<<<اصحى يا نااااااااااااايم ... صحِّ النَوم >>>

[Khaled Seif]

[mark=#55ff00]<><><><><><><><><><><>[/mark]

[mark=#ffff00]بسم الله والحمد لله والصلاة والسلام على رسول الله[/mark]

السلام عليكم ورحمة الله وبركاته

الإخوة والأخوات الأفاضل , كل عام وحضراتكم بخير

[mark=#55ff00]<<< اصحى يا نااااااااااااايم ... صحِّ النَوم >>> [/mark]

[mark=#55ff00]<><><><><><><><><><><>[/mark]

- كل سنة يبدأ رمضان .. و تقول هختم القرآن 10 مرات ، و في النهاية تنتهي بختمة واحدة أو ممكن متكملش ختمة حتى !!

وتقول هصلي التراويح كاملة بجزء و جزئين و إحتمال أكمّل الصلاة مع نفسي في البيت و برضه تكسل وممكن متكملش ركعتين في التروايح !!

تقول لا يمكن عيني تلمح فيلم ولا مسلسل و برضه تضعف وتقع في المعاصي !!!

تقول أنا هكون أحسن واحد وهصلي كل الفروض صف أول جماعة أولى في المسجد و بعدها تفرط في المطالب دي .. !!

تقول رمضان ده هيكون بداية إلتزامي ، ولكن للأسف أول ما رمضان يخلص تنسى كل ده ..!!

وتندم بعد رمضان لما تلاقي فلان و فلان ختموا كام ختمة وصلوا التراويح بجزئين وتصدقوا وعملوا كل الخيرات ، وإنت كنت موجود معاهم بس سبقوك !

مع إن مفيش فرق كبير بينك وبينهم ..!!!

كام مرة عدى عليك رمضان و قولت :" لن أدركت رمضان المًُقبل ليَرَيَنَّ الله ما أفعل "

ويعدّي رمضان ومتعملش أي حاجة !!

ليه بيحصل كده ؟؟؟؟

علشان إحنا مستعديناش صح ..علشان إحنا مش متعودين على حاجات كتير من العبادات دي ،

ماينفعش نيجي مرة واحدة في رمضان ونقول إحنا عايزين نعمل كل حاجة ، ولما نلاقي نفسنا ماعملناش ،

غصب عننا يجلنا إحباط ونقول هو إحنا كده !! ومفيش فينا أمل ومش نافعين !!!

[mark=#55ff00]<><><><><><><><><><><>[/mark]

- [mark=#fff200]هتصوم ؟؟ ولاّ زي كل سنة ؟؟؟![/mark]

لو سألتك : إنت هتصوم ؟؟ ولاّ زي كل سنة ؟!هتبتسم وتقول : قديمة ..هصوم زي كل سنة ..

هقولك : لأ يا حبيب قلبي إحنا مش عايزين نصوم زي كل سنة ..!!

هتقولي : إزاي يعني الكلام ده ؟؟؟ هقولك : بص يا حبيب قلبي .. في ناس كتير مش عارفة معنى الصيام ..!! يمكن ناس كتير عايشة

بقالها 30 و40 و50 سنة ، ناس بقالها سنيييييين بتصوم ؛بس للأسف مابتعرفش تصوم !!!

بيصوموا صيام ناقص ، إلا من رحم الله ..هتقول : هو فيه صيام ناقص وصيام كامل ؟؟؟

هقولك : هو إنت هتصوم إزااااااااااااي ؟؟هتقول : هصوم عن الأكل والشرب لحد المغرب..

هقولك : بس كده ؟؟ هتقول : إيه ؟! هو فيه فتوى جديدة طلعت غير كده؟

هقولك : لأ .. مفيش فتوى ولا حاجة ؛ بس إنت كده صيامك ناقص ..

يعني إيه ناقص بقى ؟؟؟؟؟؟؟؟؟

[mark=#55ff00]<><><><><><><><><><><>[/mark]

- [mark=#fff200] إوعى تكون مُسلسل !! [/mark]

التليفزيون في رمضان = مسلسلات !!!

سبحان الله .. المسلسلات موجود طول السنة ..بس في رمضان ، لازم أهل الباطل يبذلوا أقصى جهد علشان يسلسلوا الناس قدام التليفزيون

بكمية مسلسلات رهييية متلاحقش أصلاً عليها من كترتها.. وعلشان كده بقولك:إوعى تكون مُسلسل ومربوط قدام التليفزيون في رمضان ..!!!

هتقولي : ما هو أنا لازم بالنهار أسلـّي صيامي وبالليل أسلـّي سهرتي !!

هقولك : يا أخي وهو مفيش حاجة غير المسلسلات تسلـّي بيها صيامك ؟؟؟؟!!

