مشكلة عائلية وعايز النصيحة

[mohammadrashee]

وعلى الفكره الحاجه الهبله في نظر الزوج ممكن تكون كبير ه في نظر الزوجه
ﻻزم تحكم من وجهة مظر الطرف اللي قدامك
وبعدين كلنا كرجالة بنكون راجعين من الشغل تعبانين وقرفانين وﻻزم الست هي اللي تمشي امورها وتسكت بس لﻷسف فيه ستات كتير مبيعملوش كده

[Muahmmad Honda]

ربنا يقويك يا رب :)

[sting_2010]

انا واحد من الناس باستحرم بصراحة اضيع فلوسي في جتوهات وبسبوسة وطبق حلويات مشكل وانا رايح ازور ناس ... وببقى. رايح وعاصر على مناخيري لمونة وانا باشتري صنية البسبوسة مش بخل واللهي بس طلع عين ( ماي ماذر ) في القرش علشان في النهاية اروح اجيب بيه بسبوسة . :)

معلش يا اخ ياريس ..ده اسمه بخل وحرص على الاموال ..وانا مؤمن بمبدأ تهادوا تحابو ..واللى هيبخل انه يضحى ب40 او 50 جنيه فى طبق حلويات ..هيبخل انه يتصدق وانه يتبرع وانه وانه وانه .


-------------------------------------------

دى حاجة برا الموضوع . ! واسف على الازعاج

[#MAAM#]

اول حاجة لازم تسيب بيت مراتك وده حاجة مفروغ منها وترجع تعيش في بيتك تاني حاجة تسيبها شوية دلوقتي فترة وبعدين تحاول تتكلم معاها وكله بالحنية والكلام الحلو بيفك وبعدين تتفقوا ويبقى فيه خط احمر ان محدش يدخل مابينكم مهما حصل مابينكم حتى لو ولعتوا في بعض وموضوع انك تجيب حد من عيلتك وعيلتها لو ناسكويسة وهتهدي الموضوع ممكن ولو غير كده بلاش احسن وياريت تحاول انت الاول وبعدين تشوف حلول تانية وربنا يفك كربك يارب

[أحمد كمال]

ده راى شخصى لى
طالما اللى بيدير المواضيع ستات فى ستات ( امها واختها ) . فموضوع ان انت تتصل بيها هتلاقى رد الفعل سيبه لحد ما يتعلم غلطه
فالافضل فى مثل تلك المواضيع انك مش تتصل ولا تبادر باى شىء وهما فى الاخر اللى هيتصلوا بيك وساعتها بقى ابقى املى شروطك ومعلش انا عارف ان الفتره ديه صعبه عليك جدا بس تعالى على نفسك علشان تظبط حياتك بعد كده
وطبعا زى ما قال الاخوه تنقل شقتك

خد الوصفه دي و مش هتندم
خليني اتكلم معاك بصراحه . انا حسيت من الموضوع ان حضرتك صاحب شخصيه طيبه شويه و دا اللي بيفسر جرأة حماتك في التدخل في حياتك و بيفسر ضعف العلاقه الزوجيه .
طب الحل ايه ؟ انك لازم تبقى حازم جدا في قراراتك و مفيش حاجه اسمها تنازلات خصوصا في الحاجات اللي بتطلبها حماتك من الاخر لازم توريهم العين الحمرا في اقصى درجاتها و موضوع انك ترجع شقتك دا امر منتهي . وعلى فكره النصيحه دي من مجرب يعنني مش تأليف لان الطيبه و التساهل مينفعوش في الزمن ده . اسف لو في ناس مش متفقه معايا في الرأي بس لازم اوضحلك نقطه ان الزوجه لو حست ان زوجها ضعيف مش بتعمله اهتمام اما بقى لو خدت فتره كده عملتها فيها ميري و شافت فيك الحزم و نشفان الدماغ هتعمل الف حساب قبل ما تخلق معاك مشكله ( معلش لوكلامي ضايق حضرتك او الزملاء اصل صعيدي بقى وانت عارف الدماغ) :)

الرجالة دي بتقول الصح


انشف ...... لو بقيت طري - لا مؤاخذة في الكلمة - هتتمضغ زي اللبانة و تترمي ......


