كلمه سر الموبيل الاندرويد

[ahmedhilmy]

شباب المنتدي الجمال السلام عليكم

اخوكم واقع في مطب مش لطيف النسه الصغيره بنت اخوكم مسكت موبيلي ( galaxy s3) و دخلت ال pattern غلط لغايه ما قفلت الجهاز و طبعا طلب ال gmail الحقيقه اني فاكر الميل لكن مش فاكر الباسوورد او بالاحري شاكك فيها فضلت اكتب كلمه السر اللي شاكك فيها دي لغايه ما ياست .
قمت داخل علي gmail من الكمبيوتر و كتبت الباسوورد اللي شاكك فيها لقيته دخل يبقي كلمه السر سليمه قمت مغيرها لكلمه سر تانيه و رحت جربتها علي الموبيل و برده مفيش فايده مش راضي يفتح الجهاز خالص شوفولي حل احسن الحل البديل سوفت وير و فقدان كل حاجه حد عنده حل للوضع ده.

[alfath8]

جرب كده اطفى الجهاز شوية
وحاول تشغله تانى بعد فترة ودخل الباسور
ممكن تنجح الفكرة ولو منجحتش مش هاتضر

[ahmedhilmy]

قفلته و فتحته يجي مليون مره

[mr_vampire]

مجرد محاولة كدة . اقفل الجهاز خـــــــالص. وادخل عالكمبيوتر وغير الباسوورد تاني وبعدين افتح الموبيل وحاول بالباسوورد الجديد.

علي اساس يعني انه وهو شغال بيبقي عارف الباسوورد القديمة فلما تغيره من جهاز تاني هو لسة مش عارف انه اتغير. سعات بتحصل معايا لما بغير الباسوورد بتاع ميل الشغل من جهاز تاني.

جرب كدة وعرفنا بالنتيجة وان شاء الله خير.

انا معايا s3 وساعات كتير بعمل الباتيرن غلط ورا بعض خصوصا وانا سايق ومبيتقفلش ولا حاجة.

[ahmedhilmy]

مجرد محاولة كدة . اقفل الجهاز خـــــــالص. وادخل عالكمبيوتر وغير الباسوورد تاني وبعدين افتح الموبيل وحاول بالباسوورد الجديد.

علي اساس يعني انه وهو شغال بيبقي عارف الباسوورد القديمة فلما تغيره من جهاز تاني هو لسة مش عارف انه اتغير. سعات بتحصل معايا لما بغير الباسوورد بتاع ميل الشغل من جهاز تاني.

جرب كدة وعرفنا بالنتيجة وان شاء الله خير.

انا معايا s3 وساعات كتير بعمل الباتيرن غلط ورا بعض خصوصا وانا سايق ومبيتقفلش ولا حاجة.

هجرب بس الحقيقه انها واضح انها دخلت الباسوورد غلط كتير جدا لغايه ما قفل انت عارف انهم بيحبوا شكل الرسم اللي بيطلعوا الpattern

[AhMeD EzZ]

الي بيحصل ان جهازك مش واصلة نت حاليا فمش قادر يتاكد من الباس عشان كدة بيقولك الباس غلط

الحل يا اما تدون الروم الاصلية و تفلشها بنفسك و دة سهل جداً و متروحش لاي محل هيقولك 100 جنيه علي حاجة عبيطة جداً

الحل التاني انك تعمل فاكتوري ريسيت من الريكفري بس اوعي تعملها من الريكفري الرسمية بتاعة سامسونج عشان فيها Bug لا قدر الله ممكن يموت الجهاز ،

شوف حضرتك ميال لانهي حل و امشي معاك فيه خطوة بخطوة و ان كنت ميال للحل التاني عشان اسرع

[hefnawy77]

الموضوع ده حصل معايا بالظبط فى موبايل s2 .. و كانت المشكلة ان الموبايل مش وصله نت فعلا.. انت بس دوس على زر بور دوسة خفيفة هيطلع لك قايمة فيها خيارات كتير..اختار منها تفعيل موبايل داتا mobile data .. و بعدها دخل الباسورد بتاعة الايميل.. لو خطك مفيهوش رصيد او مش مشترك فى باقة نت .. افتح الموبايل و غير الخط او ضع خطك فى عدة تانية و فعل الانترنت منها الاول..
انا الروم اللى كان على موبايلى كان فيه الخيار ده... شوف كده موجود عندك ..

[Elawany13]

خد بالك ان كلمة السر اللى بيطلبها للجى ميل مش كلمة سر الجى ميل نفسها
ديه كلمة السر التانية بتاعت اكونت سامسونج
حاول تفتكرها
لو مفتكرتهاش مفيش حل غير انك تنزل سوفت وير للجهاز

[mohamed hussei]

طب جرب تشيل البطارية وتحطها وجرب الباسورد القديم كدة

[Rsarabia]

لازم تفتكر الباسورد بتاع الاكاونت اللى كنت بتخش بيه على الجوجل بلاى
لو مفتكرتوش هتعمل حاجة اسمها hard reset
هتخش جوجل تعمل سيرش عن galaxy s3 hard reset
و تعيش معاه
لو عملته صح هيعمل factory reset يعنى الجهاز هيرجع زى ما طلع من الكرتون لكن الحاجات اللى عاليو اس بى ميمورى هتفضل موجودة زى الصور و الحاجات دى

[احمد المصرى]

حصلت معايا قبل كدا فى وقت قاتل كان يوم العيد


والحل الوحيد ال كان امامى هو تنزيل سوفت وير جديد لو انت لقيت حل تانى يبق افضل مليون مره طبعا

[kar!m]

زي ما الزملاء قالوا لك لو انت متأكد ان الأكونت ده هو بتاع جوجل اللي انت مسجله على التليفون .. يبقى فعلا الجهاز مش واصل بالنترنت .. عشان كده مش قادر يتأكد من الباسورد.

أنا حصلت معايا في موبايلي HTC .. و ال HTC مافيهوش الميزه اللي في السامسونج انك ممكن تشغل الداتا و تقفلها من مفتاح الباور .. فمكنش قدامي غير الواي فاي .. و عندنا في الشغل قافلين الموقع اللي ال gmail بي validate فيه الباسورد بتاعتك .. رحت لبتوع السيكيوريتي و كان يوم ما يعلم بيه الا ربنا عشان يعرفوا جهازي أنهي جهاز واصل من ال MAC بتاعه عشان يفتحوا له و لفه سودا.

و بصراحه حاجه غبية جدا من أندرويد انهم مش عاملينها زي أبل بعد فترة يسمح لك انك تحاول تدخل ال pattern تاني.

[ahmedhilmy]

لسه قاعد بحاول معاه يمكن ربنا يهدي ذاككرتي و اعرف اجيب الباسوورد كانت ايه قل ما اضطر الجا لاي حل عنيف

[eleanor]

حضرتك اقفل الجهاز خالص وبعدين دوس على الباور والمنيو وزرار الى بيعلى الصوت دوس عليهم مع بعض فى وقت واحد
ودوس ريكفرى الجهاز هايعمل ريستارت من غير ما يمسح اى حاجه بعد مايفتح دخل الباترن القديمه بتاعتك هايفتح على طول ومش هايحتاج للجى ميل فى حاجه

[ahmedhilmy]

هجرب