عايز اشترى تلفون من برا حد جرب قبل كده

[iwantes350]

السلام عليكم ورحمة الله وبركاته
اولا كل سنة وانتو طيبين
ثانيا انا وبعد ما ضاع منى 3 موبايلات اولهم 5800 فى عزه و بعدها واحد سامسونج ب 400 جنيه واخر واحد ال galaxy fit ومكملش معايا 6 شهور
المهم انا اتعقدت وقلت مش هجيب تانى بس مكملتش اسبوع كامل ولقيت نفسي مش قادر اعيش من غير اندرويد ابيداااااااااااا
دلوقتى انا معايا 1000 جنيه وعايز اجيب حاجة حلوة كده بس لقيت الموضوع صعب جدا هنا فى مصر قلت اجيب حاجة استعمال من برة وكنت عايز اعرف هل في جمارك كتيرة ولا لا ولا هو مفيش اتمنى من اى حد جرب يجيب من برة او حتى من الخليج يقلي على تجربتة ودفع كام بالظبط ولو حد يعرف موبايل حلو مستعمل فىحدود الالف جنيه هنا مصر يقلي عليه ومتشكر ليكو اوى

[Patrickologyy]

السلام عليكم ورحمة الله وبركاته
اولا كل سنة وانتو طيبين
ثانيا انا وبعد ما ضاع منى 3 موبايلات اولهم 5800 فى عزه و بعدها واحد سامسونج ب 400 جنيه واخر واحد ال galaxy fit ومكملش معايا 6 شهور
المهم انا اتعقدت وقلت مش هجيب تانى بس مكملتش اسبوع كامل ولقيت نفسي مش قادر اعيش من غير اندرويد ابيداااااااااااا
دلوقتى انا معايا 1000 جنيه وعايز اجيب حاجة حلوة كده بس لقيت الموضوع صعب جدا هنا فى مصر قلت اجيب حاجة استعمال من برة وكنت عايز اعرف هل في جمارك كتيرة ولا لا ولا هو مفيش اتمنى من اى حد جرب يجيب من برة او حتى من الخليج يقلي على تجربتة ودفع كام بالظبط ولو حد يعرف موبايل حلو مستعمل فىحدود الالف جنيه هنا مصر يقلي عليه ومتشكر ليكو اوى

ممكن لو ليك حد جاى من بره يجيبلك و هايشيل الموبايل من العلبه بس و هو داخل المطار و هايعدوه عادى من غير جمارك .. نصيحه بقى تشترى اى حاجه مقفوله على شبكه at&t لو من امريكا .. تقولى ليه مقفول اقولك علشان بيبقى ب تلت سعر المفتوح .. تقولى طب اشمعنى الشبكه دى .. اقولك علشان دى اسهل شبكه تتفتح هنا فى مصر .. ممكن بقى تشوف حد يجيبلك الجالاكسى اس ٣ هايبقى ب 100 دولار يعنى قول ٧٠٠ جنيه .. و تفكه ب 100 جنيه بالكتير يبقى معاك اس ٣ ب ٨٠٠ جنيه :)
و ممكن لو حابب الجالاكسى اس ٤ هاتزود بس ٥٠٠ جنيه على الالف علشان سعره 200 دولار و قول 100 جنيه يفتحوه هنا يبقى 1500 جنيه :)
كل الكلام ده على امريكا لإن دى اللى انا عارفها الصراحه :)

[Trondo]

فعلا لو ليك حد بره مش لازم امريكا ممكن يجيب لك الجهاز معاه مش هيكون اى مصاريف
بعكس لو شحنت معا نفسك هيكون فبه تكلفه شحن و جمرك مش اقل من ٥٠٠-٦٠٠ جنيه
و الجهاز بيتاخد له موافقه من وزاره الاتصالات فى اطار روتيني ممل بس بيطلع فى الاخر عادى
و اى جهاز سامسونج بيتفك شفرته عادى لو يفضل بلاش سامسونج من امريكا علشان
بيكون مختلف شويه و مشبيكون له تعريب للجهاز

[iwantes350]

شكرا ليكم بس هو انا دورت على امازون وكله ب 700 دولار مش لاقي حاجة ممكن حد يجبلي رابط لاى تلفون يكون لوكد وسعره حنين يعنى من 100 الى 150 دولار

[Patrickologyy]

شكرا ليكم بس هو انا دورت على امازون وكله ب 700 دولار مش لاقي حاجة ممكن حد يجبلي رابط لاى تلفون يكون لوكد وسعره حنين يعنى من 100 الى 150 دولار

ما هو ده اللى أنا قلتهولك فوق .. كل إللى على أمازون ده مفتوح على كل الشبكات :)
بص هنا و إختار بقى :)
Phones, Cell Phones, Smartphones & Mobile Devices from AT&T

[iwantes350]

طب معلش انا هتعبك معايا
انا كلمت واحد صاحبي وقلتله على الكلام ده قالى قال محدش بيعرف يفتح ال at&t فى مصر وقالى على معلومة بخصوص الشركة انك لازم تعمل معاهم عقد لمدة سنتين
هل الكلام ده صح ولا لآ
معلش تعبتك معايا

[Patrickologyy]

