مساعدة في كاميرا ip لباب الشقة

[MRBEBO]

محتاج كاميرا ip لباب الشقة



انا محتاجها ip علشان ممكن من خلال الموبيل او الكمبيوتر اتابع بدل ما تكون شاشة واحدة

فممكن تقولولي اسعار وكده وهل ممكن اشوفها من الموبيل او الكمبيوتر وكمان التلفزيون العادي ؟؟؟؟؟؟؟؟

انا شفت انتركم بناسونيك كويس



بس المشكلة انه شاشته صغيرة ومش هقدر اتابع من اي حته

[Salamonti]

كاميرات الآيبي فيه منها أنواع وأشكال مختلفة
ومنها الوايرلس والعادي ابو سلك
الوايرلس اعتماديته أقل وسهل أوي إشارته تقع من الراوتر حسب ظروف التشويش مثلا
ام سلك دي هي أحسن اختيار
حاول تجيب ماركة مضمونة زي D-Link
متوفرة في مولات الكمبيوتر في المحلات الكبيرة زي شرق آسيا
وممكن كمان تلاقيها في راديو شاك أو كمبيوتر شوب

السعر معرفش كام بالظبط لكن لو عامل ميزانية في حدود 1000 جنيه هايجيبولك حاجة محترمة أوي

الدي لينك بييجي معاها ابليكيشن للموبايل وللكمبيوتر
ولو جبت ماركة تانية ماعهاش برنامج فسهل أوي تشتري أي برنامج كاميرات مراقبة من ماركت الاندرويد أو الأبل ستور
البرنامج في حدود 4 ولا 5 دولار يعني مش جاي حاجة في سعر الكاميرا..

وللأسف ماينفعش تشوفها من خلال التلفزيون العادي لأن مافيهاش مخارج أوديو وفيديو

هي كل التوصيلات بتاعتها عبارة عن كابل باور وكابل لان
أو كابل باور بس لو هاتجيبها وايرلس..