ما هي الطرق للسفر الي امريكا

[al_manara]

السلام عليكم
اخواني في شوية حاجات عاوز اعرفها ومحتاج منكم معلومات اكيدة

لو عاوز اسافر امريكا . اعمل اية ؟ (زيارة لمدة 3 شهور)
في ناس بتقول لازم يكون عندك رصيد كبير في البنك ؟
وناس بتقول انسا مش هاتعرف .
وناس بتقول اجرائات صعبة جدا .
وناس بتقول لازم تكون هجرة مش تروح كام سنة او كام شهر وترجع .
وناس بتقولي سافر الاول اي دولة في اوربا عشان يكون معاك التاشيرة وبعدها ممكن تروح امريكا بشكل اسهل .

وعاوز اعرف اية هي الاجرائات الي المفروض اعملها . مع العلم ان لي صديق عايش هناك . وممكن يساعدني لو في استطاعتة اي حاجة .

[Patrickologyy]

متابع

[prof2013]

اتجوز بولنديه وخد الجنسيه وبعدها سافر من بولندا على امريكا وبعدين اتجوز امركانيه وافلش البولنديه وخد الجنسيه الامريكيه هههههه تهييس من الاخر بس ينفع

[marsguy]

السلام عليكم ورحمة الله وبركاته

تأشيرة أمريكا بتكون 5 سنين وليك في كل مره تقعد 6 شهور متواصل

أنا على يدي 2 معاهم باسبورت فاضي تماما وعواطليه خدوا الفيزا بمنتهى ااسهوله

وفي ناس تانيه سافروا كتير قبل كده وشغالين في شركات أمريكيه كمان وما عرفوش ياخدوا الفيزا

الموضوع مالوش مقاييس واضحه خالص

قدم وانت وحظك بس ما تحاولش تكدب في الإنترفيو

[al_manara]

السلام عليكم ورحمة الله وبركاته

تأشيرة أمريكا بتكون 5 سنين وليك في كل مره تقعد 6 شهور متواصل

أنا على يدي 2 معاهم باسبورت فاضي تماما وعواطليه خدوا الفيزا بمنتهى ااسهوله

وفي ناس تانيه سافروا كتير قبل كده وشغالين في شركات أمريكيه كمان وما عرفوش ياخدوا الفيزا

الموضوع مالوش مقاييس واضحه خالص

قدم وانت وحظك بس ما تحاولش تكدب في الإنترفيو

الكلام دة كان من وقت قريب ولا بعيد ؟
هل كان عندهم رصيد في البنك زي ما بسمع ؟

ومش واضحة بالنسبالي الي شغالين في شركات هناك وماعهمش فيزا ؟

شكرا لردك

[حسام السويدي]

انسي موضوع صاحبك والدي الله يرحمه كان معاه الجرين وبقاله 17سنه ومجوز هناك وبعتلي زياره واترفضت قالك لما ياخد الجنسيه


قدم علي الهجره من النت انا كنت فزت بيها بس كان والدي توفي فمرضتش

[Amr_MO]

السلام عليكم ورحمة الله وبركاته

مبدئيا صديقك الي في امريكا ميقدرش يساعدك في حاجة لأنه ميقربلكش حاجة

موضوع تأشيرة الزيارة ملهاش اي مقاييس ولا اعتبارات ممكن يكون ورقك متستف وسليم ولكن القنصل الي بتعمل معاه المقابلة يبصلك من فوق لتحت ميقتنعش بيك او يشك في اجاباتك ويرفض يديك الفيزا

موضوع انك تسافر بلد اوروبية تاخدلك كم ختم على الباسبور ساعات بتقوي فعلا موقفك وساعات القنصل مبياخدش بيها

اهم شيئ القنصل بيدور عليه هو الرابط الي يخليك متكسرش الفيزا هناك وانك ترجع مصر تاني زي الوظيفة وانها تكون مثبتة في جواز سفرك وتجيب HR Letter من شغلك بما يفيدك انك بتتشغل في وظيفة معنية بالراتب والفترة الزمنية، وان يكون مثلا عندك املاك هنا في مصر هترجع علشانها او ورابط اسرية قوية زي الزوجة والابناء لو انت مسافر لوحدك، الاب والام مينفعوش

الحساب البنكي ساعات كتيرة مبيسألوش عليه لأنك سهل تستلف فلوس من اي حد وتحطها في البنك بإسمك لحد يوم مقابلة السفارة فهما هارشين الحوارات دي

