي سي ........ في مصر رائع
في انجلترا كان سئ جدا



بنك سوسيته جنرال كويس في مصر ........... و في فرنسا برضه



بس و دي خبرتي مع شوية بنوك

و آسف على الإطالة

يا باشا اسف على الاطاله ايه ..........ده احنا اللى شاكرين على التعليق الجميل ده

[aif]

لما تسأل عن احسن بنك ..... زي ما تكون بتسأل عن احسن سيارة ...
لن تجد اجابة ثابتة ....
عاوز نصيحة ... احسن بنك .... اللي لك معرفة او اصدقاء او اقارب فيه ...للأسف دي الحقيقة

[M_HaFeZ]

ياريت تشيل كل من باركليز وستى بنك
باركليز قمة فى التناحه والامبالاه
رحت لموظفه هناك بتتعامل معايا ببرود على الاخر
عايز اخلص ورقه واحتاجت منى رقم عمليه مكانتش معايا
قلتلها اتصل بيكى .. ادتنى الكارت .. اتصلت واتصلت واتصلت مالايقل عن 20 مره على مدار يومين ومردتش ..
لما رحت هناك اتصلت من الموبايل وانا قاعد لاقيتها برضوا مبتردش ..
قلتلها اتصلت بيكى زى ماقلتيلى محدش بيرد .. بصت لى ببرود وكأن عادى جدا
انا مش فاهم الناس دى بيجيبوها من انهى حمامات .. يخرب بيت الوسايط على المصالح على الكوسه

[جمال]

صعب تقول ايه احسن بنك , لان الفروع تختلف فيه فرع كويس و فرع وحش والادق موظف كويس و موظف وحش
خليها احسن فرع بنك

[mastr_n]

علشان مافتيش انا هاحكى عن تجربة
وتجربتى مع بنكين
1 - بنك مصرودة اخرة تفتح فية دفتر توفير وتسحب من الماكينة بتاعتة بس غير كدة بنك فقير فى خدماتة جدااا وخدمة عملاء فقيرة حاجة كدة حكومة من الأخر

2 - hsbc مصر فعلا بنك محترم وبتعامل معاة بقالى اكتر من 6 سنين تحويل مرتب و انترنت بنكى اكتر من ممتاز ال Atm debit خدماتها كتير وبعدين لو دخلت البنك من جوة وليك طلب بصراحة ناس محترمين
عيوبة ال poor services خارج مصر يعنى لو انت بتحولك فلوس من برة مصر علية وابتسافر كتير مانصحكش بية علشان كدة للمعاملات الخارجية انا قررت افتح حساب فى البنك الأهلى المصرى

[محمد يوسف]

hsbc بلا منازع

وبرضه فيه 3 بنوك فى القايمة دى لازم يترميوا فى الزبالة : باركليز ده أسوأ محل بقالة فى مصر ..ماسموش بنك ...وطبعا سيتى بنك شيوخ منصر ونصابين وحرامية ... وفى الأخر بنك بى ان بى باريباس بنك على قده جدا جدا وضعيف قوى

[Bassem Youssef]

nsgb

[medo_2060]

اتعاملت مع كذا بنك بس اسواء بنك مر عليا hsbc
الصراحه انا مستغرب من كلام الناس عنه يكمن العيب فيا بقى :)
انا شغال فى شركه بتحول رواتب على ديبت كارد من البنك دا ... بجد اسوء بنك اتعاملت معاه فى حياتى
الكارد ضاع منى وقعدوا شهرين عشان يجيبوا ويقلك معلش اصله راح القريه الذكيه وهنبعت نجيبه قمه الاستهتار
ولما وصل البيه مدير الفرع قالى انت شغال على الباسوورد القديم جيت اجرب منفعش اتصلت بيهم قالولى لا المفروض بعتنالك باسوورد جديد ! يعنى مدير الفرع نفسه بيدينى معلومه غلط
قعدت شهر ونص اقسم بالله على ما جاىن الباسوورد مع انهم قالوا خلال 7 ايام
والى يضحك بقى لما وصل طلع غلط !! رحتلهم قالولى معلش هنطلبك واحد تانى

دا بنك ابن @$@#%$#%

[prince91720]

البنك ينقسم قسمين:
1: خدمات وتتمثل فى عمليات الايداع والسحب والتحويل
وجوده هذه الخدمات تتوقف على مدى سلاسة وسرعة العملية المطلوبة ومقدار العمولات أو الخصومات المأخوذه عليها
ودى بتختلف من بنك للتانى كل بنك على حسب سياسته
2: موظفين وده بيتوقف على شخصية الموظف نفسه اذا كان رجل ذوق ومحترم ولّا تنك والتناكة وخداه ووخده اهله واحنا كلنا جربناهم وعارفينهم كويس

[أبو آسر]

