اشمعنا الجزيرة ؟

[mahmoudysf]

معاك حق الجزيرة بتشعلل لاكن cbc/ontv بتطفي هههههههههه

[mahmoudysf]

مش عارف أشوفها الارسال قاطع. تفتكر جايبه أخبار عن تفجير مديريه أمن المنصوره؟ يلا يا سيدي أهي الجماعه انتقمت للاخوات اللي ماتو ولحد دلوقتي الطاق 4.

قال اية بقى يا جماعة

قناة الفراعين واون تى فى وسى بى سى

اللى عمرهم ما غطوا مظاهرات مؤيدة للرئيس مرسى
... ...
رايحين النهاردة يغطوا مظاهرات الدقهليه

اووووووووم اية يشاء السميع العليم ان مدرية الامن تنفجر

وهما هناك فا يصوروا الانفجار من اوله بقى وكدة يعنى
------------------------------
بدات الحركات القرعة بتاعت الستينات قال إيه : تفجير مديرية أمن الدقهلية و الفاعل الإخوان
خد عند الملاحظات دي :
1- اختيار المنصورة للتغطية على حادثة قتل 4 نساء مصريات !!! و لتبرير إجرامهم في المنصورة
2- من الطريف أنها قنبلة يدوية ألقيت على كشك الحراسة ... يعني شغل عيال ... حتى مش تفجير كبير يبرر روح الانتقام
... 3- في نفس اللحظة تتواجد قناة السي بي سي التي تعرف الغيب و تتوقع الأحداث قبل وقوعها .
4- في وقت التفجير لم يوجد ضابط واحد ... و هي من المصادفات الغريبة فيا سبحان الله .
5- دائما الضحايا من العساكر الغلابة فقد أصيب منهم أربعة .
6- أخيراً قمة الهبل ... تظهر صفحة منسوبة للإخوان تعلق على الحادث ( الله اكبر و لله الحمد فقد تم تفجير مبنى مديرية أمن الدقهلية .. هذه هي البداية يا سيسي ) شوفوا بالله عليكم الهبل ... إن الجاني المفترض يطلع يعترف بكل بساطة ... و بعدين بدلا من أن يقول كشك في منزل قديم مجاور للمديرية يطلع يقول ( تم تفجير مديرية الأمن )
7- ثم يتجمع على الفور الثلاثي المرح ( الجيش - الشرطة - البلطجية ) لتبدأ مسيرة الكفاح ضد الإخوان و قد وجدوا ذريعة اصطنعوها للنيل منهم

... ببساطة شغل أفلام أبيض و أسود
نقول تاني ولا كفاية كدة

[فتح الباب]

طيب لية يا جماعة يوم 30/6 مكنتش مصورة الا رابعة بس ؟؟؟؟؟؟؟؟؟؟

مثلا

[mr_green]

أنا متابع للجزيرة تقريبا من 98-1999 و الحق يقال هى أكثر محطة إخبارية محترفة و محترمة و تنقل الرأى و الرأى الآخر

و يوم 30-6 كانت مغطية المؤيدين و المعارضين سواء

ليه الناس بتشوف إنها بتحابى الإخوان ؟؟

عشان كل القنوات الأخرى المصرية + mbc + العربية إعلام موجه

فى حين إن تغطية ال bbc مقاربة نوعا ما للجزيرة

و ثورة يناير تشهد على حرفية الجزيرة و تشهد على تلون دريم و المحور و mbc + otv + cbc

هاديكم مثال صغير لما كانت دريم زمان يتعمل فواصل كرتونية ساخرة من الجزيرة و هالة سرحان تطلع تشتم فيهم :)

عمرى ما شفت دى بتحصل فى أى حتة فى الدنيا و طبعا التدنى فى المستوى ده كان يقابله تجاهل تام من الجزيرة

فى نفس الوقت يتهموا الجزيرة أنها عائمة على بحيرات أموال فى الوقت إللى ماحدش جاب سيرة cbc و النهار و غيرهم و العربية بيتمولوا منين :)

أنا إتعلمت أتابع الأخبار من مصادر متعددة و لا أقتنع بخبر إلا بعد التفكير و التحليل لأن أغلب الإعلام له أهداف سواء محلى أو إقليمى أو عالمى

[casperinoo]

كده النتيجه 10 من 35 واحد شايفينها حياديه
والباقي شايفها غير حياديه
الحمد لله كده اتطمنت :)

[Ahmed_Adham]

حتى كتير من الناس اللى الجزيرة شغاله عندهم مش بيشغلوها ( خايفين ضميرهم يصحى ).