وخلي بالك لو ربنا وفقك وسافرت متحاولش تكسر فترة ال 6 اشهر لأنك لو عملتها ورجعت مصر حبيت تسافر تاني بتتحط بلوك 10 سنين متعرفش تدخل امريكا تاني

[moody_687]

طيب والحل ايه
الواحد عايز يسافر ع امريكا يشتغل هناك وهنا ف مصر مفيش عقود عمل لامريكا او لاوروبا
دلوقتي الواحد يسافر ازاي

[moody_687]

السلام عليكم ورحمة الله وبركاته

مبدئيا صديقك الي في امريكا ميقدرش يساعدك في حاجة لأنه ميقربلكش حاجة

موضوع تأشيرة الزيارة ملهاش اي مقاييس ولا اعتبارات ممكن يكون ورقك متستف وسليم ولكن القنصل الي بتعمل معاه المقابلة يبصلك من فوق لتحت ميقتنعش بيك او يشك في اجاباتك ويرفض يديك الفيزا

موضوع انك تسافر بلد اوروبية تاخدلك كم ختم على الباسبور ساعات بتقوي فعلا موقفك وساعات القنصل مبياخدش بيها

اهم شيئ القنصل بيدور عليه هو الرابط الي يخليك متكسرش الفيزا هناك وانك ترجع مصر تاني زي الوظيفة وانها تكون مثبتة في جواز سفرك وتجيب hr letter من شغلك بما يفيدك انك بتتشغل في وظيفة معنية بالراتب والفترة الزمنية، وان يكون مثلا عندك املاك هنا في مصر هترجع علشانها او ورابط اسرية قوية زي الزوجة والابناء لو انت مسافر لوحدك، الاب والام مينفعوش

الحساب البنكي ساعات كتيرة مبيسألوش عليه لأنك سهل تستلف فلوس من اي حد وتحطها في البنك بإسمك لحد يوم مقابلة السفارة فهما هارشين الحوارات دي

وخلي بالك لو ربنا وفقك وسافرت متحاولش تكسر فترة ال 6 اشهر لأنك لو عملتها ورجعت مصر حبيت تسافر تاني بتتحط بلوك 10 سنين متعرفش تدخل امريكا تاني

يعني ايه يكسر فترة 6 شهور ؟؟

[SaSa.FireBlade]

انا نفسى اسافر ياءما امريكا ياءما السويد ياءما كندا ياءما فرنسا مش عارف هعمل حادى بادى واشوف ونا ونصيبى

[al_manara]

السلام عليكم ورحمة الله وبركاته

مبدئيا صديقك الي في امريكا ميقدرش يساعدك في حاجة لأنه ميقربلكش حاجة

موضوع تأشيرة الزيارة ملهاش اي مقاييس ولا اعتبارات ممكن يكون ورقك متستف وسليم ولكن القنصل الي بتعمل معاه المقابلة يبصلك من فوق لتحت ميقتنعش بيك او يشك في اجاباتك ويرفض يديك الفيزا

موضوع انك تسافر بلد اوروبية تاخدلك كم ختم على الباسبور ساعات بتقوي فعلا موقفك وساعات القنصل مبياخدش بيها

اهم شيئ القنصل بيدور عليه هو الرابط الي يخليك متكسرش الفيزا هناك وانك ترجع مصر تاني زي الوظيفة وانها تكون مثبتة في جواز سفرك وتجيب hr letter من شغلك بما يفيدك انك بتتشغل في وظيفة معنية بالراتب والفترة الزمنية، وان يكون مثلا عندك املاك هنا في مصر هترجع علشانها او ورابط اسرية قوية زي الزوجة والابناء لو انت مسافر لوحدك، الاب والام مينفعوش

الحساب البنكي ساعات كتيرة مبيسألوش عليه لأنك سهل تستلف فلوس من اي حد وتحطها في البنك بإسمك لحد يوم مقابلة السفارة فهما هارشين الحوارات دي

وخلي بالك لو ربنا وفقك وسافرت متحاولش تكسر فترة ال 6 اشهر لأنك لو عملتها ورجعت مصر حبيت تسافر تاني بتتحط بلوك 10 سنين متعرفش تدخل امريكا تاني

طيب كل دي معلومات كويسة .
ومحتاج شوية توضيح علي ايجابتك

هل لو حد لية قريب ممكن يعمل لة اية هناك ؟
هل تعرف مثلا الرصيد في البنك ممكن يكون كام ؟
هل كل الروابط الي انت ذكرتها هاتكون دي بس ولا في حاجات كمان ؟
هل ممكن مثلا صديقي يبعتلي عقد عمل لمدة سنة هناك في شركة ويكون الموضوع اسهل ؟

