استشارة فى تيلفزيون ( ضرورى )

[peter magdy]

مساء الخير يا شباب
انا انهاردة اشتريت تيلفزيون لوالدى نوع LG
و فى مشكلة اكتشفتها فى البيت لما روحت و فتحت التيلفزيون
و دى صورتة على موقع تانى واحد كان مصورة
Dubizzle Dubai | LED LCD: LG (LN5100) 42 inch Brand new in box unwanted gift
المشكلة انى كنت فاكرة FULL HD
بس العلبة مش مكتوب عليها
لكن موقع الشركة بيقول انة FULL HD
موقع الشركة او و الموديل LG LN5100 42
LG 42LN5100 TV - LCD TV / LED TV / Plasma TV - LG Electronics
انا شارية من بى تك وسط البلد
فارجوكم قولولى اتصرف ازاى و هو فول و مش مكتوب علية
بس حاسس ان الصورة مكسرة و فيها مربعات كدة صغيرة و ملامح الناس مش واضحة مع انة على رسيفر HD و متوصل على وصلة HDMI

[aly_hosny]

شوف السيتينج بتاعة العرض عليه فيها 1080p ولا لأ
مش عارف توصل لها منين بس بتهيالي هتبقى اسهل لو شغلت حاجة من على فلاشة

[MoHaMed HaMeD]

انا ياباشا جبت توشيبا فول اتش دى وريسفر ترومان اتش دى 40 بوصة .... وحاسس الصورة مش نقية اوى زى الافلام مش عارف بقى القنوات هى الوحشة والمفترض تكون القنوات اتش دى علشان اشوف نقى الصورة ولا

[طارق _عبد السلام]

هو فعلا مش فول اتش دى
ولو الرسيفر اتش دى وعايز تشوف صوره حلوه بندون بكسله يبقى على قنوات اتش دى فقط

[aliabdo]

فعلا لزم قنوات اتش دى او افلام اتش دى عشان تشوف الفرق
انا شارى زيه من كارفور

[sas5]

ولازم كيبل hdmi

[peter magdy]

انا ظبط الرسيفر على الشاشة و الصورة بقت احسن
و لما بشغل قناة hd بتبقى القناة من غير اى بكسل
-----------------------------------
انا افهمكم اية اللى خلانى اتخدعت فى حتة full hd
انا كنت فى سيتى ستار من يومين و شوفت نفس الموديل 40 بوصة ب 4100 جنية
و لما نزلت بى تك وسط البلد لقيت نفس الموديل بالرقم 42 بوصة 4025 جنية
فقلت هو ارخص كتير علشان المكان فلما اشتريت مخدش بالى من حكاية full hd علشان انا كنت مدقق فى ال 40 بوصة
بس فى كنوات hd مفيهاش اى بكسل ولا الافلام الاجنبى بلو راى فيها اى بكسل

[طارق _عبد السلام]

وحتى لو التليفزيون فول اتش دى مع قنواتنا والحجم الكبير للشاشه هتلاقى بردوا بكسله

[SaSa.FireBlade]

لا تتعجب المشكلة دى عند 75% من الناس الى اشترت تلفزيونات هاى ديفنيشن انا شغال فى مركز الصيانة بتاع lg بوص حضرتك يا ريت الاول تقولى نوع الريسيفر اية وتانى حاة اتاكد من نوع الوصلة الى انتا شغال بيها وعلى فكرة قنوات النايل سات مفيهاش اتش دى الاقليل اوى يعنى زى النهار ام بى سى مصر وباقة الام بى سى العادية 720 وممكن نقول الحياة 720 برضوا وكام باقة تانيني كدة وبس

[Medicalist]

انا جبت تليفزيون توشيبا LED
وكان غندى سامسونج lcd
واشتريت سونى LCD بعد التوشيبا
الوان وصورة ال lcd احسن بكتير من ال LED
التوشيبا زى ما انت بتقول صوره مبكسله برضه ومش نقيه والوان اى كلام
فاعتقد تكنولوجيا ال lcd احسن والله اعلم مع انها اقدم