واللي ضميرهم صاحي عملو ايه؟ انتخبو مرسي الاستبن وبديع القرداتي بتاعه ولما اتخلع شالو سلاح وبقو يتقلو في المدنيين والعساكر من جيش وشرطه وبيقولو عليه جهاد. من امتى وقتل المسلمين الموحدين بالله جهاد؟ طب مينفعش جهاد مع اليهود أولى؟ وفي الاخر كل دول بيموتو من الطرفين ليه؟ عشان مرسي وولاده وأحفاده يتنعمو في قصور الرئاسه والعز والنغنغه انما شغل مفيش.

لاء يا سيدي أنا هسين ضميري نايم ومتغطي أحسن ما أقابل ربنا وايدي عليها دم انسان.

[Ahmed_Adham]

كده النتيجه 10 من 35 واحد شايفينها حياديه
والباقي شايفها غير حياديه
الحمد لله كده اتطمنت :)

المفروض أصلا في الاعلام مفيش حاجه اسمها حياد. أي جهه اعلاميه دايما بتتبنى موقف واتجاه معين تدعمه وده اللي موجود في العالم كله كل قناه بتحاول تاخد الناس في اتجاه معين وده مش عيب لأن كل واحد حر في رأيه والمشاهد في الاخر بيختار هوه عايز يشوف ايه لكن العيب ان ناس تفتكس وتعمل اختراع جديد اسمه الاعلام المحايد بس ده مش جديد لأن فيه ناس حابه انها تعيش في فقاعه معزوله عن الواقع من أول ما بدأت حمله تمرد بيتريقو ويقللو من حجمها ولما دعت لمظاهرات قالو هينزل 20 واحد ويروحو بعد ساعه وحتى بعد ما الملايين نزلت قالو مش هينزلو تاني وحتى بعد ما نزلو كل يوم وانخلع الاستبن عندهم أمل يرجع. هوه بجد هيرجع؟ أيوه ممكن بس لما يطلع السادات من تربته.

لما يكون ده شكل صفحه أخبار مصر امبارح في موقع القناه مينفعش نقول انها محايده



وده شكلها دلوقتي مصر .. تحديات الديمقراطية



واضح جدا ان الاخبار كلها من اتجاه واحد وده العادي من كل القنوات في العالم فمحدش يحاول يوهمنا ب "الحياد" لأنه سراب.

[A_H_M_A_D]

مش قادر اصدق التعليقات المكتوبة دي , انتو فعلا شايفين الجزيرة قناة حيادية و بتجيب الحقيقه زي ماهي

ولا عشان هي بتجيب اللي فصيل معين (بدون ذكره) عايز يشوفه و يسمعه و يصدقه و مايصدقش غيره كده بقت حياديه ,

يا راجل ده كفايه تقرا المسجات المبعوته و اللي كلها بتصب في اتجاه واحد فقط لا غير عشان تتأكد قد ايه هم فعلا حياديين جدا

[SaSa.FireBlade]

حتى كتير من الناس اللى الجزيرة شغاله عندهم مش بيشغلوها ( خايفين ضميرهم يصحى ).

