تحذير مهم لكل مصرى و بالذات المسيحيين : الشيطان عدو الخير لا يفرح الا للقتل ولا ينتشى إلا بالدم .. الشيطان بيستغل أوقات الفوضى يبيبعت لدماغنا رسايل غلط واحنا ممكن نستقبل اي حاجه بدون تفكير نتيجة لإنحيازنا لطرف دون الأخر .. الشيطان هايوسوسلك بكلام من عينة " زعلانين قوى ان الناس بتضرب وتبهدل اي حد ملتحى عشان بيفتكروه اخوان وكأن الدقن شتيمة وعار علي صاحبها .. طب وماله ما المسيحى بيتشتم في الشارع و الناس بتستقوى عليه و بيعيش الحزن ده مع حرق الكنايس وكأن دينه عار عليه .. خليهم يدوقوا من افعالهم " .. الكلام ده ظاهره الإشفاق علي المسيحين و باطنه الشر و الحقد .. ممكن يكون الجيش قتل عناصر مسلحة من المعتصمين و ممكن يكون قتل أبرياء مضحوك عليهم .. انما احنا مانفرحش بالدم ومانشمتش في الموت لأن الهنا إله محبة و هو اللي قالنا ( أحبوا أعداؤكم .. باركوا لاعنيكم .. أحسنوا الى مبغضيكم ) .. فكروا في الكلام كويس
X
-
مش فاهم !!!
إيه الرسالة اللي عاوزها توصل ؟؟
شايف أن المسيحيين بيشمتوا في أي حد ملتحي بيتاذي؟؟
ولا بتهدد المسيحيين من الشماتة ؟؟
اصل انا مشفتش حد اتاذي لمجرد انه ملتحي.
و بنحزن لكل عداء سببه فتنه طائفية سواء كان علي مسيحيين أو مسلمين أو حتي شيعي.
عاوز رأيي ؟؟ إحنا عمرنا ما هنعرف نتعايش مع الاختلاف إللا لو بطلنا نفكر فيه ونفصل مابين توجهات الناس الدينية و ما بين علاقتنا بيهم.
الصح إدانة التعصب سواء ديني ( مسلم و مسيحي ) طائفي ( سني شيعي أرثوذكسي كاثوليك إنجيلي ) أو عرقي ( اسود ابيض اصفر ).
من الآخر كلنا مصريين شبه بعض.
Comment
-
فى تشوهات موجودة فى نفوس الكثير من الناس بسبب التعرض لاحداث مؤلمة نفسيا..... يعنى مثلا حادثة تفجير كنيسة القديسين كانت زلزال لاى حد بيفكر بشكل انسانى..... لكن فى ناس ممكن تلاقى منهم ردود افعال مختلفة- و ممكن تكون مشوهة..... حسب خبراتهم السابقة و خلفيات افكارهم و توجهاتهم..... و خد عندك امثلة:
- رد فعل مصرى مسيحى متألم لما حدث: ارحمنا يارب و ارحم الشهداء دول دلوقتى فى السماء فى مكان احسن ربنا يرحمهم
- رد فعل مصرى مسيحى غاضب: ادى اللى بيحصل لنا فى البلد دى ..... و ادى قيمتنا فيها..... كراهية و تكفير و قتل و تفجير و يوم عيد يتحول الى ميتم كبير
- رد فعل مصرى مسيحى متعصب او نفسيا مش تمام: ربنا ينتقم منهم كلهم و يجازيهم من جنس افعالهم
نيجى بقى للوجه الاخر من العملة.....