[SaSa.FireBlade]

انا جبت تليفزيون توشيبا led
وكان غندى سامسونج lcd
واشتريت سونى lcd بعد التوشيبا
الوان وصورة ال lcd احسن بكتير من ال led
التوشيبا زى ما انت بتقول صوره مبكسله برضه ومش نقيه والوان اى كلام
فاعتقد تكنولوجيا ال lcd احسن والله اعلم مع انها اقدم

حضرتك كلامك صح 100%100 الفرق بين ال lcd و led نوع الغاز الى مكبوسة بية الشاشة كثافة غاز ال lcd احسن بكتير فى الجودة

[mido_soliman]

حضرتك كلامك صح 100%100 الفرق بين ال lcd و led نوع الغاز الى مكبوسة بية الشاشة كثافة غاز ال lcd احسن بكتير فى الجودة

هوة غاز ولا سائل ؟
اللى اعرفة ان البلازما غاز لكن ال سى دى وال اى دى كريستال سائل
واية علاقه كثافه الغاز بجودة الصورة ؟ حضرتك مع كامل احترامى ليك المعلومه دى غلط
اليه عمل الشاشتين مختلفه وملهاش علاقه بالسائل لانة واحد فى الاتنين
اليه العمل فى نوعيه الاضاءة المستخدمه على حسب معلوماتى المتواضعه
شمعات فلورسنت فى ال سى دى و دايود فى ال اى دى وتوزيعه الدايود دى نفسها بتختلف من شاشة للتانية حتى لو نفس المصنع على حسب تصنيف الشاشه (قليله - متوسطة -عالية) التكلفة
هوة دة الاختلاف اللى بيخلى الصورة فى ال اى دى احسن بكتير من ال سى دى مش العكس بردوا
الفكرة ان كل ال سى دى اللى موجود فى السوق يعتبر هاى ايند للتقنية دى وبالتالى لو قارنتوا بشاشة ال اى دى لوو رينج او حتى ميد رينج طبيعى تحس ان ال سى دى احسن لكن تقنيا ال اى دى احسن من ال سى دى وبكتير كمان وفى كل حاجة من اول الالوان لحد السطوع وتدرج الاضاءة

[SaSa.FireBlade]

هوة غاز ولا سائل ؟
اللى اعرفة ان البلازما غاز لكن ال سى دى وال اى دى كريستال سائل
واية علاقه كثافه الغاز بجودة الصورة ؟ حضرتك مع كامل احترامى ليك المعلومه دى غلط
اليه عمل الشاشتين مختلفه وملهاش علاقه بالسائل لانة واحد فى الاتنين
اليه العمل فى نوعيه الاضاءة المستخدمه على حسب معلوماتى المتواضعه
شمعات فلورسنت فى ال سى دى و دايود فى ال اى دى وتوزيعه الدايود دى نفسها بتختلف من شاشة للتانية حتى لو نفس المصنع على حسب تصنيف الشاشه (قليله - متوسطة -عالية) التكلفة
هوة دة الاختلاف اللى بيخلى الصورة فى ال اى دى احسن بكتير من ال سى دى مش العكس بردوا
الفكرة ان كل ال سى دى اللى موجود فى السوق يعتبر هاى ايند للتقنية دى وبالتالى لو قارنتوا بشاشة ال اى دى لوو رينج او حتى ميد رينج طبيعى تحس ان ال سى دى احسن لكن تقنيا ال اى دى احسن من ال سى دى وبكتير كمان وفى كل حاجة من اول الالوان لحد السطوع وتدرج الاضاءة

بوص هيا فى الاول وى فى الاخر بتفرق فى النوع والموديل وعدد اليدات لاءن ال LCD LED تقريبن بيبقا هوا هوا عدد الدات انا عندى صور ليها كلها بس مش بعرف ارفع صور ممكن تقولى ازاى وارفعهملك