هو في تكييف متنقل ؟!!

[mohammedgido]

السلام عليكم ورحمة الله

النهرده لقيت اعلان علي الفيس عن شركة عندها تكيف متنقل بالفريون ويمكن يتنقل من غرفة لغرفة اخرى بكل سهولة ويشتغل ويبرد كويس جدا وقدرتة 1.75 حصان بس مركتة مشش معروفة نهائي gug !!!!

السؤال بقى هل في فعلا تكييف كدا وفي المركات المشهورة زي كارير وتوشيبا وغيرة

[Adel.Nasr]

اه فيه تكييفات متنقله و على فكره دي من زمان قوي هي شبه التلاجه ال12 قدم في الشكل و الحجم

[mohammedgido]

اه فيه تكييفات متنقله و على فكره دي من زمان قوي هي شبه التلاجه ال12 قدم في الشكل و الحجم

طب ودي عملية ولا لاء ؟
واسعارها ايه وقدرتها الحصانية قد ايه وممكن الاقيها فين ؟

[Ahmed_Ramadan]

متابع

[Secret-Man]

موجود فعلا وعملى جدا بس عيبه صوته عالى شويه لكن هو تبريده كويس

[Ahmed_Adham]

السلام عليكم ورحمة الله

النهرده لقيت اعلان علي الفيس عن شركة عندها تكيف متنقل بالفريون ويمكن يتنقل من غرفة لغرفة اخرى بكل سهولة ويشتغل ويبرد كويس جدا وقدرتة 1.75 حصان بس مركتة مشش معروفة نهائي gug !!!!

السؤال بقى هل في فعلا تكييف كدا وفي المركات المشهورة زي كارير وتوشيبا وغيرة

التكييف المتنقل اللي أعرفه هوه التكييف الصحراوي اللي بيتحطله ميه ساقعه ده وهوه وسك بين المروحه والتكييف بس مفيهوش فريون خالص.

اه فيه تكييفات متنقله و على فكره دي من زمان قوي هي شبه التلاجه ال12 قدم في الشكل و الحجم

حتى التكييف ده له وحده خارجيه ومنه نوع كاريير 5 حصان اللي بيبقى في صالات الاكل في المطاعم.

[beshomilan]

انا اعرف انه غالى جدا
وهو فعلا زى الموجود فى المطاعم

[waelfarid]

فيه يا جماعة تكييف بفريون متنقل

أيون
بس له خرطوم مرن( 6 بوصة قطرة ) لتصريف الحرارة اللي اكتسبها الفريون من داخل الغرفة لخارج الغرفة عن طريق الشباك اومن الباب بتاع غرفة للصالة مثلا
ممكن لو في مول ومحل علي قده بيحطة جوة المحل والخرطوم طالع برة من الباب ويركب ستارة هواء علشان يكون فعال اكتر
الاستاذ صاحب السؤال لقاه بكام وكام الف وحدة حرارة بريطانية مثلا 9000btu او 12000btu

[Adel.Nasr]

مش عارف الصراحه هو ليه وحده خارجيه ولا لأ طب لو ليه وحده خارجيه ليه مصنوع بالشكل ده ؟ لو على القدره الحصانيه التكيفات الاسبليت فيها نفس القدره

[waelfarid]

االي موجود في المطاعم ده split vertical
يعني المرحلة اللي قبل التكييف المركزي
يعني التكييف ابو فريون
1-شباك=بارد فقط او حار وبارد
2-سبليت
3-سبليت رأسي
4-مركزي وفية فريون بيبرد مياه عن طريق مبادل حراري وبعدين المياه الساقعة دي تمر داخل سربنتينة والهواء يمر علي السربنتينة دي علشان يبرد ويتوزع علي كل اماكن المبني وتكاليفه الاجمالية (تكلفة انشاء وتكلفة تشغيل)ارخص مما سبق

[waelfarid]

المسألة متطلبات مكان واحد عاوز مرونة تحريك التكييف ككل وواحد ميفرقش معاه الصوت -الضوضاء- فبيجيب شباك وواحد مش عاوز صوت بيجيب سبليت
واحد تاني مختار موقع شقته قبلي وفي اخر دور مثلا يبقي محتاج تكييف قوي وهكذا
وكذلك التكييف يراعي شكله وخصوصا المركزي ان ميأثرش عالديكورات يكون متناغم ومنسجم مع الديكورات
يعني زمان الدش لاستقبال القنوات الفضائية كان بموتور متحرك ودلوقت الاغلبية بتجيب الثابت
وتكلفة تشغيل فاتورة كهرباء وصيانة

[Land_Cruiser]

في اشكال كتير من المتنقل ده بس اهم حاجه انه يكون ليه خرطوم طويل يطلع بره الغرفه و إلا يبقي زي قلته أما بالنسبه للصوت بتاعه فهو بيبقي اعلي من التكييف العادي . لو عايز نصيحتي خليك في تكييف عادي حتي لو شباك بس يكون ماركه معروفه ليه ضمان و صيانه من شركه معروفه و بعدين هو الميزه بتاعه متنقل دي مش هتبقي حقيقيه لانك علشان تشغله في غرفه لازم تعمل فتحه في الحائط تتطلع منها الخرطوم و مش منطقي ان حضرتك هتخرم حوائط كل غرفه تحب تضعه فيها و زي ما قلتلك بدون ما تطلع الخرطوم مش هيبقي ليه اي لزمه

[mohammedgido]

متشكر جدا يا جماعة علي الردود واسف علي التأخير لان مكنش بيوصلي علي الاميل ان في ردود مع اني عامل اشتارك فوري .. عموما هو كدا الي فهمتة ان ميزتة بيتنقل لكن صوتة عالي ومحتاج فتحات في اماكن مختلفة لتسريب الهواء السخن .. انا كل الفكرة كنت شايف ان ميزتة انه متنقل يعني لو قاعد في الصالة معاك وبليل تنقلة للنوم مثلا يعني :)

[ahmed_h_g]

سئ جدا" جدا" وضعيف
موجود 3 للبيع بتوع أصحابى أتدبسوا فيهم وعاوزين يبيعوا

[mxz911]

متابع