هل تعلم أن ماكينة الصرف ممكن تنقذك إذا طلع عليك حرامى

[طارق _عبد السلام]

خروجا من الخلاف اللى في الموضوع ده من حوالي 10 لـ 15 سنة ... ممكن الواحد يجربها بنفسه ويكون في يوم الصبح والبنك شغال ويكون جنب الفرع بتاعه علشان لما يدخل الرقم بالعكس ثلاث مرات يشوف هل البوليس هو اللى هاييجي .. ولا هايضطر يدخل الفرع يجيب الكارت من الماكينة اللى هاتسحبه







الأرقام السرية بتاعة الفيزا والماستر مش بتسمحلك إنك تغيرها زي ما انت عايز .. ولكن الرقم بييجي مع الكارت وبيكون ثابت لا يمكن تغييره وعملية تغييره معقدة إلى حد ما وإجراءاته بيترتب عليها إيقاف الكارت لفترة

اللى بيكون قابل لتغيير رقمه السري هي الكروت المرتبطة بالحسابات الجارية ودفاتر التوفير وكروت الـ atm فقط حتى لو كان يمكن الشراء بها زي الفيزا

طيب احنا مااختلفناش يعنى كده كده بأغيره زى ما انا عايز

انا كان ردى على اخ لنا بيقول مفيش ارقام سريه مميزه فاستغربت لانها مش ارقام موبيل يعنى

انا فكرتى استنتجتها من رقمى السرى لو هو 2882 مثلا هعكسه ازاااااااااااااااااى والماكينه هتشوف الرقم معكوس ازاى ؟؟؟؟!!!!!!!!!!!!

دى من تخاريف الانترنت واحنا بنردد وراها وخلاص زى مواضيع كتيره مفبركه وبتتنقل بدون تفكير مش اكتر لمجرد ان العنوان عاجب ناقل الموضوع

[D . a .\ AYMAN]

الكلام ده جزئيا مش صح لانه حسب البنك

فيه بنوك بتسمح لك تغير الرقم من مكنة ال atm بمنتهى السلاسة و تختاره انت على كيفك

و فيه بنوك مش بتسمح بالتغيير

أعتقد إن القواعد دي خاصة بشركة فيزا وماستر العالمية مش البنوك نفسها

يعني أقصد إن البنوك بتكون متحكمة في الكروت العادية اللي بتصدر منها ... لكن الكروت اللي بتصدر باسم شركة فيزا أو ماستر العالمية لها قواعد ثابتة البنوك مش بتلعب فيها

الكلام ده على لسان أحد مسئولي فيزا في البنك الأهلي المصري لما حبيت أغير الرقم السري بتاع الفيزا بتاعي من فترة

واحتمال طبعا يكون كلامه غلط لأني ما جربتش كروت بنوك كتير ... بضعة بنوك مصرية فقط لا غير

[SYD]

معلومة انك تغير الرقم السري الخاص بالفيزا او الماستر كارد معلومة صحيحة
انا شخصياً معايا ماستر كارد وانا اللي عامل الرقم بنفسي مع اول مرة تشغيل - فأول مرة طلب مني تغيير الرقم السري اللي هو اساسا كان Blank وانا عملته الرقم اللي انا عايزه

وبالتالي اعتقد انها تتوقف علي البنك نفسه

اما عن موضوع الرقم بالمعكوس فانا فعلا سمعتها اكتر من مرة ولما سألت عليها في البنك بتاعي قالي ماعندهمش كلام من دة واكيد في سره كان بيضحك عليا

تحياتي للجميع

[أحمد كمال]

أعتقد إن القواعد دي خاصة بشركة فيزا وماستر العالمية مش البنوك نفسها

يعني أقصد إن البنوك بتكون متحكمة في الكروت العادية اللي بتصدر منها ... لكن الكروت اللي بتصدر باسم شركة فيزا أو ماستر العالمية لها قواعد ثابتة البنوك مش بتلعب فيها

الكلام ده على لسان أحد مسئولي فيزا في البنك الأهلي المصري لما حبيت أغير الرقم السري بتاع الفيزا بتاعي من فترة

واحتمال طبعا يكون كلامه غلط لأني ما جربتش كروت بنوك كتير ... بضعة بنوك مصرية فقط لا غير

موظفين البنك الاهلي مع احترامي معلوماتهم عن ال banking و البطاقات لا تزيد عن معلوماتي عن اللغة السنسكريتية


برضه الكلام ده غلط و انا معايا كروت فيزا و ماستركارد و بعضها انا الللي مختار الرقم السري بنفسي و بعضها جالي رقم مبدئي و غيرته ...... و بعضها الرقم ما يتغيرش

فيزا و ماستركارد اصلا ما يعرفوش الرقم السري بتاعك ايه ......ده في حوزة البنك بس و البنك هو المخول بادارة البطاقة و الحساب عبر بوابة فيزا و ماستر كارد ........

