متاعب المهنة !!!!!!!

[monamize4]

اسمحلى اختلف معاك .... للأسف السياسة فى مصر اقذر واعفن بكتير

انا بعتقد كدة برضة

[ramymechanics]

العبد لله مهندس فى شركات بترول فى الصحارى والبحار .. المتاعب طبعا ظروف الجو القاسية غير ان الشغل مش بيفرق بين رمضان وعيد أو بين صبح وليل سواء الجو زعابيب او بتمطر تلج .. كل دة بقا مقدور عليه .. اللى مش مقدور عليه الناس اللى بتبقى فوقيك وهى مش فاهمة اى حاجة وبتجادل وخلاص وتطلع روحك وانت مضطر تستحملهم وتدلعهم عشان الزبون دايما على حق

[SaSa.FireBlade]

طب اية يا جماعة محدش دخل قال حاجة غير اتنين تلاتة فين الباقى وممنوع الكلام فى السياسة فى الموضوع دة لو سمحتو ا

[prof2013]

انا اخصائي اجتماعي في المدرسه الابتدائيه وبشوف بلاوي من الاطفال في المدرسه يعني تلاقي العيال لسه في سنه اولى ابتدائي وتسرق اللي ييجي يقولي الواد فلان سرق مني القلم واللي سرق مني فلوس واللي واللي ... وعيال بتبقى معروفه بالشكل اجيب الواد واحلفه انه يعترف واوعده اني مش هضربه يفضل يحلف بحلفانات الدنيا انه مسرقش والعيال كلها شاهده عليه يعني سرقه وكذب دا غير العيال بتوع سنه رابعه وخامسه اللي بييجيوا يشتكوا بسبب البنات اللي بيضربوهم هههههههههه يعني محمد صبحي مكدبش في المسرحيه بتاعته اللي كان عامل فيها ست مش فاكر اسمها ايه المسرحيه
ملحوظه : كل اسره تربي ابنائها على قوه الشخصيه والرجوله والا هنلاقي بعد كده البنات هي اللي بتقدم في الجيش هههههههههه