طب معلش انا هتعبك معايا
انا كلمت واحد صاحبي وقلتله على الكلام ده قالى قال محدش بيعرف يفتح ال at&t فى مصر وقالى على معلومة بخصوص الشركة انك لازم تعمل معاهم عقد لمدة سنتين
هل الكلام ده صح ولا لآ
معلش تعبتك معايا

اول الكلام غلط طبعا .. at&t اى حد بيعرف يفتحها بسهوله جدا .. لو وقفت معاك و ال 90 مليون مافيهومش حد يفتحه .. انا هبقى افتحهولك يا عم :)
حكايه العقد حقيقيه ... هو بس هايعمل عقد الموبايل و ينزل بيه عادى .. لو حد من هناك سأله عن الموبايل او الخط هايقولهم الموبايل ضاع .. بس كده :)

[SHNORY]

خد بالك ان فيه 6 موديلات اس ثري

• Samsung
  I9300 Galaxy S III
• Samsung
  I8190 Galaxy S III mini
• Samsung
  I9305 Galaxy S III
• Samsung
  Galaxy S III I747
• Samsung
  Galaxy S III T999
• Samsung
  Galaxy S III CDMA

اول 3 منهم يشتغلوا عادي ويتعربوا
الرابع والخامس يشتغلوا عادي بس ملهمش تعريب وفيه اختلاف شويه في تردد الشبكات
السادس دا مش بيركبله خط
فلما تختار او تبعت لحد يجيبلك من بره متقولهوش اس ثري وخلاص

[Patrickologyy]

خد بالك ان فيه 6 موديلات اس ثري

• samsung
  i9300 galaxy s iii
• samsung
  i8190 galaxy s iii mini
• samsung
  i9305 galaxy s iii
• samsung
  galaxy s iii i747
• samsung
  galaxy s iii t999
• samsung
  galaxy s iii cdma

اول 3 منهم يشتغلوا عادي ويتعربوا
الرابع والخامس يشتغلوا عادي بس ملهمش تعريب وفيه اختلاف شويه في تردد الشبكات
السادس دا مش بيركبله خط
فلما تختار او تبعت لحد يجيبلك من بره متقولهوش اس ثري وخلاص

كلام صح 100% ..عندى تعليق بس ..
أول واحد ده اللى بينزل مصر اس 3 العادى ..

تانى واحد ده اس 3 مينى و صراحه خساره يتحط فيه قرش ..

تالت واحد ده اس 3 عادى خالص .. بس النسخه اللى بتنزل فى أمريكا و أوروبا .. كل الزياده عن نسخه الشرق الأوسط إنها بتشغل شبكات الجيل الرابع أو 4g اللى لسه ماجتش عندنا و بدايه الكلام إنها هاتشتغل فى مصر أول 2015 و الله أعلم ..

الرابع و الخامس و السادس دول زى بعض فى المواصفات الى حد كبير .. بس كل شبكه فى أمريكا بتحب تحط التاتش بتاعها على الموبايل و تغير إسمه بس مش أكتر !
الفروقات بينهم .. الخامس مش بيشغل شبكات الجيل الرابع ..
الرابع مانزلش منه نسخه 32 جيجا .. هو 16 جيجا بس ..
الخامس و السادس مافيهمش راديو .. الرابع بس اللى فيه ..
و أعتقد بنسبه 70% إنك لو جبت بتاع at&t هايبقى هو رابع واحد :)
و الفرق بينه و بين المصرى إنه بيشغل شبكات الجيل الرابع و إنه نازل 16 جيجا بس مافيش 32 ولا 64 و البروسيسور ثنائى مش رباعى :)
بس كده :)

[iwantes350]

متشكر جدا ليكو
استاذ شنورى والله اول مرة اخد باللى من الكلام اللى حضرتك قلته شكرا جدا ليكو يا جماعة
طيب مبدايا انا معرش حد فى اميركا هل لو طلبته من الموقع يتاع at&t هقدر اعمل موضوع العقد ولا صعب
انا ليا واحد صاحبي فى السعودية فكرت اشحن التلفون على عنوانه هناك وهو يجيبه وهو جاى عشان الجمارك
ايه رائيكم ولا اجيب حاجة مستعملة من السعودية وهو يجبها وهو نازل
بس هو صعب عشان مش هينفع ينزل يدور على مستعمل هناك

[SHNORY]

تالت واحد ده اس 3 عادى خالص .. بس النسخه اللى بتنزل فى أمريكا و أوروبا .. كل الزياده عن نسخه الشرق الأوسط إنها بتشغل شبكات الجيل الرابع أو 4g اللى لسه ماجتش عندنا و بدايه الكلام إنها هاتشتغل فى مصر أول 2015 و الله أعلم ..

+ان راماته 2 جيجا (: الاس ثري العادي راماته 1 جيجا

[Patrickologyy]

+ان راماته 2 جيجا (: الاس ثري العادي راماته 1 جيجا

فاتتنى دى يا ريس معلش :)
و حاجه كمان .. أخر 3 بروسيسور ثنائى مش رباعى :)

[iwantes350]

انا للاسف زهقت قعدت ادور ولقيت الموضوع صعب جدا لانو لازم يبقى عندى رقم قومى امريكي وغير كده فى اشتراك لازم ادفعه فى الشهر
هل في حل انا بجد عايز موبايل كويس وموضوع امريكا داخل دماغى