يا راجل خايفين ضميرهم يصحى طيب ولية الناس الى مبتتفرجش الا على الجزيرة ميفكروش يفتحوا السى بى سى او النهار او اى احاجة من دى خايفين يشوفو الحقيقة بضروا بوص حضرتك بدل ما تدافع كدة بقلب جامد قولى اية الى كان عجبك فى حكم مرسى عمل اية مفيش حاجة عملها فى سنة حكموا نفت البلد بل كل حاجة عملها ضرت البلد ورجعنا لورا

[Ahmed_Adham]

يا راجل خايفين ضميرهم يصحى طيب ولية الناس الى مبتتفرجش الا على الجزيرة ميفكروش يفتحوا السى بى سى او النهار او اى احاجة من دى خايفين يشوفو الحقيقة بضروا بوص حضرتك بدل ما تدافع كدة بقلب جامد قولى اية الى كان عجبك فى حكم مرسى عمل اية مفيش حاجة عملها فى سنة حكموا نفت البلد بل كل حاجة عملها ضرت البلد ورجعنا لورا

ولزمته ايه الرغي في الفاضي. هما مش محتاجين يقنعونا ان مرسي كان كويس لأن اللي حصل كان واقع واتحقق وكل الناس عارفاه خلاص. هما محتاجين يقنعونا ليه ممكن حد ينتخب اخواني بعد كده. الكلام يبقى على اللي جاي مش اللي فات.

[mr_vampire]

واللي ضميرهم صاحي عملو ايه؟ انتخبو مرسي الاستبن وبديع القرداتي بتاعه ولما اتخلع شالو سلاح وبقو يتقلو في المدنيين والعساكر من جيش وشرطه وبيقولو عليه جهاد. من امتى وقتل المسلمين الموحدين بالله جهاد؟ طب مينفعش جهاد مع اليهود أولى؟ وفي الاخر كل دول بيموتو من الطرفين ليه؟ عشان مرسي وولاده وأحفاده يتنعمو في قصور الرئاسه والعز والنغنغه انما شغل مفيش.

لاء يا سيدي أنا هسين ضميري نايم ومتغطي أحسن ما أقابل ربنا وايدي عليها دم انسان.

بص يااستاذ احمد. انا مش هعلق علي الهجوم اللي بيتم علي مديريات الامن او اقسام الشرطة دلوقتي لان لسة محدش متاكد مين اللي بيهاجم.

بس انا محتاج من حضرتك لحظة تفكير بالمنطق كدة علي ارض الواقع. هل تفتكر ان الاخوان بالغبااااااااااء ده انهم يعطو اللي بيتمنولهم الوقوع فالخطا الفرصة لاظهارهم انهم قتلة وبيقتلو فالابرياء والشرطة والجيش ويروحو يهجمو عالاقسام وامديريات الامن ؟؟؟؟؟؟؟

هل تعتقد ان الاخوان بالغباء ده انهم ينشرو علي صفحات نت اقاويل من عينة ( ده اولها ياسيسي ولسة هتشووووووف ).

- وفي جزئية حمل السلاح لما اتخلع وبقو يقتلو الابرياء ... مسمعناش نقد يعني عن البلاك بلوك لما رفعت السلاح وكان الاعلام واغلبية المعارضين شايفينه عاااااااااااااااادي. ولما كانو بيقتلو ويسحلو اي حد ملتحي او يشتبه في مظهره الخارجي انه سلفي او اخواني.

مش دول برده يعتبرو مواطنين ابرياء ؟؟؟؟؟!!!!!!!!!!!!

او لما حرقو مدرعات بعساكرها ( ولا العساكر دول غير العساكر اللي بيتقتلو فالمدريات ).

قليل من الانصاف يرحمكم الله.

[Ahmed_Adham]

بص يااستاذ احمد. انا مش هعلق علي الهجوم اللي بيتم علي مديريات الامن او اقسام الشرطة دلوقتي لان لسة محدش متاكد مين اللي بيهاجم.

بس انا محتاج من حضرتك لحظة تفكير بالمنطق كدة علي ارض الواقع. هل تفتكر ان الاخوان بالغبااااااااااء ده انهم يعطو اللي بيتمنولهم الوقوع فالخطا الفرصة لاظهارهم انهم قتلة وبيقتلو فالابرياء والشرطة والجيش ويروحو يهجمو عالاقسام وامديريات الامن ؟؟؟؟؟؟؟

هل تعتقد ان الاخوان بالغباء ده انهم ينشرو علي صفحات نت اقاويل من عينة ( ده اولها ياسيسي ولسة هتشووووووف ).