لو نشفت - من غير قلة ادب و لا غلط ...... مش باقول لك اسفخها قلمين بس انشف بس - هتاخد حقك تالت و متلت


طول ما هي حاسة انها انشف منك و انك محتاجها اكتر ما هي محتاجاك هتفضل تعمل اكتر من كده و تركب وتدلدل و تبقى مش فارق معاها انفصال او طلاق و بالعكس تهددك انت بالطلاق


انما لو حست بالعكس هتلاقيها طيعة جدا و ماشية عالصراط معاك ..... برضه الموضوع محتاج شعرة معاوية يعني ما تحسسهاش انك مستغني خالص بس في نفس الوقت تهديد بطلاق او انفصال منها لازم يقابله منك - مع احترامي و اعتذاري - اكبر طوووووووووووووووووظ ممكن تطلغ منك ......


موضوغ العلاقة ...... الاخوة اللي بتقول 75% منها مسؤولية الراجل شكلههم و لا اتجوزوا و لا يعرفوا حاجة غير كلام هبة قطب و مجلة طبيبك الخاص !!!! الله يكرمكم المسؤولية مشتركة و بالعكس لو الست (كأغلب الزوجات المصريات) واخدة الموضوع انه تأدية واجب و خلاص او تمن غالي لازم تدفعه مقابل لفب زوجة و أم يبقى الموضوع مالوش تلاتين لزمة اساسا ....... الراجل مسؤول و الست مسؤولة و الراجل مش الساحر مدخت و لا مؤاخذة ....... لو الست مالهاش مزاج لو عمل قرد مفيش حاجة هتحصل


و للاسف ..... اكررها مرة اخرى - للزملاء العزاب و الخاطبين - لاني وقعت في الفلطة الهباب دي و شايف ناس كتير بتقع فيها ......... البيت اللي تلاقي حماتك المستقبلية هي السائدة و المسيطرة فيه تهرب منه فرارك من المجذوم

لا تقول لي باحبها و لا تقول لي هاعمل حدود مع امها و لا تقول لي البنت غير امها ....... كان غيرك اشطر ......... و الله لو احسن واحدة في الدنيا ..... مادام امها المسيطرة في البيت هيطلع $%$# أهلك


1- مش هتلاقي كبير تتكلم معاه

2- امها - بما ان الستات مش عقلانيات و لا عادلات - هتيجي عليك في اي مشككلة

3- بسبب نقص عقل امها دايما هيفتروا عليك

4- هي هتبقى عايزة تطبق نفس النموذج عليك و صدقني هيحصل ....... و انت هتتحول لكيس جوافة و مكنة atm ....... قبل ما حد يقول لي عيب انا باقول ان انا في يوم من الايام كنت محصول جوافة مش كيس لحد ما طهقت و ما استحملتش اكتر من كده




و الله المستعان و بحق الايام المباركة نرجو من الله ان يفك كربك

[Y a r i s]

معلش يا اخ ياريس ..ده اسمه بخل وحرص على الاموال ..وانا مؤمن بمبدأ تهادوا تحابو ..واللى هيبخل انه يضحى ب40 او 50 جنيه فى طبق حلويات ..هيبخل انه يتصدق وانه يتبرع وانه وانه وانه .


-------------------------------------------

دى حاجة برا الموضوع . ! واسف على الازعاج

لولة الملامة وخايف نخرج على الموضوع. عاوز اقولك خود ١٠٠ جنية وهتلي طبقين حلويات مشكل هههههه. .... ياباشا طبق حلويات ايه الي ب ٥٠ جنية ده اقل طبق بسبوسة وزن كيلو عامل ٦٠ جنية النهردة عند لابوم وسادة من غير مكسرات كمان .
القصد انا علشان كل مره هروح ازور حماتي ولا رايحين عند اخت مراتي ونجيب معانا طبق حلويات من اموا ١٢٠ ولا ١٤٠ جنية مش هنخلص بقه ويبقى انا لازم اتعين مدير بنك الاهلي سوسيته جنرال ياجنرال .
فممكن مراتي تشوف ان ده بخل مني رغم اني بجيب ورجلي فوق رقبتي بس زي ما قلت لسيادتك كده ببقى عاصر على نفسي لمونة ... لان ١٢٠ طبق حلويات لاختها و ١٣٥ طبق حلويات لامها و١٤٠ طبق جاتوهات. لابو نسب المحروص اخوها كده مش هنخلص وعيالي دول اجيبلهم ( مم) منين !
اما بالنسبة للصدقات والزكاه فده شيء لاجدال فيه وحق عليا .... مقدرش اتكلم فيه .

