نفسي ارتاح !

[abdou7000]

السلام عليكم ورحمة الله
اسأل الله أن أجد عندكم اقتراحات وحلول تريح قلبى .. وأتوسم فيكم الرأى السديد إن شاء الله
أنا فى أوائل الأربعينات وأعمل مصورا فوتوغرافيا بأحد الصحف المصرية
الحمد لله التزمت دينيا .. وعلمت من العلماء "الثقات" أن التصوير الفوتوغرفى فيه الحلال وفيه الحرام
الحرام زى تصوير النساء المتبرجات .. المهم إن عملى ما أقدرش أفصل فيه بين الحلال والحرام
يعنى لو جالى موضوع مش هاقولهم .. لأ دى واحدة ست متبرجة مش هاصورها !
عشان كده حاولت إنى أترك شغلى .. بس مش عارف اشتغل ايه خصوصا وإن دراستى هى التصوير
ياترى حد من أهل الخبرة والمشورة عنده اقتراح اتصرف ازاى ؟
خصوصا والموضوع اصبح مؤرق جدا نفسيا واولادى يكبرون ومصارفهم تزيد ، وقرار ترك الشغل والاستقالة أحيانا يلح على بشدة وأحيانا أخرى يضعف وتأخذنى الحياة ؟؟؟؟؟

[mero100]

‫فتوى الشيخ الشعراوي عن العمل في بيع الخمر‬‎ - YouTube

و رأيي لو انت مش مرتاح ضميريا او دينيا لشغلك ....يبقي دور علي عمل اخر .

و أرجو تبحث في الموضوع اكثر مع علماء من دار الافتاء علي سبيل المثال .

[abdou7000]

الأخ عمرو إبراهيم .. جزاك الله خيرا ..
أنا قتلت الموضوع بحثا .. وكما وضحت أن الفصل بين الحرام والحلال فى عملى صعب جدا
لكن أنا مش عارف الواحد ممكن يشتغل إيه فى السن دى .. وكما قولت مؤهلى كمان تصوير
يعنى كده كده مش هاشتغل بمؤهلى ..
إيه الشغل اللى ممكن الواحد يبدأه فى الأربعينات ويصرف منه على أسرة من خمس أفراد ؟؟؟؟؟؟؟؟؟

[M.ABDOU]

اعتقد انى قريت فتوه للشيخ او اسحاق يعقوب فيها شبه من حاله سيادتك فأمره انه لا يترك عمله حاليا لان ترك العمل سيسبب ضرر كبير اكبر من ضرر العمل نفسه ولكن فى نفس الوقت امره بالبحث جديا وبسرعه عن عمل اخر فى نفس الوقت وحين العثور على عمل فعليه ان يترك العمل القديم


والله اعلم

[mohammed dodda]

أستشير دار الافتاء المصرية بنفسك...وممكن تبدأ مشروع تجارى بسيط بيع واصلاح الات التصوير مش مهم المشروع يقف على رجله بعد سنتين او تلاتة تاخد فيهم الخبرة المهم يكون عندك النية...ده فى حالة ان المهنة فيها شبهة وربنا يساعدك ويعينك ويرزقك الحلال من حيث لاتدرى ولا تحتسب

[reda elgohary]

الموضوع محير جدا ، بس أنا هنقل لحضرتك تجربتى ، أنا كنت شغال فى مكان وكنت حاسس بالشك فى مرتبى وتركت العمل لآنى غير مرتاح نفسيا وقعدت 3 شهور فى البيت والحمد لله ربنا رزقنى بمكان أفضل وأحسن .

[mohammedgido]

من ترك شيء لله عوضة الله خيرا منه

ضع هذه النصيحه نصب عينيك ثم الهج بالدعاء ان يرزقك الله رزقا حلالا وان يغنيك من فضلة وان يباعد بينك وبين كل شبة حرام .. واتذكر قول بعض السلف ( تركنا سبعين بابا من الحلال مخافة أن نقع في الحرام )

فنصيحتي لك ابتعد عن مجال التصوير جمله وتفصلا سواء لمتبرجات او غير المتبرجات فالامر فيه كلام كثير ونهي ووعيد شديد ويكفيك حديث رسول الله ( إن اشد الناس عذابا يوم القيامة المصورون .. ) فالامر جدا خطير .. فالجأ لله العلي القدير الرزاق ذو القوة المتين واعتصم بحبلة يرزقك من غير حساب