- وفي جزئية حمل السلاح لما اتخلع وبقو يقتلو الابرياء ... مسمعناش نقد يعني عن البلاك بلوك لما رفعت السلاح وكان الاعلام واغلبية المعارضين شايفينه عاااااااااااااااادي. ولما كانو بيقتلو ويسحلو اي حد ملتحي او يشتبه في مظهره الخارجي انه سلفي او اخواني.

مش دول برده يعتبرو مواطنين ابرياء ؟؟؟؟؟!!!!!!!!!!!!

او لما حرقو مدرعات بعساكرها ( ولا العساكر دول غير العساكر اللي بيتقتلو فالمدريات ).

قليل من الانصاف يرحمكم الله.

طب سيبك من مديريات الامن وسيبك من الهجوم كمان على التحرير مرتين وسيبك من أي حادثه ممكن نختلف في تأويلها وزي ما بتقول صفحات الاخوان انه شغل أمن الدوله وان دول مش اخوان. تهديدات حجازي والبلتاجي وعاصم دي كمان فيها تأويل؟ دي كمان تبع أمن الدوله؟ اللي بيهدد غلطان حتى لو منفذش لأنه كده غطى على اللي هينفذ ويلبسه الجريمه وده في القانون يعني لو أنا هددتك وناس شهدو عليا وبعدين حصلك مكروه هكون أنا أول المتهمين بطبيعه الحال. هعوم على عومك وعوم المرسيين ان مش هما اللي عملو كده بس مادام هددو يتحملو مسءوليه تهديداتهم. ده برضه بافتراض انهم ملهمش يد في الحوادث اللي بتحصل كل يوم مع ان البلتاجي قالها صريحه مش هتقف العمليات في سينا الا لما مرسي يرجع الحكم واسمعها من بقه عشان متقولش اني بفتري

‫البلتاجي : العمليات ضد الجيش بسيناء لن تتوقف الا بعودة مرسي‬‎ - YouTube


بالنسبه للصفحه اللي بتقول عليها. أنا عارف طبعا ان الصفحه دي فشنك وعلى فكره أنا كل ما أشوف تويته (زي بتاعت ابو الفتوح النهارده) متشيره بشكل صوره على الفيسبوك بدخل تويتر وأتأكد من وجودها ومصداقيه الاكونت اللي قالها قبد ما أعتمدها كمعلومه في تفكيري ومناقشاتي وعارف برضه ان فيه صفحات كبيره بتتسرق زي صفحه "منتدى شباب الاخوان المسلمين" اللي اتسرقت وبقى يتكتب عليها كلام غريب. طبعا مش كل الناس عندها القدره على تأكيد مصداقيه الاكونتات على تويتر ولا الفيس بوك بس النوع ده من الناس متقدرش تستشهد بيه لأن الطرف بتاعك عنده القدره على استغلاله بنفس الشكل يعني زي ما فيه ناس ضد الاخوان بتشوه فيه برضه ناس من الاخوان بتشوه وبتستقطب بنفس الطريقه بتزوير صور أطفال مقتوله في سوريا على انهم اتقتلو في احداث الحرس الجمهوري وأكيد انت شوفت من الصور دي كتير وأكيد برضه اتاكدت انها متصوره في سوريا ومنشوره في مواقع أخبار كتير بتاريخ قديم. ولو مشوفتش ممكن أشوفلك شويه يأكدو المثال.

