Tweet
رجالة كل سنة و انتوا طيبين و عيد سعيد عليكم كلكم... في حكاية كدة عاوز افضفض معاكم فيها
دلوقتي في مشاكل حاصلة جامد مع واحد معرفة يعز عليا يعني هوا صاحبي اصغر مني عنده 22 سنة عنده اخص عنده 18 سنة و اخت 10 سنين, المهم المشكلة في الكبير داخل كلية خاصة عشان مجموعه مكنش كبير يدخل هندسة و اهله كانوا عاوزينة يدخل هندسة و هما مقتدرين يعني ماديا المهم كان في فترة قاعد لوحدة و اهله مسافرين فكان بيبعتلوا فلوس مصاريفه كل شهر فضل الحال كدة و يسافر لأهله يحصله مشاكل و يرجع يحصله مشاكل و هكذا, اخوه الصغير مش بيقدره ولا بيحترمه ممكن زمان كانوا بيتعاركوا مع بعض كأي اخوات بس لما كبروا الاخ الصغير شايف نفسه عايش ب 10 جنيه مش بيصرف و انوا اخوه الكبير بياخد 1000 جنيه مثلا و بيصرفهم و مصاريفه كتير و الجو ده مع ان اخوه الصغير عيل و ميعرفش الا صاحب واحد و اخوه الكبير اجتماعي لابعد الحدود عنده بتاع 500 صاحب و بينزل و يجي و كدة المهم بحكم الجامعة ابوه جابله عربية عشان فلوس المواصلات كتير و كده يعني عادي المهم الاخ الصغير مش بيعرف يسوق ولا عنده استعداد يسوق لدرجة انوا بيدور العربية و هيا دايرة
القصة تتلخص انوا الاخص الصغير بيقول كلام ملوش لزمة للكبير فالكبير يتنرفز بفدل ما يضربه بيكسر لمبة يقطع سلك يرمي كباية رخيصة كدة يعني ... المشكلة انوا الام شايف انوا الكبير غلطان و مجنون و انوا الصغير مغلطش ! الولد بيقلي حيتجن بيجيب امه يقلها الحكاية الرواية تشتمه و تطرده و اخوه واقف جنبها يشتم و يقل ادبه ! و كل حيات الام الماديات هيا مش روشة يعني مش بتصرف على نفسها كل فلسهم على عيالي بس شافه انوا الاخ الكبير واخد حق اخواته و مفروض ميصرفوش عليه و كلام اهبل !
المشكة انوا الموضوع بيطور و كل مرة كدة و تيجي متديهوش فلوس و تقله مفيش و الولد دنيته تقف و صحابه مش فارقين عنه بيجلهم مصروف مرتب اي كان يعني عاملين حسابهم في حاجة ! و العربية تبووظ جنط يتكسر غيار زيت معرفش ايه امه تقوله مهوا الناس مش بتصلح عربيتها و مش بيحطوا بانزين و ماشية ! تناقض غير طبيعي ! و هما مرتاحين ... هوا حكالي انوا اهله اتعقدوا من نصباية واحد قريبهم عليهم زمان فبيشكوا في نفسيهم و حتى شايفين انوا ابنهم بيسرقهم ! و الابن الكبير الوحش الي الي كذا كذا
الكبير يوصلهم يصلحلهم حاجة في البيت يشيل حاجة يعمل برضه وحش و الام مؤيده للصغير و مخلية صورة الكبير زي الزفت شايفينة حرامي مجنون ! الولد يا عني زهق و حيموت نفسه و خلاص مش قادر حيتجنن ! يرد عليهم مش فارقة يسكت مش فارقة ! يعقد مقهور ميفطرش يومين ولا فارق معاهم ! ايكش يولع ! مفروض يعمل ايه ؟ هما اهله و كل حاجة بس ديه مش عيشه يعني الواد بيقلي اهرب و اموت نفسي و خلاص حيكفر بيقى بيقلي انا عاوز اسب و العن مع انه مش بيقول حمار حتى ... انا مش عارف انصحة و هوا خايف يقلي هاتلي فلوس و الجو ده و برضه يعز عليا وميرضنيش عاوز اقله حاجة و هوا شخص كويس محترم ولا بيشرب سجاير ولا يحشش ولا بتاع نسوان ولا مستهتر ولا مش مقدر للمسؤولية ده الي حيجنني انا شايف شبابا في سنة عادي سايقن رايحين جاين و دادي و مامي و الدنيا بمبي يعني...
حاجه اخيرة بيقلي ابوه شايف انوا الشرع و العدل و الدين بيقولوا انوا لو الكبير اخد من ابوه 10 جنيه و بيصرفهم لاحتياجاته و ظروفه كمصواصلات كاي حاجة و الصغير مفروض ياخد نفس ال 10 حتى لو مش بيصرف منهم الا جنيه ! و البنت تاخد برضه 10 يتحطلها في البنك او يشترولها بيهم حاجة ! جالوا تلفون يجي لل3 تلفون ! جاب عربية يجيبوا لل 3 ! مع انوا الامكانيات متسمحش يعني هما مش مليونرات عايشين في فلة زي مسلسل حكاية حياة ! دول عادين طبقى متوسطة يعني !