مساعده في كاميرا لاب توب ايسر

[bmya]

السلام عليكم
كل سنه وانتم طيبين جمييعا بمناسبه رشهر رمضان المبارك وربنا يجعله سعيد علينا يارب

اخوكم معاه لابتو ايسر 5738g
بقالي فتره مبشغلش الكاميرا بس هي كانت معرفه يعني اخر مره شغلتها كانت مش شهر تقريبا
المهم امباره جيت بشغلها على الياهو وانا بكلم ناس قرايبي بره مصر لقيت الياهو بيقولي مفيش كاميرا متوصله !! قلت جاير الياهو مهرتل جيت بشغلها من البرنامج بتاعها من اللاب نفسه لقيته بيقولي نفس الكلام !!
دخلت في ال device manager لقيت الكاميرا بتاعت ايسر مش موجوده ولقيت مكانها في الimaging devices حاجه اسمها usb camera حاولت اعرفها من تاني كل ماجي اعمل سيت اب للبرنامج بتاعها يقولي acer camera not connected
قلت جايز الوندوز مهرتل روحت منزل نسخه جديده وبرده لقيت نفس الحوار بالظبط المشكله انه الوندوز بينزل على طول بال usb camera ده ودي حاجه جديده عمرها ماحصلت ايه الحل بقه وياترى الكاميرا باظت كده ولا ده سوفت وير مش اكتر

[TOSHIBA2013]

ادخل على device manager بعدين اعمل ابديت دريفر سيرش اونلاين واكيد حتتعرف لوحدها

لو متعرفتش خش على موقع ايسر وهات التعريف

[bmya]

ياباشا منا عندي التعريف انا الجهاز معايا بقاله تقريبا 4 سنين وعلى طل بعرفها لكن المشكله دي اول مره تظهر مش عارف في ايه حصل
وبعدين هي لمششكله انه بيقولي انه مفيش كاميرا متوصله مع ان الكاميرا اصلا built in وهو قاري ان في كامير usb مش عارف جابها منين حتى لما نزلت وندور جديد برده من غير معرف حاجه لقيت الكايرا اليوسبي دي موجوده لوحدها كده

[TOSHIBA2013]

طيب جرب كده برنامج اسمه webcam max البرنامج ده حتى لو مفيش تعريف بيجبها ويشغلها

وحتلاقيه كامل موقع ماي ايجي جرب لو شغلها وكله تمام رجب كده على الماسنجر وشوف

لو البرنامج مشغلهاش يبقى احتمال ان الكاميرا شكلها بخ d:

[bmya]

الكامير بخ لا ياعم متفولش الله يكرمك هجرب البرنامج كده وربنا يسترها شكرا ياباشا

[TOSHIBA2013]

ان شاء الله تكون سليمه بس قولنا عملت ايه

[bmya]

طيب انا نزلت البرنامج بس نسخه trial جايبلي صوره سوده فقط هل ده عشان تريال ولا ايه النظام مع العلم انه قبل مفتح البرنامج بيقولي انه عاوز يسطبفلاش بلاير وانا بكنسله هل ده له علاقه بحاجه ولا كده الكاميرا فلسعت :(

[TOSHIBA2013]

طيب انا نزلت البرنامج بس نسخه trial جايبلي صوره سوده فقط هل ده عشان تريال ولا ايه النظام مع العلم انه قبل مفتح البرنامج بيقولي انه عاوز يسطبفلاش بلاير وانا بكنسله هل ده له علاقه بحاجه ولا كده الكاميرا فلسعت :(

ملوش علاقه تريال ولا نسخه كامله كده كده بيفتح عادي وحتلاقيها على الموقع الي قلتلك عليه كامل

بس

قبل ما احكم خليه يعمل setup للفلاش بلاير ممكن يكون من كده فعلا لو عمل وجربت تاني ومفتحش

يبقى اقولهالك بكل اسف الكاميرا بخ هههههههههههههههه

لان البرنامج ده بيقفش الكاميرا الخربانه على طول وعن تجربه

[bmya]

طيب هو بيقولي لو بايظه انها بايظه يعني ولا ايه الظروف

[bmya]

نزلت الفلاش وبرده مش شغاله جايبلي صوره
سوده وبسسس
طيب الكاميرا دي بتتصلح ولا بتغير وسعرها كام تقريبا وبعدين هو ايه اللي يبوظها انا مبستعملهاش كتيراصلا وباظت فجأه ده
طيب هي الشاشه بتتفك ازاي جايز تكن مهوزه مثلا ممكن افتح الشاشه واشوفكده الكاميرا ولا اودها لحدولا ايه :(

[TOSHIBA2013]

Acer Aspire and Extensa 5235, 5738, 5739, 5740, 5741, 5742 Laptop Screen Removal and Replacement - YouTube

[TOSHIBA2013]

استنى متفكش........

[TOSHIBA2013]

جرب الخطوات ديه لان ديه طلعت مشكله في الايسر بشكل عام

Go to Start then type Device manager. go head to see Imaging devices. if it has a yellow exclamation mark you will need to go to Acer website then download a driver for your webcam.

ده الدريفر

Download Acer Aspire 5738 Notebook Chicony Camera Driver 1.1.74.216 for Win7 for Windows 7

لو منفعش يبقى عوضك على الله واظن هيا بتتبدل بس بكام معرفش بس مش حتعدي 100 جنيه

وغالبا مش شرط يجبلك كاميرا من لاب ايسر ممكن اي كاميرا نفس الموديل تنفع

[bmya]

تسلم ياباشا للاسف هي معلهاش علامه صفره لان هي مش مقريه اصلا انا نفسي اعرف بس اللي usb camera اللي موجوده دي جت منين مش عارف
عموما انا هجرب افتح كده واشيل الوش واشوف الكاميرا جايزتشتغل

[bmya]

انا فتحت اللاب وشوفت الكاميرا مش باين انفيها حجه وفيكت الفيشه بتاعتها وركبتها تاني وبرده مشتغلتش كده مفيش أمل خلاص !