تعالى بقى نخرج من الدايره دي كلها ونرجع ليوم أخر خطاب لمرسي. أنا لو مكانه هخرج بشكل سلمي وموقفش جانبين من شعب أنا بحكمه يقتلو في بعض. مبارك عمل كده وانت عارف كويس جدا جدا انه لو عايز يهرب كان هرب وبدل الدوله 100 دوله كانو هيستقبلوه. مرسي والجماعه كان انانيين جدا هما كده كده عارفين انهم انتهو على الاقل سياسيا وفيه احتمال لمحاكمات وسجن زي زمان بس هما اختارو انهم ميروحوش لوحدهم ويشدو مؤيدينهم معاهم بأنانيه مفرطه واختارو يدخلو حرب هما متأكدين كويس انهم هيخسروها. مش القائد اللي يختار يدخل حرب 100% خسرانه ده يتحاسب على أوراح مؤيدينه اللي أقنعهم بأنهم يساندوه وان مساندتهم له "جهاد"؟ على أساس انه بيحارب كفار مشركين مش مسلمين زيه وربنا لوحده اعلم مين عند ربنا أحسن من مين. بيبقى اتنين واقفين في المسجد بيصلو كتفهم في كتف بعض تشوفهم تقول هياخدو نفس الثواب بس في الحقيقه ممكن واحد منهم يكون منافق بيصلي في المسجد عشان ياخد انطباع التدين من الناس يستغله في تجارته ومعاملاته وممكن حتى يكون سرحان ومش مركز في صلاته.

أتمنى أسمع رأيك في تصرف مرسي والجماعه قدام موقف 30 يونيو ولو شايفه صح تقولي ايه الصح فيه وتتصور هينتهي الموقف لصالحهم ازاي. يعني هل العنف ده هيخلي الجيش يرجع في كلامه ويتأسف لمرسي مثلا؟ ولا تفتكر "المجاهدين" هيفضلو يحاربو لحد ما ينتصرو على الجيش عسكريا؟ ولا تفتكر تكرار العنف هيجيب تدخل اجنبي يوقف الجيش عند حده ويرجع مرسي للسلطه مثلا؟ أنا قبل 30 يونيو بفتره استبعدت في مشاركه هنا أي مواجهه بين الاخوان والجيش لأنها بالتأكيد هتنتهي بهزيمه الاخوان لأن فيه فرق شاسع بين الجيوش المنظمه وحروب الشوارع اللي بتعملها المليشيات بس نفسي أفهم ايه السيناريو اللي عايزين المؤيدين يوصلوله خصوصا المؤيدين السلميين زي المؤيدين هنا في المنتدى اللي زي حالاتي كده لو نزلو مظاهره بينزلو بدون سلاح ومعندهمش نيه لأي عنف لأن ببساطه ملهمش فيه. شايف السيناريو ايه لرجوع مرسي او الاخوان عموما للحكم؟

[Khaled_Nowaihy]

هل تفتكر ان الاخوان بالغبااااااااااء ده انهم يعطو اللي بيتمنولهم الوقوع فالخطا الفرصة لاظهارهم انهم قتلة وبيقتلو فالابرياء والشرطة والجيش ويروحو يهجمو عالاقسام وامديريات الامن ؟؟؟؟؟؟؟

هل تعتقد ان الاخوان بالغباء ده انهم ينشرو علي صفحات نت اقاويل من عينة ( ده اولها ياسيسي ولسة هتشووووووف ).

الظاهر حضرتك ما بتتفرجش على قناة الجزيرة والقدس خالص
ما كنتش قلت الكلام ده

[mr_vampire]

طب سيبك من مديريات الامن وسيبك من الهجوم كمان على التحرير مرتين وسيبك من أي حادثه ممكن نختلف في تأويلها وزي ما بتقول صفحات الاخوان انه شغل أمن الدوله وان دول مش اخوان. تهديدات حجازي والبلتاجي وعاصم دي كمان فيها تأويل؟ دي كمان تبع أمن الدوله؟ اللي بيهدد غلطان حتى لو منفذش لأنه كده غطى على اللي هينفذ ويلبسه الجريمه وده في القانون يعني لو أنا هددتك وناس شهدو عليا وبعدين حصلك مكروه هكون أنا أول المتهمين بطبيعه الحال. هعوم على عومك وعوم المرسيين ان مش هما اللي عملو كده بس مادام هددو يتحملو مسءوليه تهديداتهم. ده برضه بافتراض انهم ملهمش يد في الحوادث اللي بتحصل كل يوم مع ان البلتاجي قالها صريحه مش هتقف العمليات في سينا الا لما مرسي يرجع الحكم واسمعها من بقه عشان متقولش اني بفتري

مش هعلق علي كلام بلتاجي او غيره لانهم بالنسبالي ملهمش اي قيمة لاني اصلا مش بايد الشرعية بناء علي كلامهم.


