أزمة البنزين ..... يا فرج الله

[Dr.M_baz]

خبر من الفيسبوك:
دولة الإمارات تتعهد الأن علي قناة ابوظبي انها ارسلت بالفعل الأن سولار وبنزين ونفط ، وتقول الحكومة الإمارتيه أنه سوف يكون اسطولاً ابتداء من موانئ دبي حتي قناة السويس لشعب مصر العظيم..
عاش شعب الامارات الشقيق
عاش أحفاد الشيخ زايد

[Imhotep]

الخبر و التصريح مجازى يعبر عن عن دعمهم القادم للبلد . . . الاهم و اللى هيحصل قعلا ان شاء الله هو عودة الاستثمارات الاماراتية بقوة تانى لمصر. . . ده فى عز البهدلة اللى كان الاخوان و مهاويسهم زى عصام العريان مبهدلينهالهم كان فى استثمارات كبيرة برضه زى شراء بنك ابو ظبى لبنك بى ان بى باريبا. . . الاماراتيين فعلا ناس محترمة. . . ان شاء الله القادم افضل

[mr_green]

طب طالما هى مساعدات من شعب لشعب صديق - أخ - كانت فين طوال العام السايق ؟؟

أم هى مساعدات مشروطــة ؟؟ أم مساعدة من نظام لنظام ؟ يعنى أحب أفهم عشان الحداية مش يتحدف كتاكيت مع كامل إحترامى للشعب الإمراتى المحترم بس إحنا فى عصر المصالح و محدش بيدى حاجة ببلاش ولا هم ناوين يشتروا قناة السويس بدل قطر ؟؟

لو العطى هايرسى على الإمارات و السعودية و التورتة تتقسم مابينهم بدل قطر يارت نعرف من دلوقت

[Dr.M_baz]

نظام الإخوان عاداهم من الأول فلا تلومهم والأهم فعلا عودة الإستثمارات بقوه مثل ما قال الأخ الفاضل Imhotep

[mizomizomizo]

شحاتة تاني

شحاتة شحاتة وخضوع لدولة الامارات مصر اكبر من ان تشحت

[mr_green]

نظام الإخوان عاداهم من الأول فلا تلومهم والأهم فعلا عودة الإستثمارات بقوه مثل ما قال الأخ الفاضل imhotep

معلش ممكن حضرتك توضح عاداهم إذاى و فين الدليل جايز أنا ناسى أو معداش عليا الموضوع ده !!

[Imhotep]

التصريح ده فى التوقيت ده موجه للبلد و للمصريين. . . يعنى ايه. . . يعنى لسه النظام القادم و الرئيس القادم لم يتم تحديد ملامحهم بعد. . . و بالتالى الاماراتيين بيراهنوا على البلد و ناسها مش على نظام معين زى القطريين مثلا اللى كان رهانهم على نظام الاخوان فى استنزاف مصر . . . الدنيا مصالح صحيح و هم هيكسبوا برضه طبعا ده حقيقى بس احنا مكسبنا اكبر فى شكل فرص عمل و ضرايب و عودة مصر بلد جاذبة للاستثمارات الكبيرة. . . الاخوان فى الحقيقة بغباء سياسى منقطع النظير مسابوش حد الا لما كسبوا عداوته. . . فمحدش يلوم ناس طول عمرنا علاقتنا بيهم جيدة فيما عدا السنة الماضية. . . لا نلومهم على فرحتهم و رغبتهم فى عودة العلاقة الجيدة السابقة مع مصر

[horas3000]

اما بالنسبه لقطر
و الله اعلم بمدي صحه الخبر

http://www1.youm7.com/News.asp?NewsID=1148297&SecID=12

[Dr.M_baz]

معلش ممكن حضرتك توضح عاداهم إذاى و فين الدليل جايز أنا ناسى أو معداش عليا الموضوع ده !!

تصريحات العريان والشتيمه فيهم وتهميش العلاقه معهم ومحاولات التواصل مع ايران وهي من ألد أعدائهم .......أعتقد ده كفايه
مصر طول عمرها علاقاتها ممتازه مع الوطن العربي
وبعدين أنتو حولتوا الموضوع لسياسه ليه أنا كتبت الموضوع عشان يبقى خبر يفرح عن قرب انتهاء المعاناه مع البنزين.
الغرض من الموضوع الفرحه وليس النقاش السياسي.

[Egyzizo]

معلش ممكن حضرتك توضح عاداهم إذاى و فين الدليل جايز أنا ناسى أو معداش عليا الموضوع ده !!

واضح انك مش متابع فعلاً.

