قويسنا-شبين-باجور-منوف- وجوجل نافيجتور والمطبات مع كريم منير :-)

[svneleven]

أولا البقاء لله.
ثانبا علي الرغم من الكلام اللي علي المنوفية و ناسها لكن و الله أنا شوفت منهم ناس جدعان و طيبين ما شوفتهومش في مكان تاني.
ثانيا فيه مشاوير ما ينفعش تروحها بعربيتك تماما. أنا في الحالات ديه بأجر عربية عالية و بتاعة بهدلة.

[wildwest100]

مرحبا بك على طريق مصر المنوفية الزراعى انا بقال 7 سنين بسافر فى الطريق دا يوميا لا تقولى دائرى ولا غيروا دا شهرته طريق الموت

[Karim_Monir]

الدوام لله والله يسلمكم
انا كنت متفق مع زميلنا حازم اللي بياجر عربيتة وبعدين الجماعه رجعو في كلتمهم فلغيت معاه ورجعنا غيرنا الخطة فطلعت بيها
بس بجد حاجة صعبة قوي
ورجلي تقريبا جالها تنميل بسبب الدبرياج لان 4 ساعات بشيل رجلي من على الدبرياج قليل :-(
الحمد لله
وبجد الله يكون في عونكم

[nicegypt]

البقاء لله وادعوا الله ان يسكنة فسيح جناتة وان يشفي المصابين والحمد لله انها جت على قد كدة
محمد مصطفي من الناس فعلا اللى ترفع لهم القبعة وتديها لة وتمشى ههههههههههه
محمد من رجال منوف اللى فعلا يشرف قريتهم .. جدع طول عمرة " حضر لي الشيك يا محمد ومتتأخرش لغير كلامي "
اللى مستغرب لة ف القصة دى .. جالك قلب ازاي تنزل بعربيتك !! انت كنت شفت صديق ولا اخدت قطر
او تاكسي كاب أريح لك وافضل لك !! .. حمدلله على سلامة رجوعك

[ZOoOoMA]

طلعت فوق والاربع عجلات اتعلقو في الهوا
هههههههههههههه حمد الله على السلامه يا استاذ كريم

[waelfarid]

البقاء لله
حمدا لله علي السلامة
مبروك الخبرات الجديدة
ابتسم انت في ج م ع

[amado ibrahim]

اكتر حاجة ضايقتني اني كان بيني المسافة دي بس بيني وبين الصحراوي
ولما جيت اروح صحراوي عن طريق الخطاطبة قالولي قبل الصحراوي في اهالي قرية قاطعين الطريق عشان 3 ماتو لف وارجع تاني :-(

قصدك طريق منوف - البرجات - كفر داود - السادات

لان الخطاطبة ابعد من المكان ده بحوالى 14 كيلو

[أبو إياد]

حمد الله على السلامه يا بطل والبقاء لله
انا تقريبا باعمل المشوار ده مره كل شهر غير حالات الوفاه المفاجاءه زى كده بس المقابر بتاعتنا فى دهاليز الشرقيه جوا وعلشان موضوع المطبات ده بصراحه لازم اكون رايح بعربيه متاجره اريح بكتير واوفر

[mohammedabdallh]

حمدلله على سلامة رجوعك
واحب افكرك ان الطرق الى مشيت فيها دى تعتبر افضل الطرق
بالنسبه للمنوفيه
شوفت الحته بتاعه من منوف الى مدخل زاويه رزين
محمد سمير مشى فيها مره برده كره نفسه
وانا معملتش حاجه غير اقل اقل واجب اقدمهولك

حسين يا حبيى الشيك وصل صرفته ولا لا

[Ahmed Nasser]

حمدلله على السلامة ياكبير

[7yatna]

اولا البقاء لله يا كريم

ثانيا انا كريم اللى كنت بتكلم معاك اول امبارح على الموبايل بخصوص موضوع الزيت ارجو انك تكون عرفتنى

ثالثا بقه انت فكرتنى بالمعاناه دى ليه تانى ؟؟

انا امبارح كنت فى نفس ذات الموقف يمكن اصعب

كان عندى مشوار عائلى لمدينه المحله الكبرى العريقه

مشوار عادى بس المحله مش عايز اقولك دخله المحله مطبات وزفت وحاجات كده تلال وهضاب

بس على الاقل اسفلت والدنيا عمار شويه كل ده مش مشكله

بعد ما قضينا مشوارنا انا جاي زراعى طنطا المحله وانا من بنها اساسا

وانا راجع لقيت خالتى الموقره قالتلى تاخد بنت خالتك وحوزها فى طريقك توصلهم

قلت مفيش مشكله

بس بالراحه يا كيمو بنت خالتك حامل :) البس بقه

اولا احنا ماشيين الساعه 11 ونص باليل

المشكله فى ان هما فى اجا الدقهليه

يعنى هاخد طريق المحله - سمنود - طريق المنصوره - اجا - واكمل على بنها من طريق المنصوره ميت غمر

اجارك الله الطريق من المحله لاجا ماشى 20 او 30 بسبب التكسير والنقر وخايف اكل مطب كده كده ولا حاجة

تانى حاجة انا راكب بى ام دبليو e30 عليها 17 وعفشه بلشتاين راكبه من شهرين هغيرها

المصيبه السودا ان من اجا مطلعوش فى اجا المدينه طلعو فى حته تانيه حوالى 6 كيلو فى الارياف ضلمه كحل والتكاتك والربع نقل و النقل جايين فى وشك مبيسموش

ومش عارف الطريق وحاجة فله

وصلتهم وانا راجع من نفس الطريق عشان اطلع على طريق المنصورة تانى

مش مسمى انا على حد النور كله منوره وماشى 120 اخد مطبات هوا اخد اى بتنجان مليش دعوه

وفى الاخر المحصله ان العربيه اتحكت بالهبل من بطن العربيه

كلت مطب على سرعه 70 ولا حاجة وانا راجع

بس وصلنا سالمبن غانمين البيت

الحمد لله اوعى حد يكررها تانى

[Gelgel2004]

الف حمد على السلامة و ان شاء الله تكون اخر الاحزان

[Karim_Monir]

الله يسلمكم وفعلا الطرق صعبة قوي هناك