ما حدش بعرف الشيخ العشري عمران هايصلي في أي جامع؟

[marsguy]

السلام عليكم ورحمة الله وبركاته،،،

كل سنه وإنتم طيبين جميعاً بمناسبة رمضان :)

ما حدش بعرف الشيخ العشري عمران هايصلي في أي جامع السنه دي؟

يا ريت اللي يعرف ويكون متأكد يقول.

شكراً

http://www.islamway.com/?iw_s=Quran&iw_a=view&id=28

[marsguy]

الشيخ العشري بيصلي في مسجد المرزوقي في النزهه الجديده

المسجد في الشارع اللي على ناصيته B-Tech

[Karim_Monir]

انا المسجد ده قريب مني
بس ممكن تقوللي مين هو الشيخ العشري عمران

[OlaOsman]

انا المسجد ده قريب مني
بس ممكن تقوللي مين هو الشيخ العشري عمران

ده كان إمام مسجد أبو بكر الصديق في مساكن الشيراتون و كانت الناس بتجيله في التراويح و التهجد من كل حدب و صوب، انما ساب المسجد بقاله كام سنة و الناس لسه بتدور عليه بيصلي فين عشان تصلي وراه.

[Karim_Monir]

تصدقي اني انا بصلي في الصديق كتير
وعمري ما سالت مين اللي بيقراء
اصلي رحال
مابحبش اثبت على مسجد وخاصة في التراويح
يوم في الصديق
يوم في السلام
يوم بلال
يوم الخلفاوي
يوم جنب بيتنا
يوم في بيتنا نفسة
كدة يعني
كل سنة وانتم طيبين

[Hassan Khalil]

صلي معاه في يوم يا كريم .. و حتحس احساس تاني
الشيخ العشري .. و الشيخ احمد سلامة ( الموجود في الصديق حاليا ) ... اصوات مميزة .. و قراءة ممتازة .

[Sharky]

ده كان إمام مسجد أبو بكر الصديق في مساكن الشيراتون و كانت الناس بتجيله في التراويح و التهجد من كل حدب و صوب، انما ساب المسجد بقاله كام سنة و الناس لسه بتدور عليه بيصلي فين عشان تصلي وراه.

دا الكلام دا يجى من 4 سنين و كانت أحلى أيام لما كان فى الصديق لإنه جامع كبير و كان بيلم ناس كتير أنا أخر مرة صليت وراه كان فى مسجد النور تقريبا من سنتين

و دلوقتى بصلى فى مسجد بلال فى مكرم عبيد

[marsguy]

السلام عليكم ورحمة الله وبركاته،،،

الشيخ العشري كان إمام مسجد الصديق فعلاً من 5 سنين وبعد كده راح مسجد النور وبعد كده راح مسجد المرزوقي في النزهه الجديده.

ده رابط لتنزيل بعض السور بصوته:

http://www.islamway.com/?iw_s=Quran&iw_a=view&id=28

هو ما شاء الله عليه صوته ملائكي وصوته فيه نبرة حزن جميله وقراءته سليمه.

هو بيقرأ أكثر من جزأ بحاجه بسيطه في صلاة التراويح كل يوم وبيقيم صلاة العشاء بحوالي نصف ساعه بعد اﻵذان.