الي يحبس حد في قبر ... ويقلك ده هزار ياترى عقوبتوا. أية !!

[Y a r i s]

ماهو ده الي بنقول عليه وعلى فكرة لمن هيفاء وهبي راحت على الكرفان بتعها
وقالها بنهزر معاكي قالتلوا. ابقى قول الكلام ده للمحامي بتاعي .... يبقى منين عارفه انها بتتصور ... انا مش قادر اقتنع. انو ده تمثيل ... بس الي دحكني الواد سعد الصغير لمن شاف تعبان على الحيط قلع فردة الجزمة وراح يضربوا على الحيطة هههههه تقولش بيضرب صورصار ماشي على الحيطة :)

[zangry]

مريض نفسيا رامز ده

[S O P H O S]

البرنامج اساسا مش حقيقي وممكن بعض الحلقات القليلة واحدة او اثنين
والكلام ده عن طريق صديق صاحبه يبقي اخوا الفنانة نشوي مصطفي
علي لسان الاخ بيقول ان المخرج بيكلم نشوي ويقولها في برنامج وكده وحاجة لطيفة مقلب خفيف علشان رمضان
وبيتم الاتفاق علي الاجر وتروح تعمل الحلقة اما بتكون عارفة المقلب او لا معرفش بصراحة
ولو تلاحظوا هتلاقوا نشوي مصطفي وعلاء مرسي علي سبيل المثال فكل المقالب تقريبا كل رمضان
والله اعلم الحقيقة فين ده الي سمعته والي مقتنع بيه
تحياتي يا عمدة ..

[Y a r i s]

حبيبي يا بوحميد احياناً بشك في الموضوع ده
لغايت ما شفت حلقة صابرين. في. رامز قلب الاسد. هيا مثلت عليه انوا اغمى عليها وكده وفي النهاية قالتلوا عليك واحد و انها قريبت محمد الحلو واتربت في السيرك ومتعودة على الاسود وعرفت انك جي تعمل فيا مقلب فعملت انا فيك الملقلب ده

[youtube]http://www.youtube.com/watch?v=ZnV0PYbODW8&sns=em[/youtube]
‫رامز قلب الأسد - صابرين‬‎ - YouTube

حبيبت قلبي صابرين .... مبددعة

[monamize4]

وزي ما انتوا عارفين شعب مصر شعب متدين واصيل نتفرج على الهيشك بيشك اه نشوف منظار اااه بس حد يتكلم عن دينا كده ولا كده لأ طبعاً ... نقاطعوا ومنتابعش اعمالوا نهائي مهما عمل. فديدو كليبات .

متتصورش يا صديقى البلاتينيوم انا مقتنع بالجملة دى ازاى

[zangry]

ياجدعان اكيد مش عارفين !! يعني هي هيفاء وهبي لو عارفة هتقعد تسب الدين طول الوقت وتقول الالفاظ الزبالة اللى اتقالت !! مظنش يعني !

بالنسبة للاخ رامز .. فهو هيموت موته بشعة :d

[Ahmed Nasser]

تم نشر الموضوع على الفيس بوك
يمكن حد كدة ولا كدة يشوفة ويوصلة للمتخلفين اللى بيعملو البرنامج دة

[besso]

ماشى ياجماعه اكيد فيه ناس بيبقوا عارفين انه مقلب على الاقل
لكن واحد زى خالد عجاج ده ده كان هايموت بجد ولو انى بردو اشك لان الناس دى بتقنعنا فى افلامها بالشخصيه اللى بتمثلها شم هايعرف يقنعنا بانه بيموت !!!!!!

لكن بجد احنا لو فى دوله محترمه تعرف يعنى ايه حقوق انسان حتى لو الناس عرافه انه مقلب بيتعمل فيها شوف كا طفل ممكن يحاول يعمل كده فى اخوه الصغير ولا حتى فى واحد صاحبه من باب انه بيهزر ماهو شاف رامز بيعمل كده

احنا لو فى دوله محترمه مكانش البرنامج ده خد تصريح بالتصوير او انه يطلع فى التليفزيون اساسا
ولو كان اتعرض كان زمان رامز ده مسجون

[mohammed dodda]

اللى هتكلم عليه ويهمنى بخصوص الموضوع ده شئ واحد وهو (القدوة السيئة)...محدش ينكر ان التليفزيون دلوقتى بقى بيشاركك فى تربية عيالك غصب عنك...افرض ياسيدى ان الليلة كلها متفبركة والناس عارفة المقلب وقابضة الثمن برضه مينكرش انها جريمة اخلاقية فى حق الاطفال والنشء ومثال حى لانحطاط الاخلاق فى البلد ولا حول ولا قوة الا بالله

[Ahmed_Adham]

أنا بقول انه تمثيل من أوله لأخره.

[besso]

حتى التمثيل لازم يكون عليه رقابه
انت لو سبت الناس تعمل الافلام اللى على هواها المجتمع هايزيد سوء وده اللى حاصل دلوقتى

[ganash]

رامز ده انسان تافه اصلا

[Y a r i s]

انتوا بتقولوا فيها انا مره كنت معدي على مدرسة ثناوية اسمها مبارك كول ببص لقيت خناقه والطريق مقفول وعيل قالع الفنيلة وواقف في الشارع وماسك سلسلة في ايد ومطوة في الايد التانية فكرني بفيلم عبدو موته او فيلم بتاع احمد السقا ابراهيم الابيض ...
ده بالفعل كان بيمثل دور ابراهيم الابيض ومستعد يشرح اي حد يوقف قداموا رغم انو مجرد طفل
بس هو جسد نفسوا في دور ابراهيم الابيض البلطجي الصايع وعايش الدور

الاطفال بطبعهم بيقلدوا بالملي .اي حاجة يشوفوها او يسمعوها .. ده حتى الكلمات المصرية القبيحة. الناس اول ما تسمعها في التلفزيون تلاقي الكلمة تتقال لاي حد وفي اي وقت دون وعي لمعناها ...
المهم ماعلينا شوفتوا حلقت النهردة جالكم كلامي اهي مها احمد وقعت من طولها وسورقت. وكانت هتروح فيها لولا ستر ربنا

سلامتك يا بيضة
بس بالزمة. بالزمة. يعني جوزها لمن يعرف ان واحد بيهزر مع مراتوا وحبسها في قبر تحت الارض
هيعمل فيه ايه ياترى هيضربوا ولا هيدحك ويقول هاهاها راحت عليكي وعليكي واحد !!!

[د.محمود صلاح]

البرنامج مصروف عياه جامد تجهيزات ومعدات واجور ... يا ترى بيلم تمنه منين ؟

[besso]

يعنى هو جوز مها كان ايه فى رامز قبل كده لما بهدلها فى رامز تعلب الصحراء ولا اسمه مش فاكر

لو كان حد بهدله وعمله فضيحه مكنش بقى موسم ورا موسم