يا جماعة معلش استفسار
أنا بتعامل مع البنك الأهلي المصري مطلع ماستر كارد وبصرف شهريا مبالغ كبيرة بحكم شغلي في التسويق الإلكتروني بس بفكر أغيره وحسب كلامكم بنك HSBC فيه شبه إجماع على إنه الأفضل نسبيا
بس في حاجتين مهمين مقدرش أستغنى عنهم بيعملهم البنك الأهلي فهل موجودين في البنك ده برده ؟
1. لما بعمل أي عملية دفع بتجيني فورا sms بالمبلغ وموقع دفع المبلغ
2. خدمة الأهلي فون بتصل ب19623 وبدخل يوزر نيم وباسورد وبيرد عليا الرد الآلي بالمبلغ المتاح والمبلغ المستحق الدفع والمبلغ المعلق ودي شغالة 24 ساعة لأنها آلي زائد إن موظفين الدعم موجودين برده 24 ساعة
فهل نفس الخدمتين دول موجودين في HSBC ؟
زائد ماكينات ATM هل متوفرة بكثافة خاصة ماكينات الإيداع ولا قليلة زي البنك الأهلي المصري ؟
آخر حاجة لو عملت إيداع لمبلغ هل ممكن يقعد لتاني يوم وأحيانا لتالت يوم على ما يتفعل في الكريديت كارد ولا بيتفعل في نفس اليوم ؟
أرجو الرد الوافي مع جزيل الشكر ولو في بنك تاني فيه المزايا دي غير HSBC ياريت برده حد يفيدني

[dede_dodo88]

يا جماعة معلش استفسار
أنا بتعامل مع البنك الأهلي المصري مطلع ماستر كارد وبصرف شهريا مبالغ كبيرة بحكم شغلي في التسويق الإلكتروني بس بفكر أغيره وحسب كلامكم بنك HSBC فيه شبه إجماع على إنه الأفضل نسبيا
بس في حاجتين مهمين مقدرش أستغنى عنهم بيعملهم البنك الأهلي فهل موجودين في البنك ده برده ؟
1. لما بعمل أي عملية دفع بتجيني فورا sms بالمبلغ وموقع دفع المبلغ
2. خدمة الأهلي فون بتصل ب19623 وبدخل يوزر نيم وباسورد وبيرد عليا الرد الآلي بالمبلغ المتاح والمبلغ المستحق الدفع والمبلغ المعلق ودي شغالة 24 ساعة لأنها آلي زائد إن موظفين الدعم موجودين برده 24 ساعة
فهل نفس الخدمتين دول موجودين في HSBC ؟
زائد ماكينات ATM هل متوفرة بكثافة خاصة ماكينات الإيداع ولا قليلة زي البنك الأهلي المصري ؟
آخر حاجة لو عملت إيداع لمبلغ هل ممكن يقعد لتاني يوم وأحيانا لتالت يوم على ما يتفعل في الكريديت كارد ولا بيتفعل في نفس اليوم ؟
أرجو الرد الوافي مع جزيل الشكر ولو في بنك تاني فيه المزايا دي غير HSBC ياريت برده حد يفيدني

كل ده موجود في HSBC بالأضافة للأنترنت البنكي ممكن تشوف الأرصدة من عليه و تحمل تحويلات و في كمان application على الموبايل للأندرويد و الأي فون تقدر تعمل من عليه الحاجات دي و أستخدامه بالنسبالي أسهل من الأنترنت البنكي..
في معمول برضه جديد phone banking تقدر تعمل من عليه أي حاجة في أي وقت بس ده أنا لسة مجربتهوش..

[أبو آسر]

كل ده موجود في hsbc بالأضافة للأنترنت البنكي ممكن تشوف الأرصدة من عليه و تحمل تحويلات و في كمان application على الموبايل للأندرويد و الأي فون تقدر تعمل من عليه الحاجات دي و أستخدامه بالنسبالي أسهل من الأنترنت البنكي..
في معمول برضه جديد phone banking تقدر تعمل من عليه أي حاجة في أي وقت بس ده أنا لسة مجربتهوش..

ممتاز
يعني تنصحني أسيب البنك الأهلي وأنقل مع البنك ده ؟

[dede_dodo88]

ممتاز
يعني تنصحني أسيب البنك الأهلي وأنقل مع البنك ده ؟

هو لو أنت بتدور على النقط اللي كاتبها فوق يبقى أكيد هتتبسط مع HSBC,
هو يمكن بس أنتشار الفروع و الـATMs هيكون أقل نسبياً من البنك الأهلي طبعاً بس فروعه برضه تعتبر كتير و الـATMs منتشرة في كل حتة و كلها فيها أمكانية الأيداع, بس خلي بالك أن مش على طول الأيداع بيبقى شغال في الماكينة, يعني ساعات الخدمة بتقف شوية بس بتشتغل تاني بعدها بحبة..

[أبو آسر]

هو لو أنت بتدور على النقط اللي كاتبها فوق يبقى أكيد هتتبسط مع hsbc,
هو يمكن بس أنتشار الفروع و الـatms هيكون أقل نسبياً من البنك الأهلي طبعاً بس فروعه برضه تعتبر كتير و الـatms منتشرة في كل حتة و كلها فيها أمكانية الأيداع, بس خلي بالك أن مش على طول الأيداع بيبقى شغال في الماكينة, يعني ساعات الخدمة بتقف شوية بس بتشتغل تاني بعدها بحبة..

أنا أهم حاجة عندي يكون في ماكينة إيداع بمدينة العبور
فهل فعلا كل الماكينات فيها إيداع ؟ ولا قصدك معظمها ؟