وفي الختام هقول ايه غير ان كيدهن عظيييييييييييييييييم
في ستات مينفعش معاهم لانشفان ولافكاكان
حتى ان رميتلها ورقيتها تشحططك في المحاكم وتشحططك علشان تشوف عيالك وتقرفك كل شهر في نفقت العيال هما الشباب مضربين عن الجواز من شوية ... وتحياتي

[فتح الباب]

ارجع شقتك انت واولادك واظن مراتى مش هاتختارلى انا اقعد فين وما اقعدش فين انا اقعد فى اى مكان حتى لو فى غرفه مهدوده وبالطبع هى عليها الرضا بهذا الامر وانا حر
ساعتها بقى بعد محايلات وتشهد الناس والجيران والاخوات والاعمام والاصدقاء يكون اما رجوع اما ان يكون ضميرك مرتاح عند حالة طلاق لو لا قدر الله
انما اكيد انت متجوز علشان ترتاح يعنى مش تتعب
والواحد يبقى اصلا مرتاح وهو عازب ويروح يجيب واحده تنغص عليه حياته فهذه النوعيه تحتاج حزم اكتر
خلاصه الكلام (انا هاروح اسكن فى خرابه هتيجى ولا مش جايه ) وربنا يوفقك لما فيه الخير يارب ويعينك على اللى انت فيه

[Ahmed_Adham]

بصو يا جماعه مع احترامي لكل الردود هيه وجهات نظر في الاول والاخر وكل واحد بيبقى له طريقه في التعامل مع المواقف بس أنا شايف نقطتين مهمين جدا هما سبب الموضوع ده كله وقبل كل شيء المشكله مش في انه ساكن في بيت أهل مراته خالص لأن فيه ناس كتير كده ومبسوطين وأنا عن نفسي مريت بالتجربه دي سنه ونص مكنش فيهم ادنى مشكله بالعكس كانت أيام جميله جدا وليها ذكريات بنفتكرها في اوقات كتير.

أول مشكله ان فيه مشكله مش مذكوره في الموضوع ده. يعني لو الامور بين صاحب الموضوع ومراته زي الفل مكنش حد من اهلها يعرف يشدها ناحيته. انما مادام فيه مشكله أو شرخ في علاقه الست وجوزها (بشكل عام مش العلاقه الخاصه بس) يبقى فيه باب مفتوح لتدخل الأهل ويبقى المطلوب هنا قبل أي شيء وبهدوء وبكل عقل نشوف فين المشكله دي ونحلها ونهدي الجو والاخ صاحب الموضوع ياخد مراته في عبه وياكل دماغها ويحسسها ان أمانها في الدنيا كلها هوه بيتها وجوزها وعيالها وان خسارتها لبيتها خساره حياتها كلها ودي فعلا حقيقه لأن الطبيعي في الحياه الزوجيه انها تستمر للابد وأي حاجه غير كده تبقى استثناء بس هوه مطلوب منها يقنعها بكده ويرسخ الفكره دي في دماغها ان بيتها وجوزها اللي باقينلها انما أهلها مرحلتهم بتنتهي أبوها مات وأمها مش هتعيشلها كتير وكل واحد من اخواتها ملهي في حاله.

تاني حاجه اللي كبر المشكله اللي اتوجدت في النقطه الاولى هيه ان الموضوع كله حريم في حريم ومفيش رجاله من طرفها يوعووها. مع احترامي لأي بنت أو ست بتقرا الكلام ده الستات مبينصحوش نصيحه عدله في المشاكل العائليه الا من رحم ربي حتى الاخوات بيدو لبعض نصايح تودي في داهيه زي "هوه كان يطول. هيلاقي زيك فين" وده كان السبب في خراب بيوت كتير والست بتندم على اندفاعها بعد فوات الاوان لما تشوف بعد كده صاحبتها أو اختها اللي نصحتها بكده بتعمل العكس مع جوزها وبتاخد الامور بهداوه وتكمل حياتها.

الحل بقى؟

انك تتكلم مع راجل من اخواتها وتأكدله انك شاري وعايز ترجع تعيش حياه طبيعيه زي الناس وتحكمو العقل والمصلحه وتخليه يكلمها ويلين دماغها لأن هيه مستحيل تسمع منك والجو متوتر بينكو كده وان كلمتها تقولها تقابلك بره وكده مش بعيد تقفل في وشك وان كملت كلام المشكله هتكبر مش هتتحل.

