كورس ccna

[matrix_it]

بفكر اخد كورس ccna بدل الفراغ اللى انا فيه
فا اللى متعمق فى المجال دة ممكن يجاوبنى اذا كان المجال دة حلو ولا مش ممتع؟
ينفع ادمجه مع اللى ذاكرته فى كلية تجارة ولا دول مجالين منفصلين تماما ؟
لو اعتمدت على المجال دة وسبت شهادة الكلية احسن ولا اعتمد على الحاسبة ؟
اماكن الكورسات و الاسعار انا اعرف نيو هوريزون بس لسة ماروحتش اسال عندهم
و مدة الكورس
شكرا

[M.Osama]

بص حضرتك.. مفيش اي تعارض بين انك تكون دارس تجاره وواخد كورس CCNA

بس الفكره ان شغل النتورك قليل.. ومش كتير.. ومعظم الشركات بتطلب مهندس شبكات بكالوريوس هندسه او حاسبات ومعلومات.. ف انتا هتتعب شويه علي ما تثبت نفسك

المجالات الي مش مرتبطه اوي بمجال دراستك.. زي ال web design وشغل ال graphics.. مفيش مانع انك تكون خريج تجاره وشغال ديزاينر

لكن بالنسبه لمجال الشبكات.. عاوز اقولك ان الي واخدين ccna و certified فيه اكتر من الهم علي القلب.. وشغالين كلهم ف كول سنترز مش اكتر :)

[matrix_it]

انا ان شاء الله مستنى نتيجة البكالوريوس الفترة دى ! بس فى الغالب مش هلاقى شغل بالبكالوريوس فا فكرت ابتدى ccna حتى لو هشتغل فى كول سنتر المهم ابقى بسعى ! بس كدة انا ممكن افكر فى موضوع ال 90 ساعة و افكس دراسة سيسكو الاكاديمية؟
ممكن حضرتك تقولى انا بفكر كدة صح ولا غلط ؟

[M.Osama]

اكاديمية سيسكو فيها تفاصيل اكتر فقط... انما ال 90 ساعه تمام وانا عن نفسي واخد ال 90 ساعه

ممكن تبدأ بال ccna طالما معندكش مشكله انك تشتغل ف كول سنتر.. وهتلاقي ان شاء الله شغل فيه بسهوله.. ولما الدنيا تبتدي تمشي معاك شويه خد ال certification وبالخبره ممكن تتنقل لمكان افضل

[matrix_it]

تمام الف شكر لحضرتك انا معلوماتى صفر عن الشبكات ! اذاكر n+ ولا ادخل ccna على طول؟

[M.Osama]

لا من الافضل تقري الاول شويه ف n+ عشان تكون داخل سيسكو عندك خلفيه كويسه وممكن تشوف فيديوهات ل ccna الاول قبل ما تبدأ الكورس عشان يبقي عندك خلفيه انت هتاخد ايه ف الكورس ده

ممكن تشوف الفيديوهات دي رائعه للمهندس ياسر رمزي

[url=http://www.arab-eng.org/vb/eng177587/]

[matrix_it]

الف شكر لحضرتك

[matrix_it]

معلش عندى سؤال ايه احسن مكان اخد فيه الكورس؟ و بكام ؟
انا لاقيت it club alex دراسة اكاديمية ب2000
المركز دة كويس ولا ايه النظام ؟

[nomercy22]

في مكان حلو اسمه جلوبال اكاديمي
globalacademy-eg.com

[MRBEBO]

م احمد نبيل ممتاز سيرش وانت تعرف اكتر عنه