رأيكم فى الاكاديمية البحرية

[egyboy]

ألسلام عليكم

كنت عايز اعرف رأيكم فى الاكاديمية البحرية اللى فى هليوبليس

كمستوى تعليم وكمستوى تعامل وهل معتمدة بره مصر ولا ايه ؟؟

كنت عايز احضر فيها دبلومة وبفاضل بينها وما بين معهد الدراسات والبحوث الاحصائية

طبعا سعر المعهد ارخص بكثير لكن الواحد كده كده هيضيع سنتين يعنى وقت كبير

فابالتالى يستغل الوقت ويدفع اكثر فى الاكاديمية

حتى لو حضرت ماجستير بعد الدبلومة فى الاكاديمية هيبقى ماجستير قوووى

لكن ماجستير معهد الاحصاء معتقدش هيبقى قوى

أنتوا ايه رايكم ؟؟ للناس اللى تسمع عن الاكاديمية او جربتها

[eng_7amed]

انا بحضر فيها ماجيستير هندسة ميكاترونكس
و حاجه محترمه جدا دا غير انها معترف بيها في امريكا هي و الجامعه الامريكية فقط

[Ahmed_Ramadan]

متابع و عاوز أعرف مصاريف الدبلومة و الماجستير فى الأكاديمية

[reda elgohary]

أنا أسمع عن الآكاديمية اللى فى أبو قير فى أليكس .

[Amr_tika88]

انا بحضر ماجستير في ادارة الاعمال فيها في مجال النقل الدولي واللوجستيك واي سوال انا تحت امرك

[sayed911]

وانا لسة متخرج منها بشهادة البكالريوس وعايز اقولك تحت امرك في اي سؤال

[Ahmed_Ramadan]

عاوز أعرف مصاريف الدبلومة و الماجستير فى الأكاديمية

[egyboy]

انا بحضر فيها ماجيستير هندسة ميكاترونكس
و حاجه محترمه جدا دا غير انها معترف بيها في امريكا هي و الجامعه الامريكية فقط

جزاك الله خيرا لردك
وان شاء الله تحصل على الدكتوراة كمان
بس حضرتك متأكد من موضوع الاعتماد ده ؟؟انا سئلت لما اتصلت بيهم قالولى منعرفش اذا كان ينفع احضر ماجستير بره ولا لأ
يعنى انا بعد ما اخلص الدبلومة فى الاكاديمية هل الدبلومة دى معتمدة بره بحيث لو حبيت احضر ماجستير بره مصر هتكون معتمدة ؟؟
كمان عايز اعرف مستوى الدكاترة والشرح ..هل العملية مجرد بيزنس نظرا لان المبالغ كبيرة فى المصاريف ولا فعلا الدكاترة بتشرح صح وهستفيد من الدبلومة والماجستير من عندهم ؟؟

متابع و عاوز أعرف مصاريف الدبلومة و الماجستير فى الأكاديمية

المادة 750 جنيه وهم 16 مادة على سنتين 4 ترمات وممكن تدفع ترم ترم ..ومعرفش لو فيه مصاريف كتب ولا الاسعار دى شاملة الكتب :)

وعندك كمان معهد الدراسات والبحوث الاحصائية تابع لجامعة القاهرة
الاسعار على ما اعتقد 750 فى السنة وهم سنتين يعنى اسعار رخيصة جداااا
والتقديم شغال حاليا لانك بتقدم فى امتحان رياضيات وامتحان c++
ولو نجحت فيهم بتتقبل فى الدبلومة :)

أنا أسمع عن الآكاديمية اللى فى أبو قير فى أليكس .

هى فعلا يا فندم ..وانا بتكلم عن فروعها فى القاهرة

انا بحضر ماجستير في ادارة الاعمال فيها في مجال النقل الدولي واللوجستيك واي سوال انا تحت امرك

وانا لسة متخرج منها بشهادة البكالريوس وعايز اقولك تحت امرك في اي سؤال

الامر لله ..ربنا يكرمكم يارب والله انتوا ناس زى العسل :)
برضه موضوع انها معتمدة وانى ينفع احضر ماجستير بره مصر بالدبلومة من الاكاديمية ؟؟
وكمان مستوى الشرح والتعليم ؟؟ خصوصا انى بشتغل ولو الدبلومة والماجستير هيضيعوا الوقت ..الواحد يركز فى شهادات مهنية افضل ؟؟ خصوصا كمان معهد الاحصاء فى جامعة القاهرة ارخص بكثير بس انا قلقان منه والاكاديمية حاسس هتبقى ارقى وقيمة اعلى علميا ...رأيكم ايه
وربنا يوفقكم