- رد فعل مصرى مسلم متألم لما حدث: لا حول و لا قوة الا بالله.... ليه كده و ازاى ده يحصل يوم عيد يتقلب فيه العيد لميتم..... الله يرحمهم جميعا و يحمى بلدنا
- رد فعل مصرى مسلم غاضب: مش الممكن الفشل اللى البلد فيه..... مفيش حد بيشوف شغله فى البلد دى و النتيجة كوارث..... ربنا يرحمنا جميعا
- رد فعل مصرى مسلم متعصب او نفسيا مش تمام: احسن ياريت تيجى مصيبة تخلعهم كلهم من البلد..... الكفرة اللى مش عايزين يدخلوا لدين الله افواجا.... كله من ده عشان يبطلوا يستقووا بالغرب الكافر..... تسلم ايد الاخوة المجاهدين اللى عملوها
طبعا ممكن تترواح ردود الافعال من وقت لوقت و كمان من درجة لدرجة..... لكن النفسية السوية لما بتيجى تنجرف و يعمى عينيها الغضب او التعصب او الكره او غيره من المشاعر السلبية بيبقى سهل عليها تفوق بسرعة و تطرد المشاعر السلبية دى لانها بتبقى دخيلة عليها و كمان بيبقى سهل عليها الرجوع لطبيعة احساسها الانسانى المعتاد
و طبعا واضح من ردود الافعال التخيلية دى حاجة مهمة..... هى ان ردود الافعال الانسانية تملى تلاقيها تتعاطف مع الانسان و ظروفه ايا كان بغير تمييز لان الانسان ايا كان بالنسبة لها قيمة عظمى فى حد ذاتها.... عشان كده تلاقيها تتراوح بين لا حول و لا قوة الا بالله و ازاى ده يحصل يوم عيد و ربنا يرحمهم
اما ردود الافعال الغاضبة او المتعصبة تلاقيها تملى جواها شحنة سلبية رهيبة من مشاعر كره او حقد او غضب بتدور على منفذ و هدف ليها توجه له الشحنة دى..... عشان كده تلاقى ردود افعال من نوعية ادى قيمتنا فى البلد دى.... او مفيش حد شايف شغله..... ربنا ينتقم منهم..... مصيبة تاخدهم...... الكفرة
خلاصة الامر ان كلنا بشر من نفس الطينة..... لكن يختلف القالب اللى بيحتوى العجينة الطرية دى و يشكلها..... وعلينا جميعا ان نبحث بداخلنا..... عن اى تشوه نفسى و كتلة سلبية من النوعيات السابق ذكرها..... لكن ده يستدعى اولا (الوعى) بأن الواحد عنده مشكلة..... و دى فى حد ذاتها مشكلة
Comment
-
ياجماعة ماتحملوش الكلام أكتر من معانيه .. البابا تاوضروس لم يخطئ في شكر الجيش وانا اتفق معاه تماما لأنى مقتنع تماما بتصرفات السيسى .. مش ده موضوعنا وبغض النظر عن اقتناعنا من عدمه .. الرسالة اللي كنت عايز أوصلها انى كنت في الصيدلية و واحد دخل ياخد علاج فا بص ع التلفزيون و شاف الدوشة وسألنى : هما دبحوهم كلهم ولا لسة ؟ الصراحة السؤال كان فج جدا و ينطوى علي قدر هائل من الشماتة لأن مهما كان الاختلاف في الرأي أو الدين ومهما كانت ملابسات الوفاه ( همج بخرطوش أو أبرياء عزل ) فا ده لا يبيح الشماتة في الموت أو الفرح بالدم لأن الدم وقتل النفس من الكبائر فما بالك بالأعداد اللي ماتت ؟ .. المهم روحت البيت وانا بافكر في الحكاية دي و لقيت الشيطان بيوسوسلي " طيب وايه يعنى لما الناس تهاجم ملتحي وتقتله لمجرد انهم شكوا انه اخوانى طيب ماهى نفس الناس دي بتهاجم الكنايس وتحرقها وانت نفسك بتسمع شتيمتك بودنك لمجرد انك مسيحى .. خليهم يدوقوا من افعالهم " .. سرحت في الكلام ده وحسيت انى لو رميت ودنى للشيطان وفرحت أو تشفيت في قتل حد هابقي وصلت لمرحلة انى زيى زي اللي بيضرب الكنايس بالحجارة واللي واقف في الشارع بخرطوش وانا مش كدة ولا ربنا بيؤمرنى بكدة .. حبيت بس أوضح ان الشيطان بيستغل الفوضى و يدخل دماغنا يزرع اللي هو عايزه لذا وجب التنبيهيا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..
Comment
-
الله يفتح عليك انا قصدي ان وسوسة الشيطان ممكن تنقل الواحد من مرحلة للتانية بدون مايشعرالمشاركة الأصلية كتبت بواسطة imhotep مشاهدة المشاركةفى تشوهات موجودة فى نفوس الكثير من الناس بسبب التعرض لاحداث مؤلمة نفسيا..... يعنى مثلا حادثة تفجير كنيسة القديسين كانت زلزال لاى حد بيفكر بشكل انسانى..... لكن فى ناس ممكن تلاقى منهم ردود افعال مختلفة- و ممكن تكون مشوهة..... حسب خبراتهم السابقة و خلفيات افكارهم و توجهاتهم..... و خد عندك امثلة:
- رد فعل مصرى مسيحى متألم لما حدث: ارحمنا يارب و ارحم الشهداء دول دلوقتى فى السماء فى مكان احسن ربنا يرحمهم
- رد فعل مصرى مسيحى غاضب: ادى اللى بيحصل لنا فى البلد دى ..... و ادى قيمتنا فيها..... كراهية و تكفير و قتل و تفجير و يوم عيد يتحول الى ميتم كبير
- رد فعل مصرى مسيحى متعصب او نفسيا مش تمام: ربنا ينتقم منهم كلهم و يجازيهم من جنس افعالهم
نيجى بقى للوجه الاخر من العملة.....