المرحله التانيه بعد الصلح ان شاء الله ترجع شقتك تاني لو فاضيه مش مأجرها لأن خلاص مينفعش تكملو في بيت اهلها بعد التوترات دي وطبعا تسمحلها تزور امها بصوره بيعيه وريح العلاقه مع حماتك عشان تأمن شرها. بعد كده تاخد مراتك في عبك زي ما قلتلك وتشوف ايه اللي موتر علاقتكو ببعض وتحله ولو المشكله من عندك تراجع نفسك واسمعها وشوفها عايزه منك ايه وايه اللي بيضايقها في تصرفاتك وتحاول على قد ما تقدر تتخلص من الحاجات دي وسيبك من ان "ببقى راجع من الشغل متعصب والمفروض هيه تستحملني" معلشي دي حجه البليد لأنها لو مش بتشتغل زيك وعندها قرف شغل برضه هتكون شايفه قرف وجنان طول النهار من تصرفات العيال طول النهار. راقب كده اليوم بيعدي ازاي بين مراتك والعيال وانت تعذرها.

ملاحظه أخيره. مع احترامي لردود الناس اللي كانت من نوع "وريها العين الحمرا" والكلام ده هيه وجهة نظر برضه بس الكلام ده وهيه لسه في بيته عشان يمنع انفصال لكن وهيه في بيت أهلها أي عين حمرا هيكون معناها عناد وانفصال. الفكره في المشاكل العائليه مبتبقاش في مين اللي يفرض قوته في فرض رأيه قدام التاني ولكن بتبقى مين اللي يقدر بقوته يغلب العناد ويبص للصوره الكبيره والمصلحه العامه ويوصل للصلح.

ربنا يوفق بينكو ان شاء الله.

[Y a r i s]

بصو يا جماعه مع احترامي لكل الردود هيه وجهات نظر في الاول والاخر وكل واحد بيبقى له طريقه في التعامل مع المواقف بس أنا شايف نقطتين مهمين جدا هما سبب الموضوع ده كله وقبل كل شيء المشكله مش في انه ساكن في بيت أهل مراته خالص لأن فيه ناس كتير كده ومبسوطين وأنا عن نفسي مريت بالتجربه دي سنه ونص مكنش فيهم ادنى مشكله بالعكس كانت أيام جميله جدا وليها ذكريات بنفتكرها في اوقات كتير.

أول مشكله ان فيه مشكله مش مذكوره في الموضوع ده. يعني لو الامور بين صاحب الموضوع ومراته زي الفل مكنش حد من اهلها يعرف يشدها ناحيته. انما مادام فيه مشكله أو شرخ في علاقه الست وجوزها (بشكل عام مش العلاقه الخاصه بس) يبقى فيه باب مفتوح لتدخل الأهل ويبقى المطلوب هنا قبل أي شيء وبهدوء وبكل عقل نشوف فين المشكله دي ونحلها ونهدي الجو والاخ صاحب الموضوع ياخد مراته في عبه وياكل دماغها ويحسسها ان أمانها في الدنيا كلها هوه بيتها وجوزها وعيالها وان خسارتها لبيتها خساره حياتها كلها ودي فعلا حقيقه لأن الطبيعي في الحياه الزوجيه انها تستمر للابد وأي حاجه غير كده تبقى استثناء بس هوه مطلوب منها يقنعها بكده ويرسخ الفكره دي في دماغها ان بيتها وجوزها اللي باقينلها انما أهلها مرحلتهم بتنتهي أبوها مات وأمها مش هتعيشلها كتير وكل واحد من اخواتها ملهي في حاله.

تاني حاجه اللي كبر المشكله اللي اتوجدت في النقطه الاولى هيه ان الموضوع كله حريم في حريم ومفيش رجاله من طرفها يوعووها. مع احترامي لأي بنت أو ست بتقرا الكلام ده الستات مبينصحوش نصيحه عدله في المشاكل العائليه الا من رحم ربي حتى الاخوات بيدو لبعض نصايح تودي في داهيه زي "هوه كان يطول. هيلاقي زيك فين" وده كان السبب في خراب بيوت كتير والست بتندم على اندفاعها بعد فوات الاوان لما تشوف بعد كده صاحبتها أو اختها اللي نصحتها بكده بتعمل العكس مع جوزها وبتاخد الامور بهداوه وتكمل حياتها.

الحل بقى؟

انك تتكلم مع راجل من اخواتها وتأكدله انك شاري وعايز ترجع تعيش حياه طبيعيه زي الناس وتحكمو العقل والمصلحه وتخليه يكلمها ويلين دماغها لأن هيه مستحيل تسمع منك والجو متوتر بينكو كده وان كلمتها تقولها تقابلك بره وكده مش بعيد تقفل في وشك وان كملت كلام المشكله هتكبر مش هتتحل.