الإمارات: الإخوان سعوا للاستيلاء على الحكم بمساعدة خارجية

"وقالت النيابة إن "هذه الجماعة الإجرامية تجاوزت خطواتها كل حدود الولاء لولي الأمر، وعملت أعمالاً يندى لها جبين كل إماراتي وأخطرها الفتنة، تنخر كالسوس وتصل للنخاع.. غرض وجود هذه الجماعة تقويض دعائم الدولة والشروع بالاستيلاء على الحكم، وتشكيل خلايا سرطانية بين خلايا الجسد.. أما خطابهم فحق يراد به باطل، وهو يقوم على دس السم في العسل، في الوقت الذي تتلاشى عندهم فكرة الانتماء للوطن.. وبالتالي فلا ولاء للوطن وإنما للجماعة، وكأنما الدين مقتصر على جماعتهم". - See more at: الإمارات: الإخوان سعوا للاستيلاء على الحكم بمساعدة خارجية

[zangry]

[quote=horas3000;3875080595]اما بالنسبه لقطر
و الله اعلم بمدي صحه الخبر

[url=http://www1.youm7.com/news.asp?newsid=1148297&secid=12]

[Imhotep]

لحسن الحظ ان التغيير اللى حصل عندنا تواكب مع تغيير كبير كمان فى قطر. . . و لحسن الحظ ايضا ان التغييرين تقريبا متزامنين مع بعض. . . لان النظام القديم فى قطر كان معروف دعمه للنظام القديم عندنا. . . و بالتالى الفرصة موجودة لامير قطر الجديد انه يبدأ صفحة جديدة مع مصر بعيدا عن ظل نظام والده. . . و لو صحت الاخبار اللى كانت بتتسرب عن توجهات الامير القطرى الجديد و كونه لم يكن داعما لنظام الاخوان كوالده فده بيصب فى صالح عودة العلاقات الطبيعية مع قطر. . . كدولة مصر مفتوحة امامها للاستثمار فى مصر زيها زى غيرها من الدول بدون تفضيل لها او استئثار بفرص لا تتاح لغيرها و بدون استنزاف او املاء شروط مجحفة على مصر

[Imhotep]

الخبر اتأكد مش بس التصريح بتاع الخارجية القطرية. . . لكن كمان ان امير قطر بعت برقية تهنئة للرئيس المصرى الجديد. . . كده يبقى كل اللى كتبته فى تعليقى اللى فات كان صحيح و هترجع علاقة مصر بقطر لوضعها و حجمها الطبيعى

http://www.youm7.com/News.asp?NewsID=1148406

[mr_green]

واضح انك مش متابع فعلاً.

الإمارات: الإخوان سعوا للاستيلاء على الحكم بمساعدة خارجية

"وقالت النيابة إن "هذه الجماعة الإجرامية تجاوزت خطواتها كل حدود الولاء لولي الأمر، وعملت أعمالاً يندى لها جبين كل إماراتي وأخطرها الفتنة، تنخر كالسوس وتصل للنخاع.. غرض وجود هذه الجماعة تقويض دعائم الدولة والشروع بالاستيلاء على الحكم، وتشكيل خلايا سرطانية بين خلايا الجسد.. أما خطابهم فحق يراد به باطل، وهو يقوم على دس السم في العسل، في الوقت الذي تتلاشى عندهم فكرة الانتماء للوطن.. وبالتالي فلا ولاء للوطن وإنما للجماعة، وكأنما الدين مقتصر على جماعتهم". - see more at: الإمارات: الإخوان سعوا للاستيلاء على الحكم بمساعدة خارجية

معلش لو أنا مش متابع جيد أعذرنى و منكم نستفيد يا فندم

لكن هل أنت مقتنع بمحتوى الخبر إللى إنت نقلته !!

معلش أصلى أنا عشت فى الإمارات فترة و شوفت بعينى البلد ماشية إذاى و مش مقتنع إن ينفع يتعمل قلب لنظام الحكم من خارج العائلة الحاكمة نهائى و البلد هناك المواطن عايش فى راحة تامة و لا يسعى لأى مشاكل ولا وجع قلب ولا سياسة و القبضة الأمنية من رقابة على إتصالات و غيرة قوية جدا و الناس كلها عارفه الكلام ده و لا يمكن تحت أى ظرف من الظروف إن أى حد مش مواطن يعمل إنقلاب عشان دى واسعة أوى و أى حد هناك فاهم الكلام ده :)

الموضوع و ما فيه إن فيه فلوس كثير كادت أن تسحب من بنوك دبى و مصالح فى مصر كثير إبتدت تعطل مش أكثر ده غير الكلام على موضوع محور قناة السويس يعنى الموضوع و ما فيه إن فيه فلوس و مصالح و مكسب و خسارة

ياريت ماتنساش إن الإمارات كانت عارضة على حسنى اللجؤ عندها !! يعنى مش موضوع إخوان و غير إخوان

و ياريت تفكر فيها براحة و إفصل مشاعرك عن تفكيرك و صدقنى هاتوصل للنتيجة إللى فوق دى :)

قبل ما تقولى أصلك إخوان أنا من حزب الكنبة يعنى لا نزلت فى يناير ولا فبراير و لا يونيو ولا غيرة لا تحرير ولا رابعة ولا عباسية ولا إتحادية :)

[SaSa.FireBlade]

بلعربى بيجروا ناعم معانا