- رد فعل مصرى مسلم متألم لما حدث: لا حول و لا قوة الا بالله.... ليه كده و ازاى ده يحصل يوم عيد يتقلب فيه العيد لميتم..... الله يرحمهم جميعا و يحمى بلدنا
- رد فعل مصرى مسلم غاضب: مش الممكن الفشل اللى البلد فيه..... مفيش حد بيشوف شغله فى البلد دى و النتيجة كوارث..... ربنا يرحمنا جميعا
- رد فعل مصرى مسلم متعصب او نفسيا مش تمام: احسن ياريت تيجى مصيبة تخلعهم كلهم من البلد..... الكفرة اللى مش عايزين يدخلوا لدين الله افواجا.... كله من ده عشان يبطلوا يستقووا بالغرب الكافر..... تسلم ايد الاخوة المجاهدين اللى عملوها
طبعا ممكن تترواح ردود الافعال من وقت لوقت و كمان من درجة لدرجة..... لكن النفسية السوية لما بتيجى تنجرف و يعمى عينيها الغضب او التعصب او الكره او غيره من المشاعر السلبية بيبقى سهل عليها تفوق بسرعة و تطرد المشاعر السلبية دى لانها بتبقى دخيلة عليها و كمان بيبقى سهل عليها الرجوع لطبيعة احساسها الانسانى المعتاد
و طبعا واضح من ردود الافعال التخيلية دى حاجة مهمة..... هى ان ردود الافعال الانسانية تملى تلاقيها تتعاطف مع الانسان و ظروفه ايا كان بغير تمييز لان الانسان ايا كان بالنسبة لها قيمة عظمى فى حد ذاتها.... عشان كده تلاقيها تتراوح بين لا حول و لا قوة الا بالله و ازاى ده يحصل يوم عيد و ربنا يرحمهم
اما ردود الافعال الغاضبة او المتعصبة تلاقيها تملى جواها شحنة سلبية رهيبة من مشاعر كره او حقد او غضب بتدور على منفذ و هدف ليها توجه له الشحنة دى..... عشان كده تلاقى ردود افعال من نوعية ادى قيمتنا فى البلد دى.... او مفيش حد شايف شغله..... ربنا ينتقم منهم..... مصيبة تاخدهم......يا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..
Comment
-
اظرف حاجة..... ان الردود نفسها اللى موجودة فى الموضوع ده..... هى خير دليل على الوصف اللى انا قلته و انواع ردود الافعال اللى انا قلتها..... بما فيهم ردود افعال و افكار صاحب الموضوع نفسه..... و الردود اللى صعب تقلع نظارة معينة فى نظرتها لان زى ما قلت فى التعليق اللى فات ان عدم الوعى بوجود مشكلة هو مشكلة فى حد ذاته ..... بس دى بقى بتعمل ميكانيزم نفسى دفاعى اسمه الاسقاط projection...... خلاصته انه لو فى انسان متعصب مثلا ...... هيعكس التعصب اللى جواه ده على غيره ممن لا يتقبلهم نفسيا و لا انسانيا بأنهم هم كمان كده من ناحيته و هيعمم الصورة دى عليهم كلهم بدون تفكير لان ده مريح نفسيا...... و بالتالى هيبرر لنفسه ما يحمله ناحيتهم من مشاعر سلبية بأنهم يعاملونه بالمثل فبالتالى هو غير مخطئ فى تقديره لهم و هو فقط يعاملهم بنفس الاسلوب الذى يعاملونه به و ينظر اليهم كما ينظرون هم اليه.....
ربنا يمنحنا جميعا الشفاء من امراض النفس و الجسد و الروح
Comment
-
دي وسوسة الشيطان يا استاذ هيثم اللي انا إستعذت بالله منها .. شكرا لأن ردك شرح وجهة نظري إزاي انك قبلت الوساوس دي و حورتها لتناسب مزاجك الشخصى و هو الهجوم علي البابا تاوضروس بالرغم من انى ماذكرتوش خالصالمشاركة الأصلية كتبت بواسطة shaddadfalcon1 مشاهدة المشاركةحلو قوي الحته دي وبتفسر لسه البابا شكر االجيش والشرطةيا أيها العبد الملول .. ربك طلع مش زينا .. بيرضى حتى مننا .. بأنصاف الحلول ..
Comment
-
وسيم باشا
عل الرغم من اختلافي السياسي معاك ...بس بصراحه احييك بشده عل روحك النبيله
انت كده بتاكد عل المعنى العام لاي دين .. و هو المحبه و السلام و عباده الله فقط
شكرا مره تانيه ياجميل و كتر الله من امثالك ..لان لو كلنا كده يبقى اكيد هانطلع لقدام مش هانفضل ندور في حلقه العسكر و انتخابات و انتخابات و عسكر ...الخ
تحياتي
Comment
-
الله ينور عليك
موقف انساني يحترم جدا بعيدا عن السياسةناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
Comment

Comment