سما مارينا

[moody_687]

دلوقتي ف اعلان تبع شركة اونست للاستثمار العقاري عن سما مارينا امام بوابات مارينا ف الناحية القبلية
بيقولوا ف الاعلان تملك جناح فندقي ب 75 الف ج انا عايز افهم معنى المقولة دي ايه هل معناها انى امتلك شقة هناك بالسعر ده ولا امتلك عدد سنين معينة وبعدين الشقة او الجناح تروح للشركة
ويريت لو حد عنده معلومات يقولي الله يخليكم

[yassin_samir]

انا حاسس انة نصب و الله اعلم

[mohamed hussei]

انا شوفت المشروع وانا مسافر مرسي مطروح هو مش بيشوف البحر ونازل شوية عن مستوي طريق احسن ليك لو عاوز شلاية عندك سيدي عبد الرحمان في وادي دجلة بتبني هناك و شركة الي اعلانتها الي علي تلفزيون دية

[احمد المصرى]

الشقه فى اسكندريه ( 6 اكتوبر ) بحوالى 230 الف اذاى دى ب 70 الف وفى مكان المفروض انه افضل من اسكندريه بكتير ؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!! !!!!!!!!!!!!!!!!!!

[eng_7amed]

هي مش قدام مارينا هي بينها و بين مارينا شويه حلوين بس مش عارف كام كيلو
عمتا شوف العقود و ضمان التنفيذ ميخلوش بالعقود او بالتصميمات و التسليم امتى و امكانيه انهم يسلموك كارنيهات تخش على القرية المقابلة ليها على البحر

[alking_2006]

فعلا حاسس انه نصب اوى السعر مش منطقى

[mohamed_selim]

تملك جناح فندقى = تايم شير

[Dr/ P.K.Sh]

تايم شير بس بطريقه حلوه

[Mohammmed]

ياريت لو حد ليه تجربة عملية معاهم
لانى حاسس انه نصب برده

[#MAAM#]

انا بشوف اعلاناتهم كتير ونفسي اي حد يكون ليه تجربة مع الشركة دة اونست علشان بفكر اشوف مشاريعهم

[alking_2006]

و حتى لو تجربة فى مشروع تانى مع اونست
كانوا عاملين كذا مشروع فى العجمى و الهانوفيل

[moody_687]

هو غالبا جملة جناح فندقي يعني تايم شير وبيكون للعقد مدة محددة