المرحله التانيه بعد الصلح ان شاء الله ترجع شقتك تاني لو فاضيه مش مأجرها لأن خلاص مينفعش تكملو في بيت اهلها بعد التوترات دي وطبعا تسمحلها تزور امها بصوره بيعيه وريح العلاقه مع حماتك عشان تأمن شرها. بعد كده تاخد مراتك في عبك زي ما قلتلك وتشوف ايه اللي موتر علاقتكو ببعض وتحله ولو المشكله من عندك تراجع نفسك واسمعها وشوفها عايزه منك ايه وايه اللي بيضايقها في تصرفاتك وتحاول على قد ما تقدر تتخلص من الحاجات دي وسيبك من ان "ببقى راجع من الشغل متعصب والمفروض هيه تستحملني" معلشي دي حجه البليد لأنها لو مش بتشتغل زيك وعندها قرف شغل برضه هتكون شايفه قرف وجنان طول النهار من تصرفات العيال طول النهار. راقب كده اليوم بيعدي ازاي بين مراتك والعيال وانت تعذرها.

ملاحظه أخيره. مع احترامي لردود الناس اللي كانت من نوع "وريها العين الحمرا" والكلام ده هيه وجهة نظر برضه بس الكلام ده وهيه لسه في بيته عشان يمنع انفصال لكن وهيه في بيت أهلها أي عين حمرا هيكون معناها عناد وانفصال. الفكره في المشاكل العائليه مبتبقاش في مين اللي يفرض قوته في فرض رأيه قدام التاني ولكن بتبقى مين اللي يقدر بقوته يغلب العناد ويبص للصوره الكبيره والمصلحه العامه ويوصل للصلح.

ربنا يوفق بينكو ان شاء الله.

. استاااااااذ عليا النعمة استاذ
عارف وانا بقرى كلامك عمال كده استمخ مخ .... واستكيفت من كل كلمة قلتها بجد ... احييك بشده اهو هو ده صوت العقل والحكمة ... بارك الله فيك وتحياتي

[eleanor]

بص ياباشا اولا ربنا يوفق مابينكم ان شاء الله بس السكن فى بيت عائله اثبت فشله سواء عائله الزوج او الزوجه بسبب الكلام وفلانه جابت وفلان عمل
حاول ترجع شقتك وتحل مشكلتك مع مراتك فى هدوء من غير تدخل من حد علشان تبقوا ستر وغطا على بعض وماحدش يعرف ايه اللى بينكم
حاول تشوف المشكله الاساسيه فين وتحلها وبلاش تفتحوا مواضيع قديمه علشان ماتزودش المشاكل لان العتاب احيانا بيكون مش كويس واحسن حاجه انك تتنازل شويه وهى تتنازل شويه وان شاء الله هاتبقى زى الفل

[foxhonda2008]

بس با كببر
من الاخر
1 ترجع شقتك
2 تعلم عيالك علي قد مستواك المادي
3تتصل بأخو مراتك تقولوا أنك في الشقه و لو اختك عايزه تعيش معايا اهلا و سهلا لو مش عايزه اهي عندكوا
4متستناش حاجه من حد بعد كدا
5 لم ترجع مراتك اسبتلها انك اتغيرت من خلال طريقه المناقشه يعني مثلا لو بتتعصب و صوتك بيعلى تحكم في اعصابك و خلي هادي و لما تيجي ترد فكر الاول متردش بسرعه حاول تخلى كلامك يتسم بالعقلانيه
6 لما مراتك ان شاء الله ترجع البيت اتكلم معاها بكل صراحه في العلاقهالزوجيه و حاول تعير من نفسك
وخل ي بالك الرجوله مواقف
و متفكرش كتير عشان متستهلكش دماغك
وحاول تعتمد عل نفسك و تزداد ثقتك في نفسك
و ان شاء الله خير

[mohammadrashee]

موضوغ العلاقة ...... الاخوة اللي بتقول 75% منها مسؤولية الراجل شكلههم و لا اتجوزوا و لا يعرفوا حاجة غير كلام هبة قطب و مجلة طبيبك الخاص !!!! الله يكرمكم المسؤولية مشتركة و بالعكس لو الست (كأغلب الزوجات المصريات) واخدة الموضوع انه تأدية واجب و خلاص او تمن غالي لازم تدفعه مقابل لفب زوجة و أم يبقى الموضوع مالوش تلاتين لزمة اساسا ....... الراجل مسؤول و الست مسؤولة و الراجل مش الساحر مدخت و لا مؤاخذة ....... لو الست مالهاش مزاج لو عمل قرد مفيش حاجة هتحصل