خلـّى عندك شوية عقل ..! وتعالى نتناقش في الموضوع ده ..

[mark=#55ff00]<><><><><><><><><><><>[/mark]

- [mark=#fff200]من هنا البداية ...[/mark]

عايزين نصوم رمضان جديد بلا معاصي يا شباب عايزين يبقى شعارنا :إلا رمضان ..!

معقول ؟! معقول هتعصي ربنا والناس بتطيعه ؟! إنت مش وحش قوى كده ؟؟؟ إنت فيك خير ، ولا يُحرم الرحمة في رمضان إلا محروم شقي ..

فبلاش تكون إنت منهم !!!

ياللا يا شباب ..كلنا هنقول بصوت عالي.. لا للذنوب في رمضان وفي غير رمضان ..

لا للشات ، لا للمواقع التي تغضب الله ،لا للصحوبية، لا لإطلاق البصر ،لا للمسلسلات والأفلام ،لا للأغاني

لا للتدخين ، لا لقطيعة الرحم ، لا للغيبة ، لا للنميمة ، لا للغش والكذب ، لا لسوء الخلق ..لا وألف لا .. لكل ما يغضب الله ..

متقولش صعب ..

شهر واحد قاطع فيه الذنوب وإن شاء الله ربنا هيقبلك وهيتوب عليك بعد الشهر وتلاقي نفسك مش عايز ترجعلها ..

إعتبر نفسك فى مأمورية ، هتسافر لمدة شهر وهتقبض مبلغ كبير ، ولكن في السفر ده مش هتاخد معاك الموبايل ولا التليفزيون ولا الكمبيوتر ..

عادي يعني .. بس المأمورية دي هتصلح حياتك وتخليك تكسب دنيتك وآخرتك ..!

[mark=#55ff00]<><><><><><><><><><><>[/mark]

- [mark=#fff200]همة عالية ...[/mark]

قال رسول الله : [ في الجنة مائة درجة ، ما بين كل درجتين كما بين السماء والأرض ، والفردوس أعلى الجنة وأوسطها

وفوق ذلك عرش الرحمن ومنها تفجر أنهار الجنة ؛فإذا سألتم الله فاسألوه الفردوس ]

لازم يبقى عندك همة عالية .. حتى وإنت بتطلب الجنة .. متطلبش أي منزلة في الجنة وخلاص ..

قول يارب ارزقني الفردوس الأعلى ..

لازم يبقى عندك همة عالية .. متسيبش باب خير مفتوح قدامك إلا وتدخل فيه .. متفوتش ثانية إلا وتغتنمها في زيادة رصيد حسناتك ..

[mark=#55ff00]<><><><><><><><><><><>[/mark]

مقتطفات من كتاب اصحى يا نايم

للدكتور مصطفى زايد , جزاه الله خيرا

[mark=#55ff00]<><><><><><><><><><><>[/mark]

[mark=#ffff00]اللهم صل على سيدنا محمد وبارك وسلم تسليما كثيرا[/mark]

[mark=#55ff00]<><><><><><><><><><><>[/mark]

[friendship7897]

جزاك الله خير يا شيخ خالد
بس لي سؤال ؟!
هي الناس اللي بتضيع رمضان وصوم رمضان بتجيب وقت منين لكل الفلتات دي وكل المسلسلات دي - أنا مش لاقية وقت أنام أصلاً .
من شغل ثم العودة من العمل ثم سوق لشراء بعض الإحتياجات ثم الإعداد للفطار ثم صلاة المغرب (بسرعة) ثم تنظيف المطبخ بسرعة ثم الوضوء (سريعاً )أيضاً للذهاب للتراويح ثم العودة للبيت مجهدة ، ثم الإسترخاء قليلاً لمدة ساعتين للإستيقاظ الساعة 2.30 لإعداد السحور ثم صلاة الفجر ثم الراحة مرة أخرى لمدة ساعتين ثم العودة للشغل وتدور الدائرة .
هو العيب فيا ولا في الناس الفاضية !!!
اللهم لك الحمد والشكر ،،

[حسام ابو كرمة]

[frame="7 80"]جزاك الله شيخ خالد خيرا و جزا دكتور مصطفى زايد
و تقريبا كانه يعيش معى ليحكى (فى بعض الامور) اللهم اعنا على ذكرك و شكرك و حسن عبادتك
[/frame]

[alaa74]

جزاك الله خيرا يا شيخنا الجليل على النصائح الغاليه
وجعلنا وإياكم من الفائزين فى رمضان ومن المقبولين

