محتار بين النوت2 وال s4 ياريت الي جربهم ينصحني

[LegendJo]

النوت 2 - الموبايل معايا
هيغنيك عن الاس 4 و النوت 10 كمان لان الاخير شاشة عرضها اكبر مش اكتر لكن نفس النظام
و تصميمه في ذكاء ان اطارة بيضاوي تحطة في جيبك بسهولة عكس نوت 1
اتكل علي الله نوت 2 ومش هتندم ، رامات 2 جيجا وبروسيسور 1.6 و بطارية 3200
مفيش موبايل نزل ببطارية 3200 لحد دلوقتي

بطارية النوت 2، 3100 mAh بس مش 3200.

وفي أكتر من موبايل نزل 3300 mAh.

Motorola DROID RAZR MAXX HD - Full phone specifications
Motorola DROID RAZR MAXX - Full phone specifications
Motorola RAZR MAXX - Full phone specifications

بالنسبة لصاحب الموضوع، أنصحك بـS4.. الشاشة بتاعته فرق كبير عن الـNote II ده غير ان Note III قرب ينزل.
بالنسبة للسخونة، الأبديت حل المشكلة دي من زمان.
البطارية بتقعد معايا يوم كامل، بستعمله ساعتين مكالمات و 4 ساعات الشاشة شغاله.
ده غير انه نسخه احدث من اندرويد والأبديت ليه الأولوية من سامسونج للـ S4.

[egytamer]

طيب هوا في فرق كبير في حجم الشاشة بين الحهازين يعني هل فرق النص بوصة دا هيبان ولا هحس الجهازين نفس الحجم لاني بحب الشاشة الكبيرة علشان نظري ضعيف شوية
كمان اية الاوبشن الجديدة الي في s4والي في نفس الوقت هستخدمها علي طول مش شوية وازهق

[Ahmedhussein007]

كان معايا النوت 2 وجبت الاس4 ال4 افضل فى حاجات كتير مننها الشاشه الوان ونقاء جبارين وشاشه كبيره وحجم الموبايل صغير الكاميرا اعلى من النوت بمراااحل اشيك من النوت السوفت احدث من النوت وحاجات كتير هاته ومش هتندم

[S O P H O S]

نوت

[madoo_600]

متابع وفي نفس الحيرة معاك

[egytamer]

اشكركم جميعا علي نصائحكم وارائكم الجميلة وبعد حيرة ومقارنة جبت نوت2 الحمد لله فضلتو علي الاس4 علشان حجم الشاشة بصراحة مميزة جدا كمان الاوبشن الجديدة في الس4 حلوة بس حستها مش عملية اوي طبعا مش كلها كمان حسيت سعرو جديد مبالغ فية وسعرو مستعمل بينزل جامد عكس النوت2 سعرو ماسك نفسو
في النهاية الاتنين احسن من بعض وكل واحد فيهم لية مكانة بس دا راي

[#MAAM#]

اشكركم جميعا علي نصائحكم وارائكم الجميلة وبعد حيرة ومقارنة جبت نوت2 الحمد لله فضلتو علي الاس4 علشان حجم الشاشة بصراحة مميزة جدا كمان الاوبشن الجديدة في الس4 حلوة بس حستها مش عملية اوي طبعا مش كلها كمان حسيت سعرو جديد مبالغ فية وسعرو مستعمل بينزل جامد عكس النوت2 سعرو ماسك نفسو
في النهاية الاتنين احسن من بعض وكل واحد فيهم لية مكانة بس دا راي

الف الف مبروك وربنا يباركلك فيه يارب واختيار موفق

[amrrashed]

بص ياباشا واحد صاحبى جاب الاس فور ومتضايق منه جدا تهنيج وسعر عالى جدا وفرق ضئيل عن الاس ثرى ... توكل وهات النوت 2

[amrrashed]

جت متأخرة

[madoo_600]

الف مبروك يا نجم قولنا بقا جبتو بكام ومنين ورايك فيه ايه

[moody_687]

انا معايا اس تو وكل شوية يسقط سوفت وير نزلتله ف خلال شهرين سوفتين اللي هو ايس كريم ساندوتش وسمعت كلام من ناس ان الجهاز كده فتح بوقه مادام بيطلب تغيير السوفت كل شوية يعني مرة يفضل يرستر لوحده كل شوية ومرة يعمل حاجة تانية وكل ده ف شهرين
فمش عارف اغيره ولا ايه ولو غيرته اجيب ايه مكانه بحيث ميبقاش اقل من الاس تو ف الاوبشن

[Ahmed_selmy]

انا شايف ان النوت 2 افضل من المقارنه بتاعة gsm arena

[madoo_600]

يعني اخر كلام ايه نجيب النوت تو ولانستني النوت 3

[Medicalist]

فيه كلام عن قرب نزول ال iphone 5s بمميزات من الاس 4 و بسعر اقل

[egytamer]

اشكركم جميعا علي ردودكم وتهنئتكم ليا
وبصراحة النوت تحفة فنية واللون الابيض شكلو شيك جدا وفرق حجم الشاشة واضح جدا ومخليني استخدم الكمبيوتر في اضيق حدود الصراحة جهاز ممتاز الحهاز من محل في فيصل اسمو الونش ب 4000جنية بضمان mti