اتوبيس لشرم الشيخ

[eng/ahmed_go]

كل سنة وانت طيبين يا جماعة
كن عايز اسافر شرم بس مش عارف احجز اتوبيس تبع شركة ايه لان الشركات كتيرة وبسمع اراء متضاربة
فيا ريت لو حد بيسافر كتير وعندو خبرة يقولى على انضف وارقى شركة اتوبيساتها نضيفة ومريحة ومش مهم السعر خالص وشكرا جزيلا مقدما

[Adel.Nasr]

شركة سوبر جيت في منها اوتوبيسات بيكون بدل مع مقعدين جنب بعض بيبقى مقعد واحد كبير مريح جدا و سعر التذكره تقريبا 130 جنيه

[Mohammmed]

go bus elite class 150

[sfahmy6]

go bus elite class 150

.
جو باص ...... اليت .....احسن حاجه سمعت عنها فى الاتوبيسات لحد دلوقتى ....تلات كراسى بس بالعرض ...زى كراسى الطياره


ومن غير استراحات تقريبا

ب ميه وخمسين


والمميز ..... ب خمسين تقريبا

[sfahmy6]

بس المشكله ...... انه معادين ....تقريبا او معاد واحد بس فى اليوم ....


الرقم السريع بتاعهم 19567

برضه شركه ....هاى جيت .....نفس الخدمه تقريبا ....وسعر احسن

الرقم السريع بتاعهم 16108

[أحمد كمال]

مشكلة الباص الوحيدة انك تلاقي واحد ما تقلعهوش من رجلك كل مؤهلاته انه جاب 50% في ثانوية عامة بينزلك يشوف بطاقتك و فلوسك و شنطك و ممكن يرجعك

[sfahmy6]

شرم دى بالذات ......معروف ....كمين النفق ممكن يزلك فيه ....وينزلك بشنطك مهما كانت تقيله او مين اللى معاك


ويقوللك علشان الكلب يعدى عليها

وبراحته ....مره اه ومره لا :(

وحاجه قمه فى البهدله ......وده عمره ما بيحصل فى الغردقه

تقريبا الطريق سبع كماين .....ممكن تتسال على البطاقه فى 3-4 منهم

[elrasy]

ركبت جو باص مرتين و ندمت
بس كان نوع ديلوكس بيقولوا الرويال و الاليت احسن

[mastr_n]

بحكم شغلى بعدى على النفق كتير
مش عارف اقولك بس بحس ان الناس اللى بتروح بالباص وكانهم بيتعرضوا على النيابة
قمة البهدلة وكلاب تشم الشنط وقلة قيمة من الأخر
انما فى عربية ملاكى مافيش الكلام دة

[ahmedhilmy]

رحت السنه اللي فاتت في جو باص الحقيقه كان ممتاز و الغريب فعلا اننا موقفناش و لا مره في و لا نقطه تفتيش الا اللهم مره وحده بس و طلع ظابط يسال اذا كان في في الباص حد مش مصري بس

[A.Saad]

بس المشكله ...... انه معادين ....تقريبا او معاد واحد بس فى اليوم ....


الرقم السريع بتاعهم 19567

برضه شركه ....هاى جيت .....نفس الخدمه تقريبا ....وسعر احسن

الرقم السريع بتاعهم 16108

حضرتك جربت هاى جيت
لانى سامع عنهم انهم مش كويسين

[sfahmy6]

حضرتك جربت هاى جيت
لانى سامع عنهم انهم مش كويسين

اللى انا اعرفه ........انه دول احسن شركتين باسعار مناسبه .....ومواعيد كتيره

تقدر تروح فى اى وقت تلاقى اللى انت عاوزه

انما فيه شركات تانيه كتييييييييييييير ....بس ممكن يكون السعر غالى شويه أو مواعيد قليله

وفيه واحد كان كاتب انه ركب فى ديلوكس .......انا بس عاوز اساله هوا لسه عايش ولا جراله حاجه
لان ده اسوا قرار فى التاريخ .........يا جودعان الطريق ممكن ياخد ....ست ساعات
لازم تكون مستريح على الاخر....انما لو شغلك ......قابل ياعم :)

بس انا موش فاكر اذا كنت ركبت هاى جيت أو سوبر جيت .......

بس بصراحه ........كان موش قوى :(