[aldesha989]

الموضوع ده ممكن نتصل باى كول سنتر تبع اى بنك ونسئل عنه بدل ما كل واحد متعصب ولا متنرفز يجيى يطلعه فى صاحب الموضوع

[tamerosman]

اشتغالة كبيرة ...و سيلة الامان الوحيدة بتبقى كاميرا بتصور 24 ساعة ...و دى مش هتمنع السرقة

[benmatar]

مش صح بتاتا ولو صح يبقى في أي بلد غير مصر
ده الواحد بيدخل الرقم الصحيح مرة واتنين وتلاتة، ولو الماكينة صرفت بعد رابع محاولة يبقى حظه حلو
ومن ناحية تانية بوليس إيه اللي الماكينة هتبعتلو اشارة استغاثة ويجي؟؟؟ انتو مش عايشين معايا هنا في مصر برضه ولا انا عايش لوحدي؟؟؟؟؟؟

[Khaled Online]

هل تعلم إن الموضوع ده اتهرس في 100 بوست قبل كده؟ كل سنة وانتم طيبين :)

[mbx4e]

الموضوع ده ممكن نتصل باى كول سنتر تبع اى بنك ونسئل عنه بدل ما كل واحد متعصب ولا متنرفز يجيى يطلعه فى صاحب الموضوع

ايوا قفشتك
انت من غواة مكالمة الكول سنتر ؟
طيب افرض مايعرفش؟
حبيبي

[أحمد كمال]

هل تعلم ان هذه الاشتغالة انهرست في 50000 موضوع في 100000000 منتدى؟

[wesam_salom]

برجاء تثبيت الموضوع هو والموضوع بتاع القرود اللى فى القفص وبيرشوهم بالميه
الموضوع ده اتكرر كتير قوى وكل مره نقول انه غلط

[A.Saad]

برجاء تثبيت الموضوع هو والموضوع بتاع القرود اللى فى القفص وبيرشوهم بالميه
الموضوع ده اتكرر كتير قوى وكل مره نقول انه غلط

القرود دى مش اعرفها
ياريت حد يعمل لها موضوع

[Bassem Youssef]

استاذ احمد

هذا الموضوع غير حقيقي

تحياتي

[SHNORY]

القرود دى مش اعرفها
ياريت حد يعمل لها موضوع

http://www.nilemotors.net/Nile/203695-a.html

ونكته السيات والمرسيدس برضه بقالها فتره مظهرتش

[MMamdouh]

الكلام دة هجس... اللى هيدخل رقمة معكوس المكنة هتطلعلة رسالة تقولة الرقم خطاء

الرقم السرى بيتم اصدارة بشكل عشوائى تماما (randomly generated) بالتالى ممكن ناس يبقى معاها ارقام لو عكستها تطلع هى هى زى 1221 مثلا

مفيش اى عمليات مراجعة بتحصل على الرقم السرى (PIN) غير التاكد من مطابقة الرقم اللى دخلتة بالرقم الموجود فعلا لدى البنك... اما الرقم صح و بتكمل اختياراتك سواء سحب او استعلام و خلافة و اما الرقم خطاء و بتطلب منك اعادة ادخال الرقم... و فى حالة تكرار الرقم خطاء 3 مرات بيتم سحب الكارت

اى كارت سواء credit او debit تقدر تغير رقمة السرى و فية بعض البنوك بتصدر الكارت بدون رقم و المستخدم بيختار رقمة السرى فى اول استخدام للكارت... و للعلم بعض البنوك بتستخدم رقم سرى من 6 ارقام مش 4

الاحكام المنظمة للارقام السرية بتصدرها شركة Visa و MasterCard لكن التعامل مع الرقم السرى بيبقى حصرى للبنك مصدر البطاقة فقط

الرقم السرى بيبقى مشفر (encrypted) من اول الkey pad اللى على مكنة الATM لحد ما يوصل للبنك مصدر البطاقة (Issuer bank) و هنا بيتم مقارنة القيمة المشفرة للرقم (encrypted PIN block) بالقيمة المشفرة لدى البنك للمراجعة.... يعنى حتى البنك مصدر البطاقة ميعرفش القيمة الحقيقية (clear value) للرقم السرى بالتالى القيمة المعكوسة للرقم هتعامل على انها رقم خاطىء

مفيش اى قناه اتصال بين اى بنك و الشرطة لتفعيل الخاصية المذكورة

اخيرا و ليس اخرا... لو فرضنا ان كل الموضوع دة صح.... هتقول للحرامى ايه لحد ما البوليس يوصلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

MMamdouh