بالنسبه للصفحه اللي بتقول عليها. أنا عارف طبعا ان الصفحه دي فشنك وعلى فكره أنا كل ما أشوف تويته (زي بتاعت ابو الفتوح النهارده) متشيره بشكل صوره على الفيسبوك بدخل تويتر وأتأكد من وجودها ومصداقيه الاكونت اللي قالها قبد ما أعتمدها كمعلومه في تفكيري ومناقشاتي وعارف برضه ان فيه صفحات كبيره بتتسرق زي صفحه "منتدى شباب الاخوان المسلمين" اللي اتسرقت وبقى يتكتب عليها كلام غريب. طبعا مش كل الناس عندها القدره على تأكيد مصداقيه الاكونتات على تويتر ولا الفيس بوك بس النوع ده من الناس متقدرش تستشهد بيه لأن الطرف بتاعك عنده القدره على استغلاله بنفس الشكل يعني زي ما فيه ناس ضد الاخوان بتشوه فيه برضه ناس من الاخوان بتشوه وبتستقطب بنفس الطريقه بتزوير صور أطفال مقتوله في سوريا على انهم اتقتلو في احداث الحرس الجمهوري وأكيد انت شوفت من الصور دي كتير وأكيد برضه اتاكدت انها متصوره في سوريا ومنشوره في مواقع أخبار كتير بتاريخ قديم. ولو مشوفتش ممكن أشوفلك شويه يأكدو المثال.

برده الاخوان مش بالغباء المتكرر دددددده انهم يجيبو صور وهما عارفين ان اصغر عيل يقدر يطلع تاريخها ومكانها من عالنت. لا وكمان يكررو الفضيحة ده بعد ماعرفو ان الناس عرفتها. تعقلها حضرتك ؟؟؟؟؟؟؟

تعالى بقى نخرج من الدايره دي كلها ونرجع ليوم أخر خطاب لمرسي. أنا لو مكانه هخرج بشكل سلمي وموقفش جانبين من شعب أنا بحكمه يقتلو في بعض. مبارك عمل كده وانت عارف كويس جدا جدا انه لو عايز يهرب كان هرب وبدل الدوله 100 دوله كانو هيستقبلوه. مرسي والجماعه كان انانيين جدا هما كده كده عارفين انهم انتهو على الاقل سياسيا وفيه احتمال لمحاكمات وسجن زي زمان بس هما اختارو انهم ميروحوش لوحدهم ويشدو مؤيدينهم معاهم بأنانيه مفرطه واختارو يدخلو حرب هما متأكدين كويس انهم هيخسروها. مش القائد اللي يختار يدخل حرب 100% خسرانه ده يتحاسب على أوراح مؤيدينه اللي أقنعهم بأنهم يساندوه وان مساندتهم له "جهاد"؟ على أساس انه بيحارب كفار مشركين مش مسلمين زيه وربنا لوحده اعلم مين عند ربنا أحسن من مين. بيبقى اتنين واقفين في المسجد بيصلو كتفهم في كتف بعض تشوفهم تقول هياخدو نفس الثواب بس في الحقيقه ممكن واحد منهم يكون منافق بيصلي في المسجد عشان ياخد انطباع التدين من الناس يستغله في تجارته ومعاملاته وممكن حتى يكون سرحان ومش مركز في صلاته.

- اولا خلينا متفقين علي حاجة . مبارك مطلعش بسلمية. ده طلع بعد 18 يوم حصل فيهم قتل ودهس للناس فالشوارع علي ايد ناس بتحمي بقاءه فالرئاسة. ولما خرج مخرجش بمزاجه كدة والا كان عملها مع وقوع اول قتيل مادام عايز مصلحة البلد وارواح مواطنيه . والهروب مبارك اعند من انه يعملها ويظهر بصورة الهربان من بلده و خصوصا ان مكنش فالحسبان خخخخخخخالص انه يتحاكم ويترمي فالسجن. واحنا كشعب مكناش مصدقين اصلااااااااااا ان يوم محاكمته ممكن يظهر فالقفص.

