تجربتي السيئة مع بنك مصر في تحويل المرتب

[MRBEBO]

انا محول مرتبي على حساب توفير في بنك مصر

مع ان الشركة اللي انا فيها محوله كل المرتبات على البنك العربي

وسبب تحويلي على بنك مصر انه بنك حكومي وانا عميل قديم فيه

ولكني ندمت اشد ندم لتحويل المرتب عليهم

اولا جواب تحويل المرتب رسومه 100 جنيه


كارت ال atm تم الغائه بدون سبب وعملت واحد جديد ب 15 جنيه في اقل من شهر

كل مرة يتم تحويل المرتب يتم خصم 10 جنيه شهريا

اجمالي مصاريف الحساب 195 جنيه سنويا كالتالي 120 جنيه ( 10 جنيه * 12 شهر ) مصاريف تحويل + 60 جنيه مراسالات + 15 جنيه تجديد atm

اسوء حاجة وهي السبب الرئيسي في راغبتي في الغاء تحويل المرتب عليهم ان المرتب بينزلي بعد القبض باسبوع او عشر تيام!!!!

مع ان كل زميلي بيقبضوا في المواعيد الرسمية من البنك العربي
عملت اكثر من شكوى في البنك بدون نتيجة

وقررت الغاء حساب بنك مصر تماما وتحويل مرتبي على البنك العربي

فكنت عاوز اعرف رايكم في البنك العربي

وايه طريقة الغاء تحويل المرتب من بنك مصر وتحويله على بنك اخر ؟ يعني لازم اجيب جواب من بنك مصر للموفقة على الغاء التحويل ولا ادارة الاستحقاقات عندنا ( مصر للطيران ) هي اللي بتخلص الموضوع ده

ياريت تفيدوني لان محدش عارف يفدني: (

[Ahmed_Adham]

موضوع ان الفلوس تقعد عندهم 10 أيام دي تسأل عليها الشركه عندك الاول وتشوف بيبعتو كشف المرتبات بتاريخ كام وتدي البنك مهله يومين شغل بالظبط ولو بيتأخر عن كده يبقى البنك بيتعمد يأخر الفلوس في حسابه عشان يستفيد من فوايدها.

بدل البنك العربي اسأل حسابات الشركه عندك أغلب الموظفين على بنك ايه وحول مرتبك عليه لأن البنك ده هتلاقيه أكتر بنك منضبط في المواعيد وحساب الشركه فيه دايما فيه فلوس في وقت المرتبات.

[reda elgohary]

أكيد زملائك هيفيدوك أكتر ،، بس أنا مستغرب أنا بقبض من بنك بى ان بى باريبا والقبش لا يتأخر هو يوم 30أو 1 فى الشهر يعنى لا تأخير .

[reda elgohary]

الله معك .

[Imhotep]

هو الحساب اللى طلبت تحويل مرتبك عليه يوم بيوم؟ اصله هو تقريبا الحساب الوحيد اللى رسومه عشرة جنيه فى الشهر بالاضتفة انهم اصلا واقفين الايداعات فيه بقالهم فترة و ده جايز يفسر العك اللى حصل معاك

[AHMED12345678]

انا محول مرتبى على البنك الاهلى من 8 سنين على حساب توفير
ومفيش اى مشكلة والحمدلله وباقبض قبل زمايلى
ورسوم الحساب 35 جنية سنويا ورسوم تحويل المرتب 6 جنية شهريا
وكارت atm يجدد كل سنتين مجانا بدون رسوم

[MRBEBO]

هو الحساب اللى طلبت تحويل مرتبك عليه يوم بيوم؟ اصله هو تقريبا الحساب الوحيد اللى رسومه عشرة جنيه فى الشهر بالاضتفة انهم اصلا واقفين الايداعات فيه بقالهم فترة و ده جايز يفسر العك اللى حصل معاك

ﻻ حساب التوفير الجديد اللي هو atm بس من غير دفتر

[MRBEBO]

انا محول مرتبى على البنك الاهلى من 8 سنين على حساب توفير
ومفيش اى مشكلة والحمدلله وباقبض قبل زمايلى
ورسوم الحساب 35 جنية سنويا ورسوم تحويل المرتب 6 جنية شهريا
وكارت atm يجدد كل سنتين مجانا بدون رسوم

كده تاكدت ان بنك مصر خدمته فعلا سيئة ورسومه مبالغ فيها جداااا

خلاص انتوا كده اكدتولي انه بنك فاشل

[S O P H O S]

حول بنك تاني افضل
انا بردوا معجبنيش بنك مصر بصراحة

[JAM]

بنك مصر دا أزبل بنك فى مصر.. الموظفين اللى فيه وفى أغلب الفروع عندهم بلادة فى المعاملة ويحسسوك إنك شغال عندهم.. كان عندى زمان bm card وكان فيه 375 جندى.. وركنته سنتين علشان كنت ناسيه.. ولما رحت علشان أسحبهم بالكارت لقيت الرصيد فاضى.. دخلت البنك ورحت لخدمة العملاء.. قالولى فيما معناه... إنهم لما لقوا الحساب بتاعى معلهوش عمليات قاموا قافلين الحساب .. قولتلهم يعنى انتم عندكم بياناتى ما اتصلتوش بيا ليه... ليقيت الهانم اللى بتكلمنى مش عارفة ترد عليا.. قمت معلى صوتى وشتمتهم ولعنت سلسفيلهم وقمت مقطع الكارت ومشيت.

نصيحة... إبعد عن بنك مصر.. بنك حقير للغاية