Tweet
يوم السبت اللي هو بعد بكرة ان شاء الله فريق زدني هايعمل حفلته السنوية بتاعة ختام النشاط و اللي السنة دي اسمها لخابيط. حفلة السنة اللي فاتت اللي كانت بإسم حارتنا كانت أكتر من رائعة و كل اللي راحوا كلوا و شربوا و اتفرجوا على مسرحية و فيلم قصير و انبسطوا على الآآآآآآآآآخر و كان يوم صعب يتنسي 
غير الأكل و الشرب و خلافه، اليوم ده بيعتبر أكبر تجمع سنوي للجمعيات الخيرية في مكان واحد، كل جمعية بيكون ليها ركن خاص بيها يعلن أعضائها عن أنشطتهم و اللي عاي يسجل عضوية في أي جمعية بيسجل هناك و يتعرف عليهم.
المميز اوي في حفلات زدني السنوية هو انها بتبقى مجهود خالص من شباب و بنات زدني، كله ماعدا المسرحية و الفيلم بيبقوا من مجهود شباب زدني فقط دون بناتها. طبعا طول الإسبوع اللي قبل الحفلة ده بنهلك شغل و يوم الحفلة نفسه بنتطحن في التحضير لليوم في مقر زدني و في مكان الحفلة، بس فرحة النجاح بتطغى على كل تعب و بنحس اننا طايرين في الهوا طير من السعادة - بجد الاحساس ده على فكرة مش مبالغة
نفسي تشرفونا في حفلة زدني السنة دي. معلش انا اتأخرت في الإعلان عنها بس فعلا النهاردة أول يوم أرجع على بيتنا على طول من الشغل من غير ما أروح مشاوير.. فيادوب قدرت أقعد قدام الكمبيوتر و أجمع أفكاري عشان اكتب الكلمتين دول.
يا ريت فعلا تقدروا تيجوا الحفلة. هي في حديقة الأزهر. من الساعة 4 للساعة 6 هاتكون فترة حرة للأكل والشرب و الانبساط و التعرف على الجمعيات الخيرية و التنموية و انتظار مفاجآت زدني. من الساعة 6 للساعة 9 ان شاء الله هاتكون الفقرات الخاصة بزدني. اما عن موضوع الحفلة و هو "لخابيط" فأنا نفسي بالرغم من إني عضوة في زدني إلا اني ماعنديش اي فكرة عن ايه اللي هايكون في الحفلة فيه لخابيط، يعني الموضوع مفاجأة لية انا كمان و لكتير من أعضاء فريق زدني :)
اللي عايز يشرفنا في الحفلة ممكن يحجز تذكرته من مقر زدني في جمعية رابعة العدوية، مبنى لجنة الزكاه، الدور التالت، ميدان رابعة العدوية، مدينة نصر. لأي استفسار ممكن تتصلوا على 0114435111 و اللي مش هايقدر يروح مدينة نصر ممكن يروح الأزهربارك على معاد الحفلة على طول و يشتري تذكرة من هناك.
يا ريت فعلا أشوف عدد من أعضاء نايل موتورز هناك
غير الأكل و الشرب و خلافه، اليوم ده بيعتبر أكبر تجمع سنوي للجمعيات الخيرية في مكان واحد، كل جمعية بيكون ليها ركن خاص بيها يعلن أعضائها عن أنشطتهم و اللي عاي يسجل عضوية في أي جمعية بيسجل هناك و يتعرف عليهم.
المميز اوي في حفلات زدني السنوية هو انها بتبقى مجهود خالص من شباب و بنات زدني، كله ماعدا المسرحية و الفيلم بيبقوا من مجهود شباب زدني فقط دون بناتها. طبعا طول الإسبوع اللي قبل الحفلة ده بنهلك شغل و يوم الحفلة نفسه بنتطحن في التحضير لليوم في مقر زدني و في مكان الحفلة، بس فرحة النجاح بتطغى على كل تعب و بنحس اننا طايرين في الهوا طير من السعادة - بجد الاحساس ده على فكرة مش مبالغة
نفسي تشرفونا في حفلة زدني السنة دي. معلش انا اتأخرت في الإعلان عنها بس فعلا النهاردة أول يوم أرجع على بيتنا على طول من الشغل من غير ما أروح مشاوير.. فيادوب قدرت أقعد قدام الكمبيوتر و أجمع أفكاري عشان اكتب الكلمتين دول.
يا ريت فعلا تقدروا تيجوا الحفلة. هي في حديقة الأزهر. من الساعة 4 للساعة 6 هاتكون فترة حرة للأكل والشرب و الانبساط و التعرف على الجمعيات الخيرية و التنموية و انتظار مفاجآت زدني. من الساعة 6 للساعة 9 ان شاء الله هاتكون الفقرات الخاصة بزدني. اما عن موضوع الحفلة و هو "لخابيط" فأنا نفسي بالرغم من إني عضوة في زدني إلا اني ماعنديش اي فكرة عن ايه اللي هايكون في الحفلة فيه لخابيط، يعني الموضوع مفاجأة لية انا كمان و لكتير من أعضاء فريق زدني :)
اللي عايز يشرفنا في الحفلة ممكن يحجز تذكرته من مقر زدني في جمعية رابعة العدوية، مبنى لجنة الزكاه، الدور التالت، ميدان رابعة العدوية، مدينة نصر. لأي استفسار ممكن تتصلوا على 0114435111 و اللي مش هايقدر يروح مدينة نصر ممكن يروح الأزهربارك على معاد الحفلة على طول و يشتري تذكرة من هناك.
يا ريت فعلا أشوف عدد من أعضاء نايل موتورز هناك
Comment