أتمنى أسمع رأيك في تصرف مرسي والجماعه قدام موقف 30 يونيو ولو شايفه صح تقولي ايه الصح فيه وتتصور هينتهي الموقف لصالحهم ازاي. يعني هل العنف ده هيخلي الجيش يرجع في كلامه ويتأسف لمرسي مثلا؟ ولا تفتكر "المجاهدين" هيفضلو يحاربو لحد ما ينتصرو على الجيش عسكريا؟ ولا تفتكر تكرار العنف هيجيب تدخل اجنبي يوقف الجيش عند حده ويرجع مرسي للسلطه مثلا؟ أنا قبل 30 يونيو بفتره استبعدت في مشاركه هنا أي مواجهه بين الاخوان والجيش لأنها بالتأكيد هتنتهي بهزيمه الاخوان لأن فيه فرق شاسع بين الجيوش المنظمه وحروب الشوارع اللي بتعملها المليشيات بس نفسي أفهم ايه السيناريو اللي عايزين المؤيدين يوصلوله خصوصا المؤيدين السلميين زي المؤيدين هنا في المنتدى اللي زي حالاتي كده لو نزلو مظاهره بينزلو بدون سلاح ومعندهمش نيه لأي عنف لأن ببساطه ملهمش فيه. شايف السيناريو ايه لرجوع مرسي او الاخوان عموما للحكم؟

بصراحة بالرغم من تاييدي للشرعية وليس للشخص. بقول ان الخطا اللي حصل هو خطا تراكمي. بداية من مرسي انه تجاهل كل الحشود الرافضة ليه بس هو بنسبة كبيرة بيعتمد علي بقائه بشرعية وكمان مينفعش يخزل مؤيديه فالشارع اللي نازلين لبقائه ويقوم هو يقول انا همشي. انا اول واحد كنت هقوله عايز تمشي امشي بس لما تبقي جيت بصوتي يبقي تحترم صوتي وتكمل... تخيل نفسك مكانه كدة هتلاقيها متنفعش حضرتك ؟؟؟؟
والخطا التاني من السيسي انه تجاهل كل المؤيدين ( حتي لو المعارضين اكثر عددا ) مش دول مصريين برده وليهم طلبات ومن حقهم تتنفذ.

الحل من وجهة نظري كان هيبقي بايد السيسي مش بايد مرسي ( لان اي حلول عن طريق مرسي كانت هتبقي مرفوضة وسقف الطلبات هيعلي ... زي ماكان مبارك بيقول همشي بعد 6 شهور كدة والناس تقوله لا دلوقتي ) ... فكان الحل الامثل ان السيسي يعلن عن ( استفتاء ) علي انتخابات مبكرة ولا لاء ( نعم ----- لا ) وقبل النتيجة الكل ملتزم باحترام النتيجة ايا كانت.

( نعم ) ::: يبقي الرئاسة والحكومة تكمل تسيير اعمال واجراءات انتخابات رئاسية تتم فوراااااااا .... ومكناش هنخسر كتير لان دلوقتي اصلا ولا الرئيس المؤقت عمل حاجة ولا حكومته منتظر منها تعمل حاجة ( الوزارات اللي كان فيها مشاكل :: داخلية - بترول - كهربا - متغيروش علي فكرة )

( لا ) ::: يبقي يكمل مدته والشعب يتحمل اختياره عشان يتعلم بعد كدة يختار صح. ومحدش يفتح بقه تاني لحد مالمدة تنتهي وييجي معاد الانتخابات التالية.

متهيالي ده اللي بيحصل في الدول اللي عايزة تحترم تفسها وتحط اسس للدولة. انما هتمشي بمبدء البقاء للاقوي وقدرة الحشد يبقي مش هنخلص.

[mr_vampire]

الظاهر حضرتك ما بتتفرجش على قناة الجزيرة والقدس خالص
ما كنتش قلت الكلام ده

ياريت حضرتك يااستاذ خالد تقولي اللي انا مشفتوش ممكن اكون مخطيء.