والله يا شيخ خالد كم الخير الموجود فى رمضان يجبر العاقل
على أن يسارع لإغتنام الفرص ولكسب الحسنات
عارف حتى عزومات الإفطار وبالرغم من كونها بتكون فرصه إنك تقابل الاهل
والاقارب والاحباب والاصدقاء .
لكن بتحرمك من الإستمتاع بصلاه التراويح فى المسجد اللى انت بتصلى فيه
على الرغم من انك بتصليها فى المكان اللى بتفطر فيه
لكن أكيد الاستعداد نفسه للصلاه فى المسجد اليومى والجلابيه
أكيد موضوع تانى خالص .
وعن التليفزيون
أكيد هى معادله يعنى اللى هيتابع كم المسلسلات الرهيب اللى بيطاردونا باعلاناته فى كل حته
يبقى مش هيصلى، وهيصلى إمتى أساسا ؟ يعنى ولا هيكون عنده وقت ولا لصلاه جماعه فى المسجد ولا وقت لقراءه القران ولا وقت لعمل أى حاجه تانيه .
وكلنا بنشوف الوقت ازاى بيجرى بسرعه فى رمضان .

اللهم إرزقنا الفردوس الأعلى من الجنه وقنا عذاب النار
اللهم إجعلنا ممن يقومون رمضان إيمانا وإحتسابا
اللخم أجعلنا من الناجين من النار ومن أهل الجنه يارب العالمين .....

[alaa74]

جزاك الله خير يا شيخ خالد
بس لي سؤال ؟!
هي الناس اللي بتضيع رمضان وصوم رمضان بتجيب وقت منين لكل الفلتات دي وكل المسلسلات دي - أنا مش لاقية وقت أنام أصلاً .
من شغل ثم العودة من العمل ثم سوق لشراء بعض الإحتياجات ثم الإعداد للفطار ثم صلاة المغرب (بسرعة) ثم تنظيف المطبخ بسرعة ثم الوضوء (سريعاً )أيضاً للذهاب للتراويح ثم العودة للبيت مجهدة ، ثم الإسترخاء قليلاً لمدة ساعتين للإستيقاظ الساعة 2.30 لإعداد السحور ثم صلاة الفجر ثم الراحة مرة أخرى لمدة ساعتين ثم العودة للشغل وتدور الدائرة .
هو العيب فيا ولا في الناس الفاضية !!!
اللهم لك الحمد والشكر ،،

كل سنه وحضرتك وكل أفراد عائلتك الكرام بألف خير
اعاد الله عليكم وعلينا شهر رمضان الكريم باليمن والخير والبركات

عن سؤالك : مستحيل الجمع ما بين الحاجتين فى وقت واحد
لأن الوقت فى رمضان ضيق جدا جدا ومستحيل هنقدر نعمل كل حاجه
يبقى على الاقل نفوز بالأشياء اللى مش متوفره غير فى شهر رمضان

وبالنسبه ليكى إنتى حاله خاصه وكتير من السيدات العاملات وزى ما قلت لك قبل كده
ربنا يقويكى ويبارك لك فى صحتك واولادك وزوجك الكريم وبارك الله لك فى وقتك
علشان تقدرى تقومى بواجباتك وبدورك المميز على أكمل وجه كعهدك
وكمان تقدرى تحصلى موسم الطاعات والرحمه والغفران والخيرات فى رمضان

[Khaled Seif]

جزاك الله خير يا شيخ خالد
بس لي سؤال ؟!
هي الناس اللي بتضيع رمضان وصوم رمضان بتجيب وقت منين لكل الفلتات دي وكل المسلسلات دي - أنا مش لاقية وقت أنام أصلاً .
من شغل ثم العودة من العمل ثم سوق لشراء بعض الإحتياجات ثم الإعداد للفطار ثم صلاة المغرب (بسرعة) ثم تنظيف المطبخ بسرعة ثم الوضوء (سريعاً )أيضاً للذهاب للتراويح ثم العودة للبيت مجهدة ، ثم الإسترخاء قليلاً لمدة ساعتين للإستيقاظ الساعة 2.30 لإعداد السحور ثم صلاة الفجر ثم الراحة مرة أخرى لمدة ساعتين ثم العودة للشغل وتدور الدائرة .
هو العيب فيا ولا في الناس الفاضية !!!
اللهم لك الحمد والشكر ،،

وإياكم يا فندم -

اللهم إنك عفوّ كريم حليم عظيم تحب العفو فاعف عنّا

[frame="7 80"]جزاك الله شيخ خالد خيرا و جزا دكتور مصطفى زايد
و تقريبا كانه يعيش معى ليحكى (فى بعض الامور) اللهم اعنا على ذكرك و شكرك و حسن عبادتك
[/frame]

وإياكم يا أستاذ / حسام

اللهم علمنا ما ينفعنا وانفعنا بما علمتنا وزدنا علما

جزاك الله خيرا يا شيخنا الجليل على النصائح الغاليه
وجعلنا وإياكم من الفائزين فى رمضان ومن المقبولين

