استفسار بخصوص استغلال ارض

[micromoud]

السلام عليكم
دلوقتى يا جماعه انا عندى حته ارض مساحتها فوق الالف متر هى فيها كل المرافق وامام منها مدرسه ازاى ممكن استغل المساحه دى علما ان مش معايا رأس مال

[micromoud]

مفيش اى حد عنده افكار يا جماعه

[أحمد كمال]

شوف شريك و ابنيها عمارة و بيع الشقق

[TOSHIBA2013]

اقلبها باركن كبييييييييييييير عقبال ما تبني d: اعرف واحد عامل كده وهات واحد بالتبس ياخده على الغسيل وحراسه

بس يحسن يستولي هوا عليها

ممكن تقلبها بنزينه لو المكان يسمح وحيكون فيها كوفي شوب تابع ليها زي موبيل مثلا

او تبنيها وتبيع الشقق سواء من فلوسك او شريك او تشوف شركة تشارك في البنى وتشوف التكاليف كام

وعند بيع العقار تاخد حق الارض وجزء من ارباح بيع الشقق d:

او تريح راسك خالص وتبعها لو جابت سعر ممتاز

ولا اقولك الارض عمرها ما حتخسرك حاجه كده كده مع الوقت سعرها بيزيد

بالتوفيق

[AlGazar2]

اعملها جراج زى ما العضو قالك كده

موضوع مش محتاج فلوس عايز بس سايس يكون كويس و امين

[A.Saad]

الارض فين
شارع جانبى ولا رئيسى
منطقى سكنية ولا ادارية
لازم تحدد علشان تقدر تعرف اى مشروع انسب

[micromoud]

المشكله يا جماعه ان المنطقة السكان اللى فيها مش عندهم عربيات كتير والارض فى شارع جانبى بس انا عاوز اسأل لو جبت مقاول يبنى عالارض واخد منه شفف ومحلات افضل ولا ابيع افضل ؟ ولو موضوع شراكه المقاول احسن ياريت اعرف ازاى بيتم الاتفاق والتقسيم وشكرا لكل الردود :)

[TOSHIBA2013]

بص انا لو مكانك كنت حبعها لو جابتلي سعر حلو وبتمنها اجيب شقه اتنين تلاته على حسب الارض تجيب كام ممكن 10 20 مليون سعتها تشتري بيهم شقق وتأجرهم الشقه ب 2000 , 3000 جنيه احسن ما تبني وتصدع راسك

وتروح وتبص وتشوف المقاول وجع دماغ

[حسام السويدي]

عندك جراج وجرب مش هتخسر غير باب وتحوط عليها جرب


مقاول زي منتا قلت بس يكون مضمون

[abou_ruqi]

الار ض دي مسجلة والا وضع يد ؟

[micromoud]

الار ض دي مسجلة والا وضع يد ؟

لا دى مسجله وملك والحمد لله

[abou_ruqi]

لا دى مسجله وملك والحمد لله

طيب ما هي تبقى اتحلت ، حسب موقعها ، ما تروح تبنيها بالتمويل العقاري حتدفع 20% والباقي على عشرين سنة ، لما تبيع شقتين حتجيب مبلغ التمويل وتروح تسد المبلغ المطلوب كله وتبقى بنيتها ببلاش!

فهل المنطقة تصلح لبناء عمارة ؟

[micromoud]

طيب ما هي تبقى اتحلت ، حسب موقعها ، ما تروح تبنيها بالتمويل العقاري حتدفع 20% والباقي على عشرين سنة ، لما تبيع شقتين حتجيب مبلغ التمويل وتروح تسد المبلغ المطلوب كله وتبقى بنيتها ببلاش!

فهل المنطقة تصلح لبناء عمارة ؟

الارض بها كل المرافق وتصلح لبناء عمارة واتنين وتلاته بس الفكرة انه مفيش رأس مال عشان ادفع 20%

[احمد المصرى]

الارض دى فين يا باشا منطقه ايه

[micromoud]

فى الحوامدية