عايز مكان كويس افطر فيه

[midoabdeen]

السلام عليكم ورحمه الله وبركاته
عايز مكان افطر فيه فيه انا وخطيبتى يكون مستواه كويس وقريب من وسط البلد او مصر الجديده
بس مايكونش غالى اوى ياعنى فى حدود 100/150ج

[micromoud]

برنس امبابة أو أسماك وادى النيل

[midoabdeen]

اسماك وادى النيل دا اللى فى الزمالك؟؟؟
لو هو فانا مش هتحرك بالعربيه نظرا للظروف اللى البلد فيها فعايز حاجه قريبه منى شويه فى مصر الجديده او وسط البلد بعيد عن القلق واركب مترو علشان الشوارع مش مضمونه لانى مش لوحدى

[emad_2020]

من الاخر يا كبير عليك وعلى رابعه يا التحرير ههههههههههههه
فى اكتوبر كذا مكان جميل وكمان لو روحت بلعربية مش تخاف عليها بس هيكون اغلا شوية

[micromoud]

اربياتا الكوربة

[midoabdeen]

من الاخر يا كبير عليك وعلى رابعه يا التحرير ههههههههههههه
فى اكتوبر كذا مكان جميل وكمان لو روحت بلعربية مش تخاف عليها بس هيكون اغلا شوية

هههههههههه هتلاقى احلى اكل فى رابعه
ياباشا انا اقولك الزمالك صعب علشان بعيد تقولى اكتوبر

اربياتا الكوربة

هو ارابياتا كويس ولا لا انا جربته فى السندوتشات بس مجربتش ادخل اكل جوه قبل كده الخدمه كويسه والمكان بردوا ايه اخباره

[romieh]

عندك فرحات موجود قصاد الميريلاند

مكان كويس واكل تمام جدا وتقريبا فى الرنج بتاعك

هتلاقى جنبه كمان واحد اسمه هوليداى بس انا مجربتوش

[midoabdeen]

هو فعلا كنت بفكر فى فرحات
الاسعار هناك عامله ازاى غالى ولا كويس لانى كنت اسمع انه غاااااالى جدا