[wawamoha]

انا عارف ان كل الناس عاوزه تساعدك ...ز بس انا خايف انهم ينزلقم للفتوى و ده امر خطير ...
بص حضرتك انت عندك مرحلتين :
1- تستفتي من يطمئن قلبك لعلمه و رجاحته و حكمته و تحكيله الموضوع بالتفصيل و ابعاده - مش هاينفع حكايه الفيديوهات دي و الفتاوي المعممه لانها قد لاتناسب حالتك .
انا كنت خالي شغل و عندي اولاد - و جالي شغل مبرمج في شركه علشان اشرف عل عمليات مراهنات ماتشات الكوره - و استفتيت شيخ فاضل الله يرحمه - مع ان الموضوع واضح بالنسبه ليا - الا انه قعد يفصص و يمصص في طبيعه العمل و شغلي لحد اما تقريبا زهقني و في الاخر ماقدرش يقول انه حرام و امرني بالبحث عن غيره عل ما اتذكر او بالبدا واشوف اعمل ايه بالظبط .....
مش هاكلمكم عن علمه الشيخ الله يرحمه و انه من كبار علماء السلفيه - ما يطلق عليه متشدد
نعي الشيخ عبد الفتاح :
[url=http://www.alsalafway.com/cms/topic.php?action=topic&id=1488]

[wawamoha]

مش عارف ليه البوست مارحش
المهم
المرحله 2
اذا الشيخ افتالك انك تسيب الشغل فورا او بعد فتره تبتدي تدور و دي ربنا يعينك عليها - بس تاكد ان ربك هو اللي بيرزق و دي ناحيه ايمانيه ربنا يرزقهالنا كلنا -
انا اقترح في المرحله دي لو جت انك تشوف موضوع اللغه - يعني مثلا تدعبس هل في شغلك مجال للعه ؟ و لغه ايه يعني مثلا طلع الالماني مطلوب - ممكن تبتدي فيه و تاحد فيه شهادات و تنقل للقسم ده
ربنا يوفقك ان شاء الله

[Zaki Bashkha]

مع احترامي للجميع
عندك دار الافتاء اتصل بيهم وقول مشكلتك وهناك علماء اجلاء حيفتوك , انا بعمل كدا لما بقع فى مشكلة تتعلق بامور ديني

[abdou7000]

أشكركم جميعا على تواصلكم ..
وبخصوص سؤال دار الافتاء وغيرهم .. فقد استقر الرأى الشرعى على عدم تركى لعملى
إلا بعد إيجاد البديل ..
ولكن حينما تأخذ فتوى وتواصل عمل تشعر بعدم الراحة فيه وفرص العمل البديل تكاد تكون معدومة لمن فى مثل ظروفى، فلا أملك إلا أن أقول صدق رسول الله صلى الله عليه وسلم حين قال : الإثم ما حاك فى صدرك ....
وربنا يهدينا للرزق الحلال ويطهر قلوبنا وأموالنا .

[alfath8]

ان شاء الله هتلاقى شغل جديد وهاترجع تقولى alfath8 قالى
اسمع لربك وهو يقول
قال الله تعالى (ومن يتّق الله يَجْعَل لَهُ مَخْرجاً. ويَرْزُقَهُ من حيث لا يَحْتَسب) [سورة الطلاق: 2 ـ 3]

عن أبي بن كعب رضي الله عنه قال: ما من عبد ترك شيئاً لله إلا أبدله الله به ما هو خير منه من حيث لا يحتسب، ولا تهاون به عبد فأخذ من حيث لا يصلح إلا أتاه الله بما هو أشد عليه. رواه وكيع في الزهد (2/635)
الجأ الى الله والح عليه فى الدعاء والله اكيد سيهديك الى الطريق الصحيح
الحلال فى الزمان ده بقى صعب جدا
اللهم اغننا بحلالك عن حرامك وبفضلك عمن سواك
وقل واكثر من
قدر الله وما شاء فعل
انا له وانا الليه راجعون