والله يا شيخ خالد كم الخير الموجود فى رمضان يجبر العاقل
على أن يسارع لإغتنام الفرص ولكسب الحسنات
عارف حتى عزومات الإفطار وبالرغم من كونها بتكون فرصه إنك تقابل الاهل
والاقارب والاحباب والاصدقاء .
لكن بتحرمك من الإستمتاع بصلاه التراويح فى المسجد اللى انت بتصلى فيه
على الرغم من انك بتصليها فى المكان اللى بتفطر فيه
لكن أكيد الاستعداد نفسه للصلاه فى المسجد اليومى والجلابيه
أكيد موضوع تانى خالص .
وعن التليفزيون
أكيد هى معادله يعنى اللى هيتابع كم المسلسلات الرهيب اللى بيطاردونا باعلاناته فى كل حته
يبقى مش هيصلى، وهيصلى إمتى أساسا ؟ يعنى ولا هيكون عنده وقت ولا لصلاه جماعه فى المسجد ولا وقت لقراءه القران ولا وقت لعمل أى حاجه تانيه .
وكلنا بنشوف الوقت ازاى بيجرى بسرعه فى رمضان .

اللهم إرزقنا الفردوس الأعلى من الجنه وقنا عذاب النار
اللهم إجعلنا ممن يقومون رمضان إيمانا وإحتسابا
اللخم أجعلنا من الناجين من النار ومن أهل الجنه يارب العالمين .....

جزاك الله خيرا وتقبل دعائك , حبيبي وصديقي أبو عمر , كبير محاسبي نايل موتورز

اللهم كما سلمتنا إلى رمضان فسلم لنا رمضان وتسلمه منا متقبلا يا رب العالمين

[kar!m]

جزاك الله خيرا يا شيخ خالد

اللهم أعنا على صيام و قيام رمضان على الوجه الذي يرضيك.

[mr_vampire]

جزاك الله خير شيخ خالد.

معلش طلب خارج الموضوع فلو امكن الاجابة هنا او في موضوع مستقل كما تري حضرتك.

لو سمحت ممكن شرح كيفية حساب ذكاة الفطر . مع العلم اني مغترب.

وياريت لو ذكاة المال عموما للتذكرة.

جزاك الله خير وكل عام وانتم بخير.

[monamize4]

موضوع مفيد يا شيخ
جزالك الله كل خير

و بجد انا مستغرب
تلاقى واحد بيتابع 3 مسلسلات و التانى 4
مش عارف بيقدروا ازاى يتابعوا المسلسلات دى
بيجيبوا وقت منين اصلا ؟
دا غير ان من خلال مشاهدتى للاعلانات ,, بحس ان معظمهم بايخ

[ganash]

جزاك الله خيرا يا شيخ خالد
اللهم ارزقنا الفردوس الاعلى

[Khaled Seif]

جزاك الله خيرا يا شيخ خالد

اللهم أعنا على صيام و قيام رمضان على الوجه الذي يرضيك.

وإياكم يا بشمهندس كريم وكل عام وحضرتك بخير

جزاك الله خير شيخ خالد.

معلش طلب خارج الموضوع فلو امكن الاجابة هنا او في موضوع مستقل كما تري حضرتك.

لو سمحت ممكن شرح كيفية حساب ذكاة الفطر . مع العلم اني مغترب.

وياريت لو ذكاة المال عموما للتذكرة.

جزاك الله خير وكل عام وانتم بخير.

وإياكم يا استاذ أحمد وكل عام وحضرتك بخير

وإن شاء الله سبحانه وتعالى - ربنا ييسر الوقت وأعمل موضوع الزكاة

وكمان ها يبقى تجهيز لي لخطبة الجمعة الخيرة في رمضان إن شاء الله

موضوع مفيد يا شيخ
جزالك الله كل خير
و بجد انا مستغرب
تلاقى واحد بيتابع 3 مسلسلات و التانى 4
مش عارف بيقدروا ازاى يتابعوا المسلسلات دى
بيجيبوا وقت منين اصلا ؟
دا غير ان من خلال مشاهدتى للاعلانات ,, بحس ان معظمهم بايخ

وإياكم أخي في الله - أسأل الله أن يستعملنا ولا يستبدلنا

وكل عام وحضرتك بخير

جزاك الله خيرا يا شيخ خالد
اللهم ارزقنا الفردوس الاعلى

وإياكم حبيبي في الله - اللهم ءامين

وكل عام وحضرتك بخير

[S O P H O S]

جزاك الله خيرا يا شيخنا ..

[Khaled Seif]

جزاك الله خيرا يا شيخنا ..

(وإياكم أخي في الله)