هو ده الطبيعى فى شركة ارامكس؟

[RAPID]

يوم 23/7 عملت اوردر من موقع سوق والتوصيل عن طريق ارامكس والى اليوم لم استلم الطلب ولما تتبعت الطلب فى موقع شركة الشحن لقيت مكتوب قدام يوم 1/8 العميل غير موجود كلمتهم عالفيس وبعتلهم ميل قالولى هنحل المشكلة وانهاردة ردوا عالميل بيقولولى ابعت الـ AWB number

وللاسف تليفوناتهم مبتردش والرقم المختصر عطلان وعالفيس بيردوا كل فين وفين وردود روتينية لا بتودى ولا بتجيب من عينة حاضر يا فندم وهنتابع المشكلة .. الخ، ومن شوية ببص فى الموقع لقيت مكتوب (تغير عنوان العميل) !

طب ازاى وانا كاتب عنوان واحد اصلا ومتواجد فيه من يوم ما عملت الاوردر انا احترت بصراحة والاوردر نفسه مش مستاهل كل وجع القلب ده

دى حركة الشحن من يوم 24/7 الى اليوم
ياريت حد يقولى ده طبيعى مع الشركة دى وفين المشكلة
وشكرا

[Y a r i s]

هيا جت على ارميكس. مالبلد كلها كده ياباشا

[RAPID]

هيا جت على ارميكس. مالبلد كلها كده ياباشا

ربك يصلح الحال

[Ahmed Selim]

مش الطبيعي بصراحة...........بس هى حصلت معايا مرة أو أتنين من على سوق برضه و فيه مرة منهم كنت مسافر و قولتلهم لو موصلش الأوردر قبل يوم كذا مش هستلمه.

طبعاً كنت جايبه دفع عند التوصيل.

[eleanor]

لول الاوردر جالك ماتستلمهوش وقولهم انا لغيت العمليه علشان دول بيستهبلو
انا عامل اوردر من يوم 2-7 ولغايه دلوقتى ماوصلش عادى

[Deshahcoka]

ده هجص كلمهم شوف حل معاهم او اطلع على الفرع ! بلد داهية !

[RAPID]

مش الطبيعي بصراحة...........بس هى حصلت معايا مرة أو أتنين من على سوق برضه و فيه مرة منهم كنت مسافر و قولتلهم لو موصلش الأوردر قبل يوم كذا مش هستلمه.

طبعاً كنت جايبه دفع عند التوصيل.

المشكلة مش من سوق المشكلة من شركة الشحن
مرة العميل غير موجود مرة تم تغيير العنوان مش عارف المرة الجاية ايه

[RAPID]

لول الاوردر جالك ماتستلمهوش وقولهم انا لغيت العمليه علشان دول بيستهبلو
انا عامل اوردر من يوم 2-7 ولغايه دلوقتى ماوصلش عادى

مكتوب اقصى حد للتسليم 31/7
هل من حقى ارفض الاستلام بدون ما يلغوا الحساب؟

[RAPID]

ده هجص كلمهم شوف حل معاهم او اطلع على الفرع ! بلد داهية !

تليفوناتهم مش بترد والرقم الساخن مش شغال
والله احترت معاهم

[Ahmed Selim]

المشكلة مش من سوق المشكلة من شركة الشحن
مرة العميل غير موجود مرة تم تغيير العنوان مش عارف المرة الجاية ايه

ما أنا عارف يا باشا

بس فى الحالة دي أرامكس تعتبر شريك لسوق لأن سوق مش بتدي إختيارات فى الشحن.........هى أرامكس و خلاص.

أدخل على الأوردر و اعمل كومنت أو شكوى و لو مش عاوز تستلم أكتب أن الأوردر لو موصلش على يوم التلات مش هتستلمه.

[RAPID]

طب ما هو الـ AWB number
ده غير رقم بوليصة الشحن؟

[RAPID]

ما أنا عارف يا باشا

بس فى الحالة دي أرامكس تعتبر شريك لسوق لأن سوق مش بتدي إختيارات فى الشحن.........هى أرامكس و خلاص.

أدخل على الأوردر و اعمل كومنت أو شكوى و لو مش عاوز تستلم أكتب أن الأوردر لو موصلش على يوم التلات مش هتستلمه.

انا هستنى لبكره لو موصلش على اخر النهار هعمل اللى حضرتك قلت عليه
تعبتك معايا يا باشا :)

[mero100]

مكتب القاهره الرئيسي لأرامكس :

31 Musadak Street, Dokki, Giza,0000,
Phone (Customer Service):+20 (2) 33388466
Phone Hotline+20 (2) 16996
Fax:+20 (2) 37482990
PO Box:12311

اتصل و تابع معاهم بس اول ما تتصل اطلب مدير خدمه العملاء مباشره و اعمل شكوي .

[Ahmed_Adham]

أرامكس مش بتوصل للبيت (على الاقل هنا ف اكتوبر) بعد كذا تجربه معاهم بيستهبلو ويقولو ان العميل مكنش موجود وقت الاستلام مع ان المفروض هما بيتصلو قبل التسليم يحددو وقت الواحد يكون موجود في البيت انما هما أسهلهم ميطلعوش يوصلو الحاجه ويقولو العميل مكنش في البيت وأنا كنت شاري من جوميا أول مره استغربت عشان أنا كنت في البيت بس عديتها عادي تاني مره قمت رايحلهم لقيت الشحنه هناك وقالو اتصلو قلتله موبايلي أهو شوف نمرتك فين أو وريني موبايلك اتصلت بيا امتى لقيت لخبطه في الكلام سبتلهم الشحنه على المكتب مستلمتهاش واتصلت بجوميا قلتلهم على الموقف وقلتلهم مش هستلم من أرامكس وبعتولي مع "مشاوير". مش عارف ليه الشركات دي مش بتقدم أكتر من بديل للشحن أنا عن نفسي بفضل مشاوير بالنسبه للشحن الداخلي دايما بيتصلو قبل ما ييجيو ويحددو وقت الواحد يكون موجود فيه في البيت. و dhl بيعملو نفس الكلام انما أرامكس تيييييييييييييت وبقول تاني كلامي عن مكتب 6 اكتوبر معرفش ايه النظام في أي حته تانيه.

[RAPID]

مكتب القاهره الرئيسي لأرامكس :

31 musadak street, dokki, giza,0000,
phone (customer service):+20 (2) 33388466
phone hotline+20 (2) 16996
fax:+20 (2) 37482990
po box:12311

اتصل و تابع معاهم بس اول ما تتصل اطلب مدير خدمه العملاء مباشره و اعمل شكوي .

الف شكر يا باشا بارك الله فيك