[أحمد كمال]

بص يا سيدي هاجيب لك الزيتونة

باختصار تاشيرة الزيارة لازم تثبت للضابط القنصلي الاتي

1- روابط قوية جدا جدا جدا تخليك ترجع مصر في ميعادك

2- قدرة على تحمل التكاليف المادية للرحلة

و ده بيتحل ازاي؟

1- حساب بنك ...... مش مجرد رصيد ...... لا... كشف حساب 6 شهور و باين فيه عمليات ايداع و سحب (و لو انت موظف يبقى مرتبك بيتحول من شركتك في ميعاده و يبقى الرقم نفس - او قريب جدا - من الرقم اللي في شهادة المرتب)

2- شهادة مرتب من شركتك لو موظف

3- اي املاك باسمك ....... شقق اراضي شركات الخ الخ الخ

4- لو متجوز او مخلف ييبقى القسيمة و شهادات ميلاد الاولاد

5- لو مسافر تحضر كورس او مؤتمر الخ الخ لازم تجيب له دليل على حضورك (دعوة, تسجيل ..... الخ)

6- لو مسافر سياحة تجيب حجوزات الفندق و الطيران

7- لو مسافر عند صديق او قريب تجيب اسمه و عنوانه (و بالمناسبة ........ لو ابوك نفسه مواطن امريكي ده مش ضمان انك تاخد تاشيرة الزيارة)

8- لو مسافر للعلاج يبقى تجيب مراسلاتك مع المستشفى او العيادة و ما يثبت قدرتك على تحمل رسوم العلاج سواء فلوس او تامين صحي دولي ..... و التقارير الطبية طبعا



بالنسبة لاسئلتك

هل لو حد لية قريب ممكن يعمل لة اية هناك ؟
هل تعرف مثلا الرصيد في البنك ممكن يكون كام ؟
هل كل الروابط الي انت ذكرتها هاتكون دي بس ولا في حاجات كمان ؟
هل ممكن مثلا صديقي يبعتلي عقد عمل لمدة سنة هناك في شركة ويكون الموضوع اسهل ؟
__________________

1- قريبك و لا يقدر يعمل لك حاجة غير بس انه يقول انك هتقعد في بيته و يوفر عليك الفندق

2- الرصيد مش مهم بقدر ما تاريخ الحركات و التعاملات عالحساب زي ما قلتلك

3- كل ما تقدر تجيب روابط اكتر يبقى احسن

4- مفيش حاجة اسمها صديقك يبعت لك عقد عمل ...... الشركة اللي بتعينك هي اللي بتقدم لك على تاشيرة اسمها h1b (تاشيرة عمل مش زيارة) و دي موال اسود و مش سهلة خالص في امريكا ......

لو عاوز اسافر امريكا . اعمل اية ؟ (زيارة لمدة 3 شهور)
في ناس بتقول لازم يكون عندك رصيد كبير في البنك ؟
وناس بتقول انسا مش هاتعرف .
وناس بتقول اجرائات صعبة جدا .
وناس بتقول لازم تكون هجرة مش تروح كام سنة او كام شهر وترجع .
وناس بتقولي سافر الاول اي دولة في اوربا عشان يكون معاك التاشيرة وبعدها ممكن تروح امريكا بشكل اسهل .

1- حقيقي ان لازم رصيد ...... الا لو مسافر رحلة عمل و موظف في شركة كبيرة بمرتب كبير
2- مفيش حاجة اسمها انسى مش هتعرف لان امريكا بالذات بختك يابو بخيت
3- الاجراءات مش سهلة فعلا لانك مش طالع عمرة :)
4- مفيش حاجة اسمها لازم هجرة (لو غرضك فعلا زيارة مش رايح بزيارة عشان ترشق !)
5- لو عندك سفريات اوروبا اكيد اكيد هيبقى موقفك احسن ...... بس اوروبا برضه مش جمصة و لا راس البر :) ...... برضه بيطلبوا منك بلاوي زرقة عشان الفيزا

يعني ايه يكسر فترة 6 شهور ؟؟

يعني التاشيرة الخمس سنين مش معناها تقعد في امريكا 5 سنين ...... يعني خلال الخمس سنين ممكن تروح كذا مرة و كل مرة بيتحدد لك في المطار هناك وقت وصولك فترة اقامة لا تتجاوز 6 شهور (و ممكن اقل) و ما ينفعش تكسرها