[eng_7amed]

الاعتماد ده بالنسبة للهندسة معرفش باقي الكليات ايه بس حضرتك ممكن تسال رئيس قسم الدراسات العليا في الجامعه تقريبا اسمه دكتور اسامه و مكتبه في مبنى ب كلية هندسة
و متاكد منه هو اسمه الابت و الكليه عملت احتفاليه بمناسبة الحصول عليه
المستوى محترم جدا كلهم داكاتره من عيش شمس و الفنية العسكرية و واخدين ماجيستير و دكتوراه من بره و حسيت ان 5 سنين من عمري في التعليم الحكومي راحت هدر

[احمد المصرى]

معلش انا اسف لو كنت هسال سؤال بعد اذن صاحب الموضوع


انا خريج تجاره وحاليا شغال محاسب تكاليف هل فيها قسم كورسات للمحاسبين ولو حد يعرف اى معلومه اكون شاكر جدا

[egyboy]

الاعتماد ده بالنسبة للهندسة معرفش باقي الكليات ايه بس حضرتك ممكن تسال رئيس قسم الدراسات العليا في الجامعه تقريبا اسمه دكتور اسامه و مكتبه في مبنى ب كلية هندسة
و متاكد منه هو اسمه الابت و الكليه عملت احتفاليه بمناسبة الحصول عليه
المستوى محترم جدا كلهم داكاتره من عيش شمس و الفنية العسكرية و واخدين ماجيستير و دكتوراه من بره و حسيت ان 5 سنين من عمري في التعليم الحكومي راحت هدر

ربنا يكرمك يارب ...طمنت قلبى وخليتنى اتحمس :)
وانا هروحلهم فى اول 8 ولا حاجة علشان احجز واظبط الدنيا
ويارب الاقى اعتمادية من بره وحتى لو مفيش الماجستير عندهم برضه ممتاز
ربنا يوفقك :)

معلش انا اسف لو كنت هسال سؤال بعد اذن صاحب الموضوع
انا خريج تجاره وحاليا شغال محاسب تكاليف هل فيها قسم كورسات للمحاسبين ولو حد يعرف اى معلومه اكون شاكر جدا

احمد باشا ..هتقطع عليا فى الموضوع ولا ايه :)
احبك فى الله والله:)

بص اللى انا اعرفه ان مفيش كورسات فى الاكاديمية غير تقريبا كان كورس مستر فيليب فى cma
وكمان كان فى فرع اسكندرية وليس القاهرة

الباقى عندهم دبلومات وماستر بس على حسب علمى ويمكن حد يفيدك احسن برضه

ودى صفحات الاكاديمية ممكن تشوفها وبرضه اتصل بيهم

Arab Academy for Science, Technology & Maritime Transport

عمادة القبول والتسجيل

وفكر فى ماجستير او دبلومة (على حسب تقديرك) فى المحاسبة هتبقى كويسة برضه
مع الكورسات
واعتقد جامعة القاهرة هتبقى فى شهر 8 باب التقديم

ربنا يكرمك يارب ويوفقك

[egyboy]

طيب سؤال يا رجالة هل فى مترو يوصلنى للاكاديمية او حتى قريب منها واكمل مواصلات ؟؟

ولو هركب من التحرير هركب ايه يوصلنى الاكاديمية ؟؟

انا عايز اعرف اقرب مترو وكمان المواصلات

[eshoo]

يا جماعه طيب ايه رأيكوا فى جامعة اسلسكا الفرنسيه انا اعرف انها معتمده من وزارة التعليم العالي فى فرنسا والمجلس الاعلى للجامعات هنا فى مصر

[egyboy]

معتقدش عندهم دبلومات دى
هم عندهم ماسترز زى mba وكده

[moody_687]

هو ممكن واحد معاه ماجستير ف القانون انه يعمل دكتوراه ف القانون ف الاكاديمية البحرية للعلوم والتكنولوجيا