أحمد بيه كمال ليا الشرف اني ارد عليك
لازم نعرف ان فرق بين ال Sex و Making Love
وفيه فرق كبير بين اقامة علاقه مع محترفه او اقامتها مع زوجه
المشكله في الشباب ان كل معلوماتهم يا اما الافلام اللي هيا مش حقيقيه او سمع من حد تاني برضه مش فاهم
الموضوع محتاج بحث شويه وفهم للموضوع من الناحه النفسيه والناحيه الفسيولوجيه
ومشكلتنا كلنا اننا بناخد الموضوع بتهريج وتكبر ان حد يقول انه مش خبره
وديه مشكله في ظل تربية البنت المصريه ان الموضوع ده عيب بس محدش بيقولها انه مش عيب مع جوزها هههه
وانت جبت الخلاصه لو الست ملهاش مزاج يبقى مفيش حاجه تحصل هنا بقى دور الراجل لأنه مش هيستنى مزاج الست
بالنسبه لأخونا مصري الله يكون في عونك
بس فيه شرخ ما بينك وما بين مراتك انت بس اللي تعرفه يا ريت تدور عليه وتحله وبعد كده كل المشاكل تتحل ان شاء الله
وبعدين انت قولت

[مصرى الاصلى]

ده راى شخصى لى
طالما اللى بيدير المواضيع ستات فى ستات ( امها واختها ) . فموضوع ان انت تتصل بيها هتلاقى رد الفعل سيبه لحد ما يتعلم غلطه
فالافضل فى مثل تلك المواضيع انك مش تتصل ولا تبادر باى شىء وهما فى الاخر اللى هيتصلوا بيك وساعتها بقى ابقى املى شروطك ومعلش انا عارف ان الفتره ديه صعبه عليك جدا بس تعالى على نفسك علشان تظبط حياتك بعد كده
وطبعا زى ما قال الاخوه تنقل شقتك

فعلا انا ما اتصلتش بحد من اهلها وفات على المشكلة اسبوعين .. وطبعا انا قاعد فى بيت ابويا وطبعا مش واخد راحتى زى بيتى بس هستحمل شوية ..والله المستعان

[مصرى الاصلى]

خد الوصفه دي و مش هتندم
خليني اتكلم معاك بصراحه . انا حسيت من الموضوع ان حضرتك صاحب شخصيه طيبه شويه و دا اللي بيفسر جرأة حماتك في التدخل في حياتك و بيفسر ضعف العلاقه الزوجيه .
طب الحل ايه ؟ انك لازم تبقى حازم جدا في قراراتك و مفيش حاجه اسمها تنازلات خصوصا في الحاجات اللي بتطلبها حماتك من الاخر لازم توريهم العين الحمرا في اقصى درجاتها و موضوع انك ترجع شقتك دا امر منتهي . وعلى فكره النصيحه دي من مجرب يعنني مش تأليف لان الطيبه و التساهل مينفعوش في الزمن ده . اسف لو في ناس مش متفقه معايا في الرأي بس لازم اوضحلك نقطه ان الزوجه لو حست ان زوجها ضعيف مش بتعمله اهتمام اما بقى لو خدت فتره كده عملتها فيها ميري و شافت فيك الحزم و نشفان الدماغ هتعمل الف حساب قبل ما تخلق معاك مشكله ( معلش لوكلامي ضايق حضرتك او الزملاء اصل صعيدي بقى وانت عارف الدماغ) :)

ممكن تقول شخصية محترمة بحكم كثير من الناس وشخصية مش بتحب المشاكل .. بس فعلا لازم الواحد يتغير شوية

[مصرى الاصلى]

وعلى الفكره الحاجه الهبله في نظر الزوج ممكن تكون كبير ه في نظر الزوجه
ﻻزم تحكم من وجهة مظر الطرف اللي قدامك
وبعدين كلنا كرجالة بنكون راجعين من الشغل تعبانين وقرفانين وﻻزم الست هي اللي تمشي امورها وتسكت بس لﻷسف فيه ستات كتير مبيعملوش كده

الناس زمان قالوا " الستات تعشش والرجالة تطفش "