السلام عليكم ورحمة الله وبركاته

تأشيرة أمريكا بتكون 5 سنين وليك في كل مره تقعد 6 شهور متواصل

مش شرط ....... على مزاج الظابط القنصلي (ممكن يديهالك خمس سنين و ممكن سنة بس ...... ممكن دخول متعدد و ممكن واحد بس ) و على مزاج ضابط الهجرة في المطار (ممطن ما يديكش 6 شهور يديك شهر بس في المطار)

بس في العادي 5 سنين و الاقامة 6 شهور في المرة فعلا

[eslamrace]

طيب سؤال بقى لخبراء الموضوع ده بالذات لانى بصراحه مش لاقى حد يفيدنى ولا ينصحنى غير اخواتى هنا .
الموضوع باختصار انى معايا فيزا علاج لامريكا من 17/12/2008 وروحت هناك لمده 3 شهور عند قرايبى وموضوع العلاج اجلته شويه علشان الدراسه لان لقيت الموضوع حيطول وخصوصا انى كنت قاعد عند قرايبى وحاليا الفيزا باقى عليها 7 شهور المشكله دلوقتى انى الحمد لله هنا مستوايا الاجتماعى كويس مش وحش بس الاحوال والمعامله مع الناس مختلفه تماما بين البلدين وانا مش محبذ فكره السفر لان برضه الغربه صعبه للى جربها بس فى نفس الوقت شايف العيشه فى امريكا حلوه برضه وافضل اكيد من هنا بس اكيد مش حكون عايش فى نفس المستوى الاجتماعى وحستحمل حاجات كتير هناك لانى مش حقعد عند قرايبى هناك تانى ممكن اخد مكان جنبهم فبرضه حتى لواشتغلت هناك اى شغلانه خصوصا انى معيش اقامه او جرين كارد فحيبقى التكاليف عاليه جدا
فمع اغفال حكايه العلاج لان الموضوع حياخد وقت طويل والواحد اتأقلم معاه هنا فممكن نقلل من اهميته فى اتخاذ القرار
فالسؤالين المهمين بعد كل ده
1* ايه رايكم اسافر دلوقتى واستحمل الوضع هناك خصوصا ان الفيزه قربت تخلص والفرص لا تتكرر كثيرا خصوصا انى عرفت ان تجديد الفيزا من هناك اسهل خصوصا لو بدأت العلاج؟
2* لو حبيت اجدد الفيزا من هنا بحيث تفضل الفرصه متاحه لحين اتخاذ القرار ايه المطلوب اعمله والخطوات بالظبط واللى حيتطلب منى فى السفاره والموضوع حيكون سهل ولا صعب لان الموضوع فى المره اللى فاتت كان صعب جدا علشان اقدر اخد الفيزا ؟

وحاليا الاهم السؤال التانى بالنسبالى
شكرا ليكم واسف على الاطاله واسف جدا لصاحب الموضوع على اقتحام الموضوع .

[أحمد كمال]

مفيش حاجة اسمها تجديد فيزا لامريكا ....... بتقدم على فيزا جديدة

كونك رحت و رجعت في الميعاد دي نقطة كويسة و تشفع لك في الفيزا الجديدة بس مش قاعدة برضه

واخد صاحبي اول مرة طلعها بصباع رجله و راح خلال المدة بتاع 5-6 مرات و كلهم رجع في الميعاد ........ في التجديد (مجازا لان زي ما قلت لك هو مش تجديد) طلعوا بوز أهله بس اخدها في الاخر

[eslamrace]

مفيش حاجة اسمها تجديد فيزا لامريكا ....... بتقدم على فيزا جديدة

كونك رحت و رجعت في الميعاد دي نقطة كويسة و تشفع لك في الفيزا الجديدة بس مش قاعدة برضه

واخد صاحبي اول مرة طلعها بصباع رجله و راح خلال المدة بتاع 5-6 مرات و كلهم رجع في الميعاد ........ في التجديد (مجازا لان زي ما قلت لك هو مش تجديد) طلعوا بوز أهله بس اخدها في الاخر

اشكرك على التوضيح يعنى استنى لما الفيزا تنتهى خالص واقدم من جديد واحمل الابليكيشن من النت ولا بيكون فى ابليكيشن مختلف
ومعلش كنت حابب اعرف لما اقدم من جديد اقدم على فيزا علاج برضه ولا زياره وهل الورق القديم اللى معايا حينفع اتقدم بيه ولا لازم اجيب مراسلات جديده من هناك وهل اسهل انى اسافر احسن دلوقتى واجددها من هناك ولا مش حتفرق وشكرا ليك على الرد واسف على الاطاله .