التعليم المفتوح

[ابو لؤى]

السلام عليكم رمضان كريم عليكم جميعا وكل سنه وانتم بخير وصحه وسعادة

سؤالى بخصوص الجامعه المفتوحه محتار فى اختيار (حقوق - تجاره )


ياريت المحامين فى المنتدى تقولى الحقوق بيقولو عنها صعبه ليه ياترى بتتطلب حفظ ولا فهم وبشوف ناس دائما بتشيل مواد ياترى استهتار ولا فعلا صعبه واناا ظروفى طبعا متزوج وعندى لؤى مش فاضى للمذاكره لوقت طويل وكمان عاوز اعرف التقديم بيكون امتى وبكام مثلا مقررات الحقوق وبكام التجاره

التجاره انا مابحبهاش ولكن بشوف ناس بتدخلها وهيا مش فاهمه حاجه وبتنجح سبحان الله مش عارف ازاى ياترى اسهل من حقوق ولا ايه بالظبط معلش طولت عليكم بس عاوز شرح الله يكرمكم

[TOSHIBA2013]

كله بملازم المراجعات النهائية وحلول الامتحانات السابقه كام ورقه في اللذيذ بيفك وتجبلك جيد وشكرا

ولو ذكرت جامد فيهم تجيب جيد جدا d:

[Eq3la]

:d هو ايه التعليم المفتوح دة بقى ؟ انا دلوقتى خلصت 3 ثانوى وجبت 67 :( فـ ايه نظام التعليم المفتوح حد يفهمنى , وزيو زى الكلية العادية !!

[Abo-Yousef]

:d هو ايه التعليم المفتوح دة بقى ؟ انا دلوقتى خلصت 3 ثانوى وجبت 67 :( فـ ايه نظام التعليم المفتوح حد يفهمنى , وزيو زى الكلية العادية !!

زيه زى التعليم المقفول ... ... بص يا معلم التعليم المفتوح ده عشان تدرس فيه لازم يكون سنك عدى ال 21 سنة ... زى دراسات حرة كدة .... اللى عاوز يحسن من مستواه التعليمى وعاوز شهادة يعنى بيدخل الجامعة المفتوحة وعلى فكرة دى مش جامعة لوحدها انت بتدخل جامعة القاهرة او عين شمس او حلوان عادى وبتدرس زيك زي الطلبة اللى فيها عادى بس ليك ايام معينة زى يوم الجمعة ده اليوم الأساسى وايام تانية معينة بيحددوها عشان المحاضرات وغالبا بتبقى بالليل من 7 ل 9 مثلا

[ابو لؤى]

كله بملازم المراجعات النهائية وحلول الامتحانات السابقه كام ورقه في اللذيذ بيفك وتجبلك جيد وشكرا

ولو ذكرت جامد فيهم تجيب جيد جدا d:

تسلم ياكبير على الرد بس سؤااال بقى اختار حقوق ولا تجاره ماتقوليش شوف ميولك انا معرفش ميولى ايه

[Abo-Yousef]

خليك فى تجارة احسن يابو حميد ... أسهل فى كل حاجة .... فى الدراسة والمذاكرة وكمان موادها سهلة عن مواد حقوق وفى نفس الوقت الشهادة بتاعتها احسن أصل انا ليا ناس قرايبى فى الجامعة المفتوحة ومتابع معاهم الأحوال بإستمرار وهسألك اليومين الجايين عن مواعيد التقديم والمصاريف قد ايه وكده وربنا يعينك يابنى

[ابو لؤى]

خليك فى تجارة احسن يابو حميد ... أسهل فى كل حاجة .... فى الدراسة والمذاكرة وكمان موادها سهلة عن مواد حقوق وفى نفس الوقت الشهادة بتاعتها احسن أصل انا ليا ناس قرايبى فى الجامعة المفتوحة ومتابع معاهم الأحوال بإستمرار وهسألك اليومين الجايين عن مواعيد التقديم والمصاريف قد ايه وكده وربنا يعينك يابنى

ربنا يخليك ياعمى بالله عليك ماتنسانى انا مستنى كل التفاصيل

[Abo-Yousef]

ربنا يخليك ياعمى بالله عليك ماتنسانى انا مستنى كل التفاصيل

من عينى يابنى انا عينى ليك

[mohamed_rhem]

بص افضل مكان جامعة عين شمس كتجارة

الدراسة ايام الجمع فقط طبعا المواد اقل من تجارة جامعة القاهرة

لكن اسهل وعندك في ناس بتبيع المحاضرات ومحلول الشيتات بتاعتها

اهم حاجه تحضر وتركز واخر الترم بتتباع المراجعات

بتاخد كتاب وسي دي شرح ولا ليهم لزمة

المهم اللي بيجي في المحاضرة والمسائل هي نفس الافكار اللي بتيجي في الامتحان

مراجعة سريعة ليلة الامتحان تجيب من مقبول لجيد

حيقابلك حوالي 4 مواد رخمين واحدة بتاعة احمد الزهري وواحدة لغة

المهم دول بس لازم مذاكرة الباقي قراءة وحفظ

[ابو لؤى]

بص افضل مكان جامعة عين شمس كتجارة

الدراسة ايام الجمع فقط طبعا المواد اقل من تجارة جامعة القاهرة

لكن اسهل وعندك في ناس بتبيع المحاضرات ومحلول الشيتات بتاعتها

اهم حاجه تحضر وتركز واخر الترم بتتباع المراجعات

بتاخد كتاب وسي دي شرح ولا ليهم لزمة

المهم اللي بيجي في المحاضرة والمسائل هي نفس الافكار اللي بتيجي في الامتحان

مراجعة سريعة ليلة الامتحان تجيب من مقبول لجيد

حيقابلك حوالي 4 مواد رخمين واحدة بتاعة احمد الزهري وواحدة لغة

المهم دول بس لازم مذاكرة الباقي قراءة وحفظ

ده حضرتك تقصد التجاره مش كده ؟ يعنى حضرتك بتفضل التجاره تمام

[AhMeD MeTwAlY]

زيه زى التعليم المقفول ... ... بص يا معلم التعليم المفتوح ده عشان تدرس فيه لازم يكون سنك عدى ال 21 سنة ... زى دراسات حرة كدة .... اللى عاوز يحسن من مستواه التعليمى وعاوز شهادة يعنى بيدخل الجامعة المفتوحة وعلى فكرة دى مش جامعة لوحدها انت بتدخل جامعة القاهرة او عين شمس او حلوان عادى وبتدرس زيك زي الطلبة اللى فيها عادى بس ليك ايام معينة زى يوم الجمعة ده اليوم الأساسى وايام تانية معينة بيحددوها عشان المحاضرات وغالبا بتبقى بالليل من 7 ل 9 مثلا

لا لا لا لا لا اتغيرت الفكره دي يا غالي
دلؤقتي التعليم المفتوح زيه زي التعليم المقفول قصدي التعليم العادي بس الفرق ان التعليم المفتوح في الاخر محدش عارف مصيره ايه هيبق زيه زي الي معاه بكالوريوس او ليسانس ولي هيبق مش مساوي ليه
وبعدين ممكن يطلع زي كفايه انتاجيه يدرس كام مده وياخد شهادة معادله بكلية تجاره
مع ان بتاع كفايه انتاجيه لو درس الي في تجاره مش هينجح اساسا
بس دا حال التعليم في مصر كله مخرم في كله

[mohamed_rhem]

ده حضرتك تقصد التجاره مش كده ؟ يعنى حضرتك بتفضل التجاره تمام

اه انا اقصد تجارة عين شمس

في 3 برامج محاسبة وكمبيوتر وادارة اعمال

خليك في المحاسبة

[Abo-Yousef]

لا لا لا لا لا اتغيرت الفكره دي يا غالي
دلؤقتي التعليم المفتوح زيه زي التعليم المقفول قصدي التعليم العادي بس الفرق ان التعليم المفتوح في الاخر محدش عارف مصيره ايه هيبق زيه زي الي معاه بكالوريوس او ليسانس ولي هيبق مش مساوي ليه
وبعدين ممكن يطلع زي كفايه انتاجيه يدرس كام مده وياخد شهادة معادله بكلية تجاره
مع ان بتاع كفايه انتاجيه لو درس الي في تجاره مش هينجح اساسا
بس دا حال التعليم في مصر كله مخرم في كله

برنس .... التعليم المفتوح هوا هوا زى الانتظام والانتساب فى كلا الحالتين بتدرس فى نفس الجامعة ونفس الكلية الفكرة فى حاجة ... اللى عمل فكرة التعليم المفتوح دى للى معاه مؤهل متوسط وعاوز يبقى معاه مؤهل عالى ويعمل ماجستير ودكتوراه ويكمل بيظبط الكلام ولعلمك الشهادة بتاعته زيها زى الشهادة الجامعية بكالوريوس تجارة او ليسانس حقوق جامعة القاهرة او عين شمس هوا هوا ومش بيتكتب فى الشهادة تعليم مفتوح ولا مخروم ... كل سنة وانت طيب يا بوب

[ابو لؤى]

انا مايل للحقوق اكتر بس سمعت ان نقابه المحامين مش بتدى الكارنيه لواحد غير بتاع الثانوي عامه هل الكلام ده حقيقى ؟

[Abo-Yousef]

مش عارف والله يابو حميد انا كنت